Gleymt lykilorð
Nýskráning
Forsíða

Notendur

fimma
fimma Notandi frá fornöld 42 ára kvenmaður
898 stig

Kanínustrák vantar heimili (1 álit)

í Gæludýr fyrir 18 árum, 7 mánuðum
Ég þarf því miður að láta frá mér kanínuna mína vegna óviðráðanlegra orsaka. Hann er ca. 2 mánaða gamall blendingur dverg- og venjulegri kanínu, svartur með eina hvíta loppu. Getur e-r tekið hann að sér fyrir mig? Eða ef það gengur ekki, veit þá e-r hvað maður getur gert ef maður þarf að losna við gæludýr en finnur ekkert annað heimili handa þeim?

Kató (2 álit)

í Ljóð fyrir 19 árum, 5 mánuðum
Gref kvikubitnar neglurnar í hold mitt, opna mig upp á gátt. Sársaukinn bergmálar yfir vatninu. Klóra og ríf í rotnandi leifar hjarta míns og slít þær burt. Steinhjarta eða stálhjarta? Aðeins e-ð sem ekki brotnar.

Sögumenn (1 álit)

í Ljóð fyrir 19 árum, 7 mánuðum
Hugur minn þreytist á sögumönnunum, í flöktandi bjarma eldsins slær hjartað of hratt fyrir hæglátar raddir þeirra og pípureyk sem liðast frá vitunum. Ég vil dansa við villtan trumbusláttinn sem bergmálar í höfði mér, meðan glóðin brennur í sálinni og aftur kviknar glampi í augunum.

Haustást (1 álit)

í Ljóð fyrir 19 árum, 9 mánuðum
Ég byrgi gluggann svo klámfengin haustnóttin geti ekki horft inn um hann, á okkur tvö að elskast í myrkrinu.

Bundið mál (2 álit)

í Ljóð fyrir 19 árum, 9 mánuðum
Flétta silfurþræði úr dyn kattarins, rótum bjargsins og hjartarótum mínum. Hnýti smágerðar snörur, hárfínar gildrur til að leggja fyrir saklaus orðin í myrkviðum málsins. Seinna sel ég þau í ánauð í fastriðnum böndum ljóða minna svo hver megi gera við þau sem honum sýnist.

Þú í ljóði (5 álit)

í Ljóð fyrir 19 árum, 11 mánuðum
Með bleki, á blaði get ég ekki gefið af þér rétta mynd. Hvernig fæ ég þá fangað þig í ljóð mitt? Kannski ef ég færi stjörnurnar, hnika til þessum helvísku ljósglömpum með rómantíska orðsporið, svo þeir myndi andlit þitt á næturhimninum. Eða ef ég opna mér æðar, dreg þig blóði mínu á sólbrennda veggi borgarinnar. Kannski ef ég risti nafn þitt með nöglum mínum í hold elskhuga ókominnar framtíðar. Eða fæ ég aldrei fangað þig í ljóðvef minn?

Hlauptu! (3 álit)

í Ljóð fyrir 19 árum, 11 mánuðum
Hlauptu stúlka litla, hlauptu! Yfir víðfeðmar huglendurnar, hlauptu. Öskraðu stúlka litla, öskraðu! Bráðum kemur úlfurinn og étur úr þér hjartað. Veistu ekki stúlka litla, veistu það ekki? Að í draumum heyrir enginn þig öskra og þú kemst aldrei undan!

Deyjandi rósir (16 álit)

í Ljóð fyrir 20 árum
Haltu utan um mig meðan rósirnar sem þú gafst mér deyja, blæða ilmi sínum út í einmana nóttina. Láttu eins og þú elskir mig. Renndu höndunum yfir nakið bak mitt, laumaðu kossi í hálsakot. Viltu þykjast, bara fyrir mig?

Gömul ást á nýrri öld (5 álit)

í Ljóð fyrir 20 árum
Ef villistu af leiðinni heim - í bylnum, á barnum, í barningnum úti - máttu vita að í augum mínum kveiki ég kertaljós svo þú ratir aftur heim í hjartað mitt.

Svik (4 álit)

í Ljóð fyrir 20 árum
Kossar þínir brenna hörund mitt, þeir eru litaðir lygum.

Launung (11 álit)

í Ljóð fyrir 20 árum
Það er svo mikið af þér í þeim. Samt færðu aldrei að sjá þau.

Heilræði fyrir prinsa og aðra einfeldninga (3 álit)

í Ljóð fyrir 20 árum, 1 mánuði
Veldu þér konu við hæfi. Skónum geturðu látið breyta á morgun.

Blús (9 álit)

í Ljóð fyrir 20 árum, 1 mánuði
Bláir tónar líða eins og reykur um sál mína. Og grátklökkt bergmálar gítarsólóið af veggjunum í höfði mér.

Speed queen (6 álit)

í Ljóð fyrir 20 árum, 3 mánuðum
Dansandi, talandi, hlæjandi, kastarðu höfðinu aftur og slærð hárinu daðurslega til. Það er enginn, nema ég, sem sér sorgina í augunum, heyrir örvæntinguna í hlátrinum. Aðeins ég sem veit að trylltan dansinn stígurðu við dárana í höfði þér.

Azazel (4 álit)

í Ljóð fyrir 20 árum, 3 mánuðum
Ósjáandi, óafvitandi, leitaði ég þín um ómælisvíddir hins óþekkta. Þú lagðir hönd á öxl mér, koss á kinn mér, og dæmdir mig verðugan skósvein. Vel hefurðu kennt mér og viljug var ég að læra. En leit mín að þér hefur borið mig yfir landamærin. Nú er sakleysið annað land. Mér er það lokað um eilífð.

Blóðrósir (7 álit)

í Ljóð fyrir 20 árum, 3 mánuðum
Við fórum til Heljar þessa fordæmdu nótt, við tvö. Riðum græneygðu skrímslinu um náttvegu Niflheima. Í kæfandi myrkrinu sprungu þér út blóðrósir á brjósti. Ein sneri ég aftur, alein.

Draugar (5 álit)

í Smásögur fyrir 20 árum, 3 mánuðum
Í útvarpinu skiptist á drungaleg klassíkin á gömlu gufunni og veikt suð þar sem hinar útvarpsstöðvarnar ættu að vera. Ég slekk á tónlistinni og nöldra við sjálfa mig yfir afgömlum bíltíkum sem er ekki einu sinni kasettutæki í. Þvílík hörmung! Ekkert að hlusta á nema öldugjálfrið við eyðilega ströndina sem vegur minn liggur eftir hér í niðdimmri nóttinni. Ekkert að sjá nema hvítir öldutopparnir sem tunglkringlan speglast í eina örskotsstund. Í svefndrukknu höfði mínu taka þeir á sig nýja mynd...

Kannski (2 álit)

í Ljóð fyrir 20 árum, 4 mánuðum
Kannski dönsuðum við saman í silfruðu regninu. Kannski flæddi það yfir okkur, fyllti vit okkar ljúfri angan af sumarblómum og frelsi. Og græni kjóllinn þinn varð blautur og límdist við líkama þinn og þú dansaðir í rigningunni og hlóst og þú varst svo ómótstæðileg með brosið í augunum, blómin í hárinu, að ég réð ekki við mig heldur strauk kinn þína og laumaði á þig kossi. Kannski svaraðir þú atlotum mínum og við áttum ástheita stund, veltumst um í grasinu sem var blautt og hrollkalt við nakta...

Tilbrigði við Máríuvers e. Dag Sigurðarson (1 álit)

í Ljóð fyrir 20 árum, 4 mánuðum
MÁRÍUVERS Allar eru þær mellur - nema ein Mellur sem við kaupum - nema ein Heilög Guðsmóðir fyrirgefi mér Fari ég með rángt mál! D.S. TILBRIGÐI Allar erum við mellur Dagur - allar sem ein Allar seljum við okkur á strætum - fyrir drauminn um eitthvað meira Heilög Guðsmóðir gerði slíkt hið sama!

Huggun? (6 álit)

í Ljóð fyrir 20 árum, 5 mánuðum
Ég gæti sagt þér: að allt verði í lagi, að þú verðir búinn að gleyma þessu á morgun, að þetta sé ekkert svo slæmt, að sársaukinn brenni burt í draumunum og allt verði gott. Ég geri það ekki, vil ekki ljúga að þér. Get ekkert sagt, get bara haldið þér í fangi mínu, strokið hár þitt meðan þú grætur og reynt að bera byrðarnar með þér - í þögn.

Fánýti (7 álit)

í Ljóð fyrir 20 árum, 5 mánuðum
Í nóttinni heyri ég rödd þína hvísla: ,,Hversu fánýtt líf þitt er." Og ég öskra á móti, veina upp í vindinn, í orðvana æði. Við orðum þínum á ég ekkert svar.

Svefn (9 álit)

í Ljóð fyrir 20 árum, 5 mánuðum
Dragðu mér draumstafi drátthögum fingrum. Málaðu orðmyndir haustmjúkum litum. Ristu mér svefnrúnir rammar að afli. Syngdu mér silkiljóð svefnþungri röddu.

Minning um ást (2 álit)

í Ljóð fyrir 20 árum, 5 mánuðum
Ef ég gæti bara skrifað ást okkar minnisvarðann sem hún verðskuldar. Til þess þyrfti orð úr marmara, úr góðmálmum og eðalsteinum. Það þyrfti tíma, til að fægja, til að pússa og gleyma því sem skyldi. Ég á engin slík orð en tíminn er nægur.

Myrkur (4 álit)

í Ljóð fyrir 20 árum, 5 mánuðum
Bak við augnlokin dansa fölbláir vafurlogar, villuljós í höfði mér. Í skuggunum liggur óttinn andvaka, nafnlaus ógn í nóttinni.

Söknuður - prósaljóð (4 álit)

í Ljóð fyrir 20 árum, 5 mánuðum
Stundum hugsa ég um það sem þú sagðir þarna um kvöldið. Að þú værir hræddur um að finna kannski aldrei neina eins og mig. Ég finn þennan sama ótta lauma sér inn í brjóst mitt annað veifið. Því við vorum jú að svo mörgu leyti svo góð saman. Svo ótrúlega góð. En svo vorum við líka vond við hvort annað, særðum og meiddum. Svo ég held við vitum bæði að þetta var fyrir bestu, það kom í raun ekkert annað til greina en að fara sitt í hvora áttina. Enda sjáum við það skýrt og greinilega að við erum...
Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok