Hugi.is - Notendur

Fullt tungl (1 álit)

í Ljóð fyrir 20 árum, 1 mánuði

Í kvöld er ég hlekkjaður í fjötra mánans, einsemdin heltekur mig tár mín eru sem drífa rósa blaða sem birta mér minningarbrot um þig.

Undir áhrifum frá Yeats. Dagdraumar lítilmagnans. (0 álit)

í Ljóð fyrir 20 árum, 6 mánuðum

Verið velkominn í hús mitt njótið alls þess besta sem ég hef að bjóða ástar og gleði dýryndis rétta og eilífðar sælu, gætið þá að að ganga hljótt um sali því þið gangið á draumum mínum. W.B.Yeats “I have spread my dreams under your feet; Tread softly because you tread on my dreams”

Haust (1 álit)

í Ljóð fyrir 20 árum, 6 mánuðum

Hún horfir sljóum augum út um gluggann á gul laufblöðin sem halda dauðahaldi í titrandi greinar trjánna. “Ég skelf hér einmanna og gömul hrædd við lífið sem ég elskaði er ekki tímabært fyrir okkur að sleppa takinu”.

Samferðamaður (2 álit)

í Ljóð fyrir 20 árum, 6 mánuðum

Á milli þín og mín er hyldjúp gjá sem ekkert fær brúað nema skuggar okkar.

Spurt eftir mörg mörg ár (4 álit)

í Ljóð fyrir 20 árum, 6 mánuðum

Það andaði fnyki úr iðrum andskotans frá andremmunni úr slefandi kjaftvikum þínum í glyrnunum stigu villtan girndardans gólandi púkar með úldnum fylgisveinum sínum. Með kámugum fingrum og klístugri djöfuls saurgun kæfðirðu barnæskuna mína hverja nótt mátti ég þola hryllings nauðgun hvar varstu ÞÚ sem áttir að passa stelpuna þína?

Einsemd (3 álit)

í Ljóð fyrir 20 árum, 7 mánuðum

Tunglið varpar birtu sinni á svefnherbergis tjöldin, í nótt er ég einmanna og dapur bylti mér í rúminu get ekki sofið. Ég set á mig skó og fer út í nóttina kannski er einhver þarna úti í mánaskininu sem vill tala og láta faðma sig. Að stundu liðinni kem ég aftur inn skyrtan mín er tárvot og límist við brjóst sem finnur engan frið.

Haust (2 álit)

í Ljóð fyrir 20 árum, 7 mánuðum

Í gegnum síðustu laufblöðin á greinum reynisins sem hneigði græna krónu sina svo tignarlega til mín í sumar smýgur rauðbleikur bjarmi borgarljósanna frá haffletinum inn um gluggann til mín, Eftir götunni ferðast nokkur einmanna laufblöð í samfylgd ískaldra vinda. Í kvöld finn ég að haustið er að koma það horfir á mig líflausum gráum augum sem vænta einskis og horfa bara í gegnum mig.

Tárin þín (4 álit)

í Ljóð fyrir 20 árum, 8 mánuðum

Í litlum daggardropa sem drýpur rósarblaði frá eru ástartár þín falin og vökva mína sál. Döggin í svala morgunsins voru tárin þín í gær glitra sem gimsteinar og minna mig á það besta sem ég á.

Ofmettnaður (2 álit)

í Ljóð fyrir 20 árum, 8 mánuðum

Þú sjálfumglaði maður sem heldur að þú skiljir eftir þig merkilega arfleið á spjöldum sögunnar. Ég skal fullvissa þig um að spor þin verða ekki varanlegri en fótspor heiðargæsarinnar í fyrstu snjóum haustsins.

Heimkoma (1 álit)

í Ljóð fyrir 20 árum, 8 mánuðum

Að þrjátíu árum liðnum ber mig aftur á æskuslóðir með blæðandi hjarta og tómar hendur. Ég legg bát mínum við þínar strendur, þar sem loguðu eldar ástar og gleði er askan ein eftir.

Ertu þar ? (3 álit)

í Ljóð fyrir 20 árum, 8 mánuðum

Þegar skuggi næturinnar breiðir hönd sína yfir augun mín hverf ég í þöglan heim,sem engin sér á vængjum draumsins í leit að þér.

Sorg (1 álit)

í Ljóð fyrir 20 árum, 8 mánuðum

Þegar þú fórst mér frá var sem napur haustvindur blési og hrímköld hönd að hjarta legðist blómin drupu höfði og úti ríkti eilíf nótt. Frá þeim degi er sólin settist í vestri er sem skýjahula alla birtu deyði sál mín grætur í saknaðar þoku sem að eilífu líður mér um brá.

Sumarnótt (3 álit)

í Ljóð fyrir 21 árum

Taktu mig í faðm þinn bjarta sumarnótt leifðu mér að gleyma dagsins önn og sárum taktu mig með þér bara í nótt, þessu einu nótt á vængjum þínum inn í dalanna ró. Kenndu mér að njóta frelsis kyssa laufblað á bjarkargrein spegla augun í lygnri vík og lykta reyrinn á engjateig Já taktu mig með þér og kenndu mér að elska landið og rætur mínar, leifðu mér að finna unað og dásemd þína blíða sumarnótt.

Þrjú ljóð (3 álit)

í Ljóð fyrir 21 árum

ÓSKHYGGJA. Þegar sólin sest við sjávarrönd ferðast óskhyggjan á vængjum hugans að húsi þínu og horfir á þig sofa í faðmi mínum, laumar kossi á rjóðar varir sem brosa breitt í draumi mínum. Sálufélagar. Þau gengum hönd í hönd veg gleði og sorgar frá fyrsta kossi til dauðadags. Þar fóru tvær sálir sem engin þurftu orðin því ástin var þeirra vinur og förunautur. Ástin. Í brjósti þínu býr það besta sem ég á, brosir í augum mínum svo allir megi sjá.

Ég sakna þín. (4 álit)

í Ljóð fyrir 21 árum

Þegar söknuður kaldur og grimmur býr um sig í angurmæddu brjósti grætur hjartað hljóðum tárum. Ljóðið verður spegill minn blekið blóð mitt orðin tár mín, það ert þú sem ég þrái.

Ferðalag vorið og kötturinn. (0 álit)

í Ljóð fyrir 21 árum

Skýið. Í sumarilnum ligg ég ber á bakinu og ferðast með þér. Vorið. Loksins ertu hér ég heyrði til þín í gær lóan mín litla. Sumar. Lóubörn að leik í háu sumargrasi kötturinn hlustar.

Vorið og líf stofublómsins (0 álit)

í Ljóð fyrir 21 árum

Velkominn gyllti sólargeisli sem faðmar fjallatinda kemurðu ekki bráðum í dalinn og kyssir blómin mín. ########################### Örlög stofublómsins. Stofublómið grét þegar hunangsflugurnar flugu á gluggann.