Þar sem tveir mætast hljóta þeir ætíð að þurfa að veita skilning mismunandi viðhorfum, hvers annars, hvaðan í veröldinni sem þeir eru fæddir og uppaldir.
Þar sem tveir mætast hljóta þeir ætíð að þurfa að veita skilning mismunandi viðhorfum, hvers annars, hvaðan í veröldinni sem þeir eru fæddir og uppaldir. Raunin er sú að opinberlega vitum við nákvæmlega ekki neitt um siði hinna nýju Íslendinga.
Sæll. Ég var að svara innleggi þínu með yfirfyrirsögninni “ Lítt sannfærandi mannréttindagæsla ” þar sem ég var að velta fyrir mér við hvað, einkum, þú ættir, en mannréttindagæsla er víðtækt hugtak, mér nokkuð hugleikið, sökum þáttöku minnar þótt lítil sé á þeim vettvangi, síðasta hálfa áratuginn. kveðja. gmaria.
Ég held að við séum nú sem betur fer enn, nokkuð langt frá algjöru stjórnleysi. Ég er alfarið á móti því að fleiri lögreglumenn verði vopnaðir en nú er í víkingasveitinni. Án efa má fjölga í lögreglunni, en slíkt leysir ekki allan vanda. Taka þarf mun fastari tökum mál þeirra einstaklinga er lenda á glapstigu og fremja hvert afbrotið á fætur öðru, hvort sem er vegna áfengis eða fíkniefnaneyslu, eða annars. Jafnframt þurfa yfirvöld að vera vakandi varðandi t.d. starfssemi eins og...
Sæll. Fyrirgefið að ég blanda mér inn í umræðuna. Það er alveg rétt hjá þér að enginn þorir að ræða t.d. málefni innflytjenda, ALLIR núverandi stjórnmálaflokkar þegja þunnu hljóði. Það heyrist ekki bofs í ungliðahreyfingum stjórnmálaflokkanna. Ímyndarótti og almennt kjarkleysi, einkennir málfar manna, sökum þess að núverandi kjörnir fulltrúar, fara með veggjum. kveðja. gmaria.
Það er nú sennilega að verða tæpur áratugur síðan að fagstétt gerði samninga af þessu tagi við viðsemjendur. Ég held að eitthvað hafi breyst til bóta síðan þá, og faglegur metnaður aukist, ef eitthvað er.
Ég hef ekki heyrt neinn væla ennþá. Innfluttur, eða innlendur verksmiðjulandbúnaður, er nákvæmlega sá sami. Hér er verið að tala um aðra aðferðafræði við framleiðsluhætti,þ.e. lífrænan landbúnað, samkvæmt kenningum Rudolfs Steiners. Landbúnað sem byggist á því að framleiða vöru í fullri sátt við lífkeðjuna, þar sem t.d notktun tilbúins áburðar og aukaefna hvers konar lýtur ströngum skilyrðum með hollustu að markmiði.
Þetta veltur allt á hæfileika okkar til þess að greina “ hismið frá kjarnanum ”. Sannleikur og lygi eru í mínum huga andstæður. Þú iðkar sannleikann og uppskerð í samræmi við það. Hið sama gildir um lygina, hvers eðlis em hún er.
Ég veit ekki vinur eða vinkona hvort þú mælir hér við mig eða aðra en þér skal ég svo sannarlega tjá þá skoðun mína, þess efnis, að kristilegt siðgæði er forsenda þess gildismats sem ríkjandi er í vestrænum samfélögum hvarvetna.
Hvað segirðu ! Hamborgara á 5000 kr tæpar. Varla kaupir nokkur hamborgara á því verði. Er verið að auglýsa ákveðna bifreiðategund í leiðinni kanski ? Það væri víst ekki nýtt. Auglýsingaiðnaðurinn hefur að virðist fá siðferðileg mörk.
Í raun má segja að forvarnaratriði númer eitt sé að vista ekki og mörg börn í einu í sama rými, svo ekki sé minnst á ef umönnunaraðilar eru ef til vill heldur ekki nægilega margir, til þess að sinna þeim hinum sömu börnum. s.s. undirmönnun ákveðin tíma árs á leikskólum sem verið hafa viðvarandi vandamál ár hvert. Sama gildir um starfssemi grunnskólans. Eftirlit með þáttum sem þessum´ætti eðli máls samkvæmt að vera í höndum heilbrigðisnefnda sveitarfélaganna.
Sæll. Nú hef ég loks lesið stefnuskrá hins nýja flokks, sem mér finnst um margt ágæt, sökum þess að þar er að finna ýmis ný markmið til bóta í voru samfélagi,s.s. ræðumennsku í grunnskólum til að efla félagsfærni, þótt þar sé einnig nokkur að finna sem ég get ekki samþykkt. Ég sakna hins vegar útfærsluatriða í boðuðum breytingum í kvótakerfum sjávar og landbúnaðar, svo eitthvað sé nefnt. kveðja. gmaria.
Ég er ekki alveg sammála þér deddida. Fáfróðir geta jafnt sem margfróðir iðkað notkun sannleikans. Sannleikurinn er hins vegar forsenda þess að þekkingarbrunnur mannkyns nýtist í þágu þess í formi grundvallaðra niðurstaðna á vísindalegum vettvangi. Sannleikurinn er sagna bestur, og hagræðing hans telst vera tækifærismennska.
Hinir nýju Íslendingar, nákvæmlega sama hvaða litarhátt þeir hafa til að bera geta kennt okkur Íslendingum, heilmargt m.a. iðjusemi og sjáfsbjargarviðleitni, sem við erum á góðri leið með að glata að hluta til, vegna þess við erum svo upptekin við að þrefa og jagast.
Sæll. Ég veit ekki alveg hvaða aðila þú átt við ritter, en almennt í þjóðfélaginu held ég að það sé ekki svo erfitt að koma sjónarmiðum sínum á framfæri, um hvaðeina, mannréttindi, jafnt sem annað, svo fremi menn fari ekki offari. kveðja. gmaria.
Sæll. 1.Hvernig finnst þér að sá flokkur myndi þurfa vera frábrugðin öðrum flokkum utan það að vera þjóðlegur ? 2. Hvaða heildarstefnumótun í málum atvinnuveganna ,myndi þurfa að vera í öndvegi að þínu mati ? kveðja. gmaria.
Mér finnst hafa skort nokkuð á það upp á síðkastið að menn þori ekki að halda fram sannfæringu sinni, af krafti, og hver tali í sínu horni, á kostnað almennrar skoðanamyndunar almennings á þjóðmálum almennt.
Sæll. Ég hef engu við fyrra “ comment ” að bæta um skoðanaskipti. Hvað varðar stjórnmálaflokk þinn og aðra flokka, þá skal ég reyna að gefa mér tíma til að kíkja á stefnuskrána, svo fljótt sem verða má. með vinsemd. gmaria
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
