Ég skil það vel að þú hafir ekki þurft að flýja neitt í Eyjum, enda sjaldnast atvinnuleysi þar, né heldur fylgifiskar þess. Að sjálfsögðu ætti enginn að hefta þig í því að leita að grænna grasi, hinum megin við hæðina, ef þér finnst þú þurfa þess. Nútíminn er hins vegar allt um land, í hinum ýmsu myndum, eðli máls samkvæmt.
Sæll. Já raunin er sú að blessuðu markaðsnautinu var sleppt lausu og það GLEYMDIST alveg að girða nauðsynlegar girðingar í markaðsumhverfinu, svo á Samkeppnisstofnun að sjá til þess að samkeppnislögin sem stjórnmálamennirinir samþykktu með pompi og pragt virki. Virkni þeirra hugnast ekki öllum virðist vera. Sjónarmiðin hafa því heldur betur gengið í hringi, eins og þú segir. Ekki í fyrsta skipti í íslenskri pólítik. kveðja. gmaria.
Ég gat ekki fundið neitt sérstaklega “ vafasamt ” þegar ég skoðaði þessa stefnuskrá í heild, heldur fannst mér hér um ágætis markmiðssetningu að ræða, þar sem tekið er á mörgum þeim málum dagsins í dag á Íslandi. Ég hef ekki skipt um skoðun þótt ég hafi nú augum litið gagnrýni þína á þessa þeirra stefnuskrá. með vinsemd. gmaria.
Það er ekki eðlileg þróun að fólk skuli þurfa að yfirgefa landsbyggðina vegna atvinnuleysis. Myndir þú telja þig vera að flýja ef þú værir til þess knúinn að selja eða leigja hús þitt hér í borg, sökum þess að þú fengir aðeins atvinnu úti á landi ?
Ég hef búið lengur í borg en sveit, en hvoru tveggja þekki ég. Þótt seta á kaffihúsi, keila og pool, sé það sem vantar held ég að það skipti ekki sköpum, heldur það að atvinna sé til staðar svo til verði mannlíf.
Ég tala um fólksflótta, vegna þess að fólk þarf að flýja sína heimabyggð, vegna atvinnuleysis. Hvers vegna er atvinnuleysi á landsbyggðinni ? Kvótakerfi atvinnuveganna nú miða aðeins að stærri færri einingum, á sjó og landi, sem þýðir færri störf. Þú horfir kanski yfir heila sveit, með fallegum húsabyggingum. Ef til vill stendur rúmur helmingur húsanna auð og yfirgefin, og jarðirnar ónýttar.
Gott dæmi. Hvað gerist þegar dekk springur ? Við þurfum að nota hgusun okkar jafnvel á allt öðrum vettvangi en venjulega, í því er fólginn tilgangur. Maðurinn fann upp kerru sem hafði dekk, og síðar þróaðri ökutæki, til þess að þjóna sínum tilgangi betur í formi aukinna þæginda. Sprungið dekk minnir okkur á að við þurfum að hafa svolítið fyrir hlutunum, sem þjónar sínum tilgangi.
Vinstri grænir eru ágætir EN hafa því miður eitt meira púðri á heildina litið til þjónkunar við hagsmuni gæsa en manna, því flokkurinn hefur að hluta til einangrast í þessum flokku umhverfismata alls konar fram og til baka. Betur má ef duga skal.
Sæll. Þakka þér fyrir. Það er ánægjulegt, að heyra, þvi oft var þörf en nú er nauðsyn að taka upp breytta skipan mála. með raunsanna hagkvæmni að leiðarljósi. kveðja. gmaria.
Kæri vinur! Til hvers í ósköpunum vorum við að baslast við að berjast fyrir fullveldi ef meininingin er ekki sú að hafa það í okkar hendi. Raunin er sú að lega landsins og fiskimiðin allt í kring um okkur gera það að verkum að þjóðir Evrópu, vilja ólmar komast í bandalag við okkur, þar sem við höfum 200 mílna fiskveiðilandhelgi, sem einnig kostaði okkur átök á sínum tíma. Sérstaða Íslands gerir það að verkum að við höfum fjóra ása á hendi svo fremi okkur takist að halda vel á málum innanlands.
Ég er sammála þér, hinn aldagamli undirlægjuháttur fylgir okkur áfram, “ bara að fylgja tískunni ” hvort sem rignir eða snjóar á kaf í voru samfélagi. Auðvitað er það okkar að láta okkur varða vort samfélag og þróun þess.
Svo vill til að ég skoðaði stefnuskrá þessa nýja flokks, og verð að segja að margir hafa hér boðið fram til Alþingis með þynnri stefnuskrá en þessa. Mér virðist sem flokkur þessi ÞORI og GETI haft möguleika á brautargengi einkum og sér í lagi vegna þess að þar virðist að finna hugsjónaanda og sannfæringakraft, sem svo mjög skortir í íslenskri pólítik í dag. Málefni innflytjenda eru málefni sem þarf að ræða, ofan í kjölinn eins og flokkur þessi gerir. Það er stórt hagsmunamál fyrir...
Sæll. Evrópusinnar, þ.e. eindregnir talsmenn inngöngu í Evrópubandalagið, hafa ekki hugmynd um sjálfstæðisbaráttu þessarar þjóðar, sem og virðast þeir hinir sömu alveg hafa glatað áhuga á þvi að ræða skipan mála innanlands, í hinni blindu sýn á þá forræðishyggju sem Evrópubandalagið hefur innandyra. Þar er því sjálfsagt reynt að róa árum í talnahafi milljarða, svo sem flestir taki eftir. Það er í tísku, en villir ekki öllum sýn sem betur fer. kveðja. gmaria.
Kæri vinur/ vinkona. Allt í kring um okkur sjáum við birtingamyndir öfundar og metorðagirni. Tveir menn geta verið sammála en þegar sá þriðji kemur til sögu þá skapast oftar en ekki erfiðleikar, og vandamál. Ekki má anda á nokkurn mann eða gagnrýna hans athafnir án þess að hann móðgist. Það ER tilgangur í öllu jafnt stóru sem smáu, hið smáa útheimtir skilgreind markmið, hið stóra, ekki. Hið stóra býr nefnilega innra með okkur og birtist í atorku okkar við að lifa venjulegu lífi og vinna úr...
Já deddida það er oftar en ekki þannig að, afdalakenningar líta dagsins ljós, sem fá ef nokkur rök eru finnanleg fyrir. Því miður virðast allt of fáir hafa hugmynd um lífrænan landbúnað og gildi hans, hér á landi enn sem komið er.
Ég gæti vel ímyndað mér að sú væri raunin, að skattar á tóbak dekkuðu heilbrigðiskostnað, en þá ætti með réttu hið sama að gilda um áfengi, og afleiðingar þess, eða hvað ?
Sér eyrnamerktur skattur, af verði hvers sígarettupakka, rennur beint í heilbrigðiskerfið, að mig minnir í fyrstu, stjórnarnefnd ríkisspítalanna. Svo hefur verið trúlega hartnær fimm ár eða svo, þannig reikna mætti út t.d. kostnaðarþáttöku stórreykingamanna sem einnig deyja alla jafna fyrir aldur fram, í ljósi þessa.
Sæll. Manni dettur helst í hug að verkalýðshreyfingin sé á Venus í þessarri hugmyndafræði, ásamt einum stjórnarþingmanni sem tekur undir slíkt hjal. Alveg hreint með ólíkindum. kveðja. gmaria.
Svar mitt er sameinaðir kommar og kratar, sem mér finnst mjög svo birtast í skrifum þeirra manna er reyna að halda á lofti þeirri fylkingu, hvar sem er.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
