Hugi.is - Notendur

Björn í Undralandi (48 álit)

í Deiglan fyrir 22 árum

Björn í Undralandi Einu sinni, í landi sem var langt, langt í burtu, var lítill strákur sem hét Björn. Hann var með gleraugu. Björn þessi bjó hjá frænda sínum og frænku og vann með þeim úti á ökrunum. Dag einn kom mikið óveður sem feykti Birni hátt upp í loftið og langt, langt í burtu. Hann lenti á stað sem hann hafði aldrei séð áður og var alveg gáttaður. Hann hafði nefnilega lent í Undralandi. Þar ríkir hin illa galdrakona Ingibjörg og á hún heima í risastórri höll sem heitir Reykjavík. En...

Mynd (3 álit)

í Ljóð fyrir 22 árum

Á silfruðum stálvængjum svífur hvít nótt að opnum gluggum hann stendur og bíður henni koss hamingju foss, sem loks fellur yfir oss og sólin sendir þúsund geisla sem brotna á þríhyrningsfjalli nessins af gráum og grænum mosa virðist neista glaðlegir vatnsdropar regnsins hann tekur fram filmu og vél framkallar ljóð á mynd er sól sest en í vetur, er þjóta stormar og vetrarél en vorsins dýrð er að eilífu fest á litríka og litla mynd og leynist á henni þú.

Haustkvöld (2 álit)

í Smásögur fyrir 22 árum

Ég á það til, sérstaklega þegar fer að hausta, að ganga út að kvöldlagi með góða bók á svalir og lesa. Allur æsingur dagsins og kliður er fokinn eitthvert út á Faxaflóa og borgin liggur róleg og horfir hljóð á síðustu geisla sólarinnar dansa á blautum húsþökum. Það stirnir af öllu og stundum verður borgin svo draumkennd og ævintýraleg að ég veit stundum ekki hvort ég sé að horfa á sannleikann. Svo sest ég kannski niður á hvítan garðstól og sé þá ekki lengur yfir borgina. Fyrir framan mig,...

Reiði (5 álit)

í Ljóð fyrir 22 árum

Ljósmynd Lítill drengur Ljóshærður Ljósblá augu Litlar saklausar hendur Á leið í skólann Með litla, saklausa, fullhlaðna, sjálfvirka skammbyssu

Nes (0 álit)

í Ljóð fyrir 22 árum

Undarleg birta skín af daggarvotum, grá-grænum mosa í kolsvörtu hrauni. Yfir stendur þríhyrningsfjallið kyrrt og hljótt eins og það hefur gert í þúsundir ára. Um nesið liggur appelsínugul æð með of háan blóðþrýsting og stöku blóðstíflu. Við vík eina eru margar tjarnir og ver þar sem gert er út á ál.

Vor (3 álit)

í Ljóð fyrir 22 árum, 1 mánuði

Yfir hvítar öldur hafsins heim að þúsund ára eynni, þar sem dökkir draumar svífa og dansa milli hvítra húsa, gráleit andlit vonlaus óska eftir björtum sumardögum, flýgur þreyttur lítill fugl sem fæstir taka eftir. En einn morgunn er þú vaknar, ef þú hlustar vel þá kannski heyrir, gegnum bílalæti og borgarnið, bjartan vorsins söng.

42 mánuðir (fyrir botni Miðjarðarhafs) (6 álit)

í Ljóð fyrir 22 árum, 1 mánuði

Í fjörtíu og tvo mánuði gekk ég um borg óttans og fyrir himnana dró óútskýranlegt myrkur. Að hliði ég kom en það var brotið og inn streymdi hagl og blóð vellirnir loguðu að öðru hliði ég kom en það var brotið og þar sá ég logandi fjall í hafi að hinu þriðja ég kom en það var einnig brotið og þar var Remma að því fjórða ég kom en það hlið var brotið og í gegnum það sá ég dag verða nótt og nótt dag fimmta hliðið var brotið og inn runnu sporðdrekar svartir sem eilífar nætur hið sjötta var...

Martröð (3 álit)

í Ljóð fyrir 22 árum, 1 mánuði

Eftir mörg þúsund morgna mun ég vakna og líta dökkleita dögun daggardropum í. Á sölnuðu grasi og gulnuðum laufum geng og geigur sækir að mér. Svört er sólin og varpar skugga í stað birtu. Og ég spyr -Hvers vegna? Hrundar borgir hvíla á hafsbotni liðins tíma, og blóði bornar öldur berast hægt að nýjum ströndum. Og askur allra tíma stendur allslaus og beinaberar greinar brothættar teygja sig upp til tunglslauss himins. -Hvers vegna? Úr djúpinu rís dauðraskip. Dökklitað og stýrislaust heldur í...

Líkn (3 álit)

í Smásögur fyrir 22 árum, 1 mánuði

Þögn. Eða kannski ekki þögn. Frekar andhávaði, sem er alger andstæða hávaða. Þögn er nefnilega ekki andstæða hávaða, frekar en myrkur er andstæða ljóss. Myrkur er bara fjarvera ljóss, og ljós fjarvera myrkurs. Andstæða ljóss hlýtur að vera andljós, rétt eins og andstæða myrkurs er andmyrkur. Andljós er svo svart að það er ekki litur heldur áþreifanleg tilvera án ljóss, rétt eins og andmyrkur er svo hvítt að það er áþreifanleg tilvera án myrkurs. Þannig var þögnin. Eða öllu heldur andþögnin....

Álfaþoka (7 álit)

í Ljóð fyrir 22 árum, 1 mánuði

Inn hún siglir sléttan fjörðinn, svífur létt að þorpinu. Þar standa lág hús, skip og bátar, síldarbrennsluturn og kirkja. Allt um kring er fjöll að finna, í fjarska glitrar jökullinn. Sólin skín og tunglið líka, stjörnur þessa ferðalags Allir gluggar festir aftur, enginn vill fá hana inn, hraðar hendur dyrum loka. Hrollköld álfaþoka ferðast inn fjörðinn þinn, forn og gamall galdrakraftur. Skelfur hver hönd, hvert bein, hvergi´ er skjól að finna. Álfar læðast milli hvítra húsa og hvísla illt...

Gunnar Gunnarsson (16 álit)

í Bækur fyrir 22 árum, 1 mánuði

Ég hef oft velt því fyrir mér hvers vegna Gunnar Gunnarsson hefur ekki hlotið hærra undir höfði en raun ber vitni. Það leikur enginn vafi á því að hann er einn besti skáldsagnahöfundur okkar Íslendinga á síðustu öld. Vissulega kemst hann ekki sama flokk og Halldór Laxness en samt sem áður á Gunnar til perlur, svona inn á milli, sem standast fyllilega samanburð við bækur nóbelsskáldsins. Það er ein bók sem mér finnst alltaf standa upp úr hjá Gunnari. Bók sem, að mínu mati, á sér engan líka í...

Réttlæti? (0 álit)

í Ljóð fyrir 22 árum, 1 mánuði

Skilningslaus eru augu barnsins þegar þú dregur upp mynd af heiminum eins og hann er þegar þú dregur upp mynd af sjálfum þér eins og þú ert á vegg er blóð afmyndast mynd af þér Þú horfir reiður eitt augnablik en dofnar svo eins og gamalt brauð myglar þú samviska þín er eins og skröltormur í símaklefa Skilninglaus eru augu þín