Hugi.is - Notendur

Spegilmynd (1 álit)

í Ljóð fyrir 22 árum

Hann lyftir höndum og legg á sjálfan mig horfi í þessi öfugu augu hugsanirnar afturábak brosi og hann brosir líka eins blítt og ég.

Klukkan er orðin tíu, hann lítur aftur á hana til að vera viss. Jonni vinur hans er á leiðinni svo hann sest aftur í sófann sinn og lítur í kringum sig. Herbergið lítur út eins og ruslahaugur. Skítug, milliskítug og hrein föt liggja í hrúgum hingað og þangað, aðallega þangað, skrifborðið fullt af bókum og tímaritum, mynd af brúðu úr levis auglýsingu á bláum veggnum. Hann lítur niður og ýtir nýlegu Hustler klámblaði með fætinum undir rúmið. Óþarfi að auglýsa rúnkmateríalið fyrir foreldrinu....

Sjálfskrufning númer 2 (1 álit)

í Ljóð fyrir 22 árum, 1 mánuði

Opna varlega og hægt því hörundsár sál mín mun vera skoða hvikult hjarta, brotið og blátt mörg hefur það sjálft brotið og ber samviskunnar merki. Augun hafa svo margt ljótt séð svo grámi alls þess loðir við augasteinana. Skoða lungun, sem oft hafa hreytt úr sér lofti til hjálpar orðum mínum. Sé heilann, svo margbrotið verkfæri svo margbrotinn hugur og brotin liggja um mig allan.

Smá ábyrgð takk (12 álit)

í Kettir fyrir 22 árum, 1 mánuði

Ég hef tekið oft eftir því varðandi kattaeigendur á þessu áhugamáli að þeir virðast oft firra sig mestallri ábyrgð á kettinum sínum og þá oft á þeim forsendum að kötturinn sér svo voða voða sjálfstæður, og aldrei láti hann svona heima… Hér á ég þá við svör kattaeigenda við kvörtunum þeirra sem hafa fengið kött inn á heimili sitt, skítandi og étandi allt sem laust er, sporandi út, osfrv. Flest svör snúast um net í glugga,, sprey, allt til að varpa ábyrgðinni á þolandann í svona uppákomum....

Lærum smá sögu, hmm? (1 álit)

í Smásögur fyrir 22 árum, 1 mánuði

Ég gekk ósköp varfærnislegum skrefum yfir svellið fyrir framan tröppurnar í áttina að þessari forljótu byggingu. Leit á hana eitt andartak. Hún leit út eins og hún hafi klárað peninginn hálfnuð með fegurðaraðgerðina sína. Vinstri hliðin var glæný og alsett þessu fína ljósbrúna betrekki, á meðan gamli hlutinn var grár gugginn og einhvernveginn rigndur niður. Fyrir innan innganginn sást ung stúlka rembast við að renna upp háhæla stígvéli, sem virtist í fyrstu of lítið á hana. Þegar ég kom nær...

Aldrei á réttri áætlun (3 álit)

í Ljóð fyrir 22 árum, 1 mánuði

Október Laufin voru varla orðin rauð er seinustu snjókornin vættu líkin og fóðruðu beinagrind trésins. Apríl ég tók mér eitt snjókorn í hönd og las blauta tilkynninguna, þeir hafa víst frestað vorinu.

Þrír hermenn og arabi (2 álit)

í Ljóð fyrir 22 árum, 1 mánuði

Flatmagar á malbikinu márinn og faðmar steinana nakin lífshætta hugur hans hatar mig. Höfum hann undir og hatur sem ber á brynju okkar nakin sprengihætta ekki hætta að skjótann.

Skjóta fyrst og banka svo (4 álit)

í Ljóð fyrir 22 árum, 1 mánuði

Gatan er geðveiki að ganga um og guða á gluggana vitandi að köld kúla mín bíður merkt mínu nafni og lífi banka á dyrnar með hlaupinu hleypi af ætli fólkið inni sé að mála gólfið? Því þessi fallegi rauði litur rennur undan dyrunum.

Má bjóða þér kaffi? (2 álit)

í Ljóð fyrir 22 árum, 1 mánuði

Eilítið meira takk eða hvað finnst þér samviska mín? einn mola eða tvo? og smá sektardropa út í? En hvað bollastellið er flott utan um hugsanir þínar hegðunarmunstrið myndar svo falleg form. Má bjóða þér meðlæti? minningarbrot og brauð og smurðu svo sorg yfir það ku vera gott saman.

Fram og tilbaka, í ljósið og heim (6 álit)

í Ljóð fyrir 22 árum, 1 mánuði

Ég tek það fram að þetta bull er ekki samið eftir eigin reynslu. Sár mun sýn mín er ég framliðinn fer og fylgi eftir þessu bjarta ljósi heyrist að handan kall til mín og færist mér nær eygir leið í eyru mín og meðvitund kallað á Guðmund lækni kallað á Guðmund lækni vinsamlegast fari á stofu sex

Stattu þig (2 álit)

í Smásögur fyrir 22 árum, 1 mánuði

Er ljós handan við hornið? Örugglega, ég þori bara ekki að kíkja. Úff hvað ég svitna, maður hefði átt að velja sér dekkri skyrtu, verð að muna eftir því næst. Ef það verður eitthvað næst. Hvað ætli fólk haldi? Heh, þarna kemur stressaður maður sem veit ekkert hvað hann er að gera. Það er spurning hvort ég viti það. Ég er ekkert svo klár, er bara með gott fólk í kringum mig sem fórnar öllu fyrir mig, fyrir mig, kjánann sem hefur svo gott og hreint hjarta. Trúið mér, mín tegund er að deyja út....

Á rauðu ljósi (1 álit)

í Ljóð fyrir 22 árum, 1 mánuði

Ganga yfir gribbur tvær og lýsa loftið lævi þrungið rauður glampi glímir við regndropana um athygli mína að baki mér gellur við vélarflaut ég stíg niður fæti og treð bikaða slóð yfir gatnamótin. svo kemur aftur rautt.

Maður er myrtur (4 álit)

í Ljóð fyrir 22 árum, 1 mánuði

Áttu til eitt orð? mannorðsmorð? hefurðu slæmt á samviskunni eða eru þau mörg hvílík vargöld í höfðinu á þér slítur sundur samviskan þræði geðheilsu þinnar lemur bjöllur og brýtur niður mannvit þitt merg og bein. Þar til hugsun ein lýsir upp rústirnar og sést lítið eitt blóm vaxa úr hugskoti þínu góð hugsun í rotnum haus en þú verður aldrei laus við vítið í viðjum vitundar þinnar en þú vissir það ekki satt?

Haustið kom og fór (2 álit)

í Ljóð fyrir 22 árum, 2 mánuðum

Tunglið á tíkall endurkastast af silfrinu norpandi næturhúmið er kreistir allt líf úr seinustu laufblöðunum. Ég traðka á mósaíkmynd þeirra en ósköp varlega hlusta á dauðaskrjáfið áður en vot gröf malbiksins skolar þeim að næsta niðurfalli.

Rautt ljós. (3 álit)

í Smásögur fyrir 22 árum, 2 mánuðum

Rauða ljósið virðist springa í milljón eindir í regndropunum á framrúðunni. Tinna stígur létt á bremsuna og smellir rúðuþurrkunum á. Ógeðslegt veður, rok og rigning, og hversvegna um mitt sumar? Hún andvarpar lágt, orðin sein, orðin sein, segir hún við sjálfa sig og lítur á mælaborðsklukkuna. Auðvitað þurfti hún að vakna of seint, gersamlega ignora útvarpsvekjarann og sofa út, dreyma. Hún bölvar sjálfri sér í huganum. Fyrir aftan hana heyrist hátt flaut, hún lítur í baksýnisspegilinn og...

Smá pot (9 álit)

í Raftónlist fyrir 22 árum, 2 mánuðum

Þetta er hálfgert fikt hjá mér eða dútl en hvað finnst þér? <a href="http://blacksun.vortex.is/schizo.mp3“>schizo</a> <a href=”http://blacksun.vortex.is/freakz.mp3">freakz</a

Bláþráður (2 álit)

í Ljóð fyrir 22 árum, 2 mánuðum

Leikur þér að lífi mínu lítill er ég þræðirnir slitna einn og einn trosna og ég hangi feigur hjartað horfið í djúpið fyrir neðan. Ég rétti út hendi mína teygi eftir von í sál minni en ísilagður eyðimerktur hugur þinn brennir fingur mína og ég fell.

Djamm eða dauði! (1 álit)

í Ljóð fyrir 22 árum, 2 mánuðum

Sjænaður heimurinn af geislunum glansar g- strengs físur vagga hér um Ná tali af einni ef hún mér ansar ef eitthvað finnst nú í kollinum. Flassa augun stropuð í stróbinu stari á lambaketið hreyfist um í hassfylltu loftinu hálftómt er glasið. Æpi á barþjóninn, “ég vil bjór!” búinn að vera og farinn þreyttur, hugsi, úff hvað ég er sljór. hangsa lengur við barinn. Sólin rís úr rekkju sinni ropar á mig og hlær máski er nú mál að linni mígandi fullur er og glær.

Ást og dauði (0 álit)

í Ljóð fyrir 22 árum, 2 mánuðum

Tek hendi mér litla rós dreg úr líf og anda að mér unaðsangan og fegurð hennar sem liggur svo brotthætt í örmum mér. Flæðir fljótt um æðar mínar orka mín og hennar ást mín og eilífð skal umvefja og verja. Faðma að mér þyrnana stinga svo létt um mínar varir kyssi sýg og seð þrár mínar og þorsta. Lít upp frá draumi mínum horfi á hönd mína skorpið blóð hennar rennur milli fingranna skorpin blöð hennar falla í nöprum vindinum eins og brunnir englar.

Þyngsli (3 álit)

í Ljóð fyrir 22 árum, 2 mánuðum

Klyfjaður er ég sem asni, asnalegur drattast áfram eins og legurnar sem renna í hjólum huga míns hring eftir hring, fer hugsun ein sem endurtekur sig í sífellu, og hvergi finnur endastöð sem eins og sjóndeildarhringurinn er aldrei innan seilingar.

Sólarupprás kl. rúmlega níu (3 álit)

í Ljóð fyrir 22 árum, 3 mánuðum

Góðann daginn gott fólk, :) Ákvað að henda fram einu litlu ljóði tileinkuðu dagsrisunni. Eitt lítið tóm og myrkrið svo mjúkt áður en nótt dagar uppi og skýin hátt og snjallt tilkynna komu sólar. Eftir rauðum dregli er lagður er á snjóföl gengur svo sólin með hirð sinni niður heiðina og heilsar hneigjandi húsum.

Góða nótt (2 álit)

í Ljóð fyrir 22 árum, 3 mánuðum

Góða nótt og gef þér gullin mín og gersemar af orðum mínum yrki til þín ó þig ég þrái. Sofðu rótt stúlka ég sit þér hjá siglir draumana sæl svo lítið bros læðist um varir þínar.

Hvernig standa mál í dag og eftir 3 ár? (15 álit)

í Grafísk hönnun fyrir 22 árum, 4 mánuðum

Ahemm, jæja, ég ákvað að grýta inn einni grein til að verða ekki einn af aðgerðarlausu kjánunum :) Eins og er þá vinn ég aðeins í grafík mér til dundurs og er ekki lærður að öðru leyti en því að ég lærði 3d grafík hjá Nýja Tölvu og Viðskiptaskólanum einn vetur. Fyrir tveimur árum sótti í um í Myndlista og handíðaskóla Íslands sem þá hét og komst inn. Ég ákvað þó að nema ekki í það skiptið þar sem fjármál leyfðu það ekki. Í fyrra sótti ég aftur um og var hafnað, sem var aðallega vegna þess að...

Skýjum Ofar, blessuð sé minning hans (37 álit)

í Raftónlist fyrir 22 árum, 4 mánuðum

Ég man þá nú haustdaga árið 1996 þegar ég stillti útvarpið mitt á gamla Xið eitt kvöldið og fann sundurrifinn bassa nærri sprengja í mér hljóðhimnurnar. Mér krossbrá og ég hlustaði áfram spenntur. Hvaða þáttur var þetta eiginlega? Þessi tónlist var mér nú ekki ókunnug en aldrei hafði ég heyrt svona grjótharða raftóna sigla á bylgjum útvarpsins. Eftir langt og feitt lag hóf frekar hás náungi að kynna lagið, Dillinja var artistinn, fílaði hann strax. Addi var hási gaurinn og einhver annar með...

Lítið tré (2 álit)

í Ljóð fyrir 22 árum, 4 mánuðum

Litla tré teygir sig í átt til himna teygir sig til ættingja sinna sem finnast einhverstaðar í fjarska. Litla tré lifir eitt í hellulagri eyðimörkinni lifir eitt í bikaðri eymdinni teygir fingur sína í átt að sól. Litla tré fellir gul laufin sín, grætur syrgir rígfastar visnar rætur sem læsa tréð niður og svæfa. Litla tré vex og dafnar í sínum draumum burt það flýr frá sínum raunum liggja burt til skógar lítil spor.

Notendur

Spegilmynd (1 álit)

Bilað bít (2 álit)

Sjálfskrufning númer 2 (1 álit)

Smá ábyrgð takk (12 álit)

Lærum smá sögu, hmm? (1 álit)

Aldrei á réttri áætlun (3 álit)

Þrír hermenn og arabi (2 álit)

Skjóta fyrst og banka svo (4 álit)

Má bjóða þér kaffi? (2 álit)

Fram og tilbaka, í ljósið og heim (6 álit)

Stattu þig (2 álit)

Á rauðu ljósi (1 álit)

Maður er myrtur (4 álit)

Haustið kom og fór (2 álit)

Rautt ljós. (3 álit)

Smá pot (9 álit)

Bláþráður (2 álit)

Djamm eða dauði! (1 álit)

Ást og dauði (0 álit)

Þyngsli (3 álit)

Sólarupprás kl. rúmlega níu (3 álit)

Góða nótt (2 álit)

Hvernig standa mál í dag og eftir 3 ár? (15 álit)

Skýjum Ofar, blessuð sé minning hans (37 álit)

Lítið tré (2 álit)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi