Gleymt lykilorð
Nýskráning
Forsíða

GILDISSVIÐ SKILMÁLA
Neðangreindir skilmálar eiga við um vefsíðu þessa, hugi.is, hér eftir nefnd „vefsíðan”, notkun hennar og upplýsingar sem er að finna á henni. Til vefsíðunar teljast allar upplýsingar, staðhæfingar og texti af öðrum toga, auk mynda, teikninga og alls annars efnis sem er að finna á henni, hér eftir einnig nefnt „upplýsingarnar”.
Lestur upplýsinganna og notkun vefsíðunnar, þar á meðal innsending efnis, er háð þeim fyrirvörum sem er að finna í skilmálum þessum. Með því að nýta vefsíðuna og kynna þér efni upplýsinganna samþykkir þú eftirfarandi skilmála.
Vefsíðan áskilur sér rétt til þess að breyta og uppfæra þessa skilmála án fyrirvara og verða þær breytingar birtar á þessari síðu.

HÖFUNDARRÉTTUR OG TAKMARKANIR Á NOTKUN UPPLÝSINGA
Vefsíðan í heild sinni er eign Já upplýsingaveitna hf., hér eftir einnig nefnt „Já“. Á Já því allan höfundarétt að upplýsingum sem er að finna á vefsíðunni. Höfundarréttur Já að innsendu efni notenda sem birtast á vefsíðunni er takmarkaður við birtingar- og nýtingarrétt.

Með því að senda inn efni veitir notandi vefsíðunnar Já ótakmarkaðan rétt til nýtingar og birtingu efnisins á vefsíðunni með þeirri aðferð og tækni sem Já þóknast.
Þó notandi geti eytt eigin aðgangi að vefsíðunni er ekki hægt að eyða út öllu efni sem notandinn hefur sent inn. Í þeim tilvikum er innsent efni viðkomanda aftengt frá notandanafninu og ekki lengur hægt að aðgreina þá frá efni annara eyddra notenda.

UM NOTKUN VEFSÍÐUNNAR OG BIRTINGU EFNIS Á HENNI
Efni frá notendum birtist sjálfkrafa á vefsíðunni eftir að notendur hafa sent það. Í sumum tilfellum er efnið skoðað af öðrum notendum áður en það er birt. Ber Já enga ábyrgð á efnisinnihaldi í innsendu efni, hvort heldur sem um ræðir réttmæti þess, áreiðanleika eða orðfæri.

Notendur vefsíðunnar eru sjálfir persónulega ábyrgðir fyrir því efni sem þeir senda inn á vefsíðuna.
Óheimilt er að senda inn efni sem brýtur gegn lögum og/eða almennu velsæmi, er ærumeiðandi, ósæmandi á einhvern hátt eða hefur að geyma óstaðfestar ásakanir eða dylgjur í garð einstaklinga eða lögaðila.

Það er alfarið á ábyrgð notenda að allt efni sem þeir senda inn sé ekki varið með höfundarétti frá þriðja aðila eða viðkomandi hafi orðið sér út um öll nauðsynleg samþykki frá rétthafa.

UM REKSTUR OG UMSJÓN VEFSÍÐUNNAR
Vefstjóri sér um rekstur og umsjón vefsíðunnar fyrir hönd Já. Vefstjóri situr jafnframt ásamt yfirforritara og ritstjóra í nefnd sem fer með stjórn vefsíðunnar, hér eftir nefnt „vefstjórn“.

Vefstjórn áskilur sér rétt til þess að fjarlægja efni sem birt eru á vefnum, að hluta til eða í heild sinni og með þeim hætti sem vefstjórn þóknast. Þá er áskilinn réttur til þess að meina ákveðnum notendum um að nota vefsíðuna, hvort sem það er tímabundið eða varanlega.

Vefstjórn er heimilt að deila réttinum til að ritskoða eða/og fjarlæga nýlegt efni af vefsíðunni með sérvöldum notendum sem nefnast hér eftir „stjórnendur“. Ásamt þessu mega stjórnendur einnig framkvæma aðgerðir sem geta valdið því að ákveðnum notendum sé tímabundið óheimilt að nota vefinn sem innskráðir notendur.

VIÐBÓTAR SKILMÁLAR FYRIR STJÓRNENDUR
Með því að gerast stjórnandi á vefsíðunni samþykkir viðkomandi að framfylgja eftir bestu getu notkunarskilmálunum og þeirri stefnu sem vefstjórnin setur fram. Allar aðgerðir stjórnenda skulu vera í samræmi við persónuverndarsstefnu og notkunarskilmála vefsíðunnar.

Það er algjörlega ákvörðun vefstjórnar hvaða notendur henni finnst vera hæfir til þess að gegna hlutverki stjórnanda á vefsíðunni. Vefstjórn áskilur sér einnig rétt til þess að taka stjórnendaréttindi af viðkomandi án fyrirvara.

Stjórnendum ber að sýna kurteisi, hlutleysi og sanngirni í afskiptum sínum af notendum Huga, sem og öðrum þeim sem koma að starfsemi eða notkun síðunnar. Persónulegt samband stjórnanda við ákveðna notendur má ekki hafa áhrif á hlutleysi hans í ákvörðunum eða afskiptum hans af notendum. Ef stjórnandi treystir sér ekki til að taka afstöðu í einhverju sem viðkemur áhugamáli í hans umsjón ber honum að ráðfæra sig við aðra stjórnendur og/eða óska eftir aðstoð frá þeim. Ætlast er til þess að allir stjórnendur verði við slíkum beiðnum.

Stjórnendum er með öllu bannað að setja inn auglýsingar á þeim áhugamálum sem þeir sjá um nema með samþykki Vefstjóra.
Undir auglýsingar fellur allt það efni sem stjórnandi hefur vald fram yfir aðra notendur til að setja inn á áhugamálið og gætu skilið honum eða tengdum aðilum fjárhagslegum ávinningi.