Í svona samfélagi má fólk gera næstum því hvað sem það vill svo framarlega sem það veldur öðrum ekki skaða. Ég get ekki séð annað en að þú eða ég gætum stofnað sjóð til að tryggja þetta fólk sem er á botninum tryggingalega séð. Það kæmi eflaust meiri samkeppni á tryggingamarkaðinum sem myndi leiða til lækkunar á þeim tryggingum sem væru í boði og myndi að öllum líkindum vera með betri þjónustu. Í dag á Íslandi eru fá tryggingafélög. Það hafa eflaust margir heyrt dæmi um bílslys þar sem félögin dæma 50/50 þrátt fyrir að annar ökumaðurinn hafi átt meiri sök en hinn. Afhverju er það dæmt 50/50? Svo félagið (sem báðir eru hjá) þurfi ekki að borga krónu. Til að geta stofnað tryggingafélag þarf maður að án efa að fara eftir einhverjum aragrúa af reglum sem virðast vera mjög sanngjarnar í fyrstu en svo kemur á daginn að þær eru til staðar svo að færri sjái sér fært að fara í þannig rekstur. Ég þori að veðja að tryggingafélögin hafa notið góðs af ríkisstjórninni af einhverju leyti til að tryggja þetta “monoply” sem er hérna á landi. Ríkisstjórnin er líka búinn að skylda alla til að borga í lífeyrissjóð, íslenskan lífeyrissjóð. Ekki það, ég held að þetta lífeyrissjóðakerfi þekkist bara voða lítið erlendis. En það eru margar leiðir til að safna peningum, og margar mun betri en lífeyrsisjóðakerfið. Afhverju var þetta þá sett í lög? Eru það hagsmunir þegnana sem ganga fyrir eða lífeyrissjóðsins. Var ekki nóg að skylda fólk til að spara? Nei, það varð að vera innlend sparnaðar leið.

Ég veit ekki afhverju Bandaríkin hafa hærra hlutfall fátækra en Norðmenn. En ég veit að besta leiðin til að útrýma fátækt er að gera samfélagið í heild ríkara. Og ein besta leiðin til að gera það er að hafa sem mest frelsi fyrir fólkið. Bandaríkin eru með ríkari löndum í heimi í dag af því þeir höfðu þetta frelsi, í dag er verið að ganga á þetta frelsi með slæmum afleiðingum fyrir alla. Það er ekkert skrýtið að 30 milljónir bandaríkjamanna séu fylgjandi þessari stefnu sem ég hef verið að tala um.. og sú tala hækkar og hækkar.

Í samfélaginu í dag eru flestir sjálfselskir, vilja bara husga um sig og sína og það er númer eitt. Það er ekki þar með sagt að flestir séu vondir einstaklingar. Ef meirihlutinn væri “vondur” þá væri samfélagið ekki eins og það er í dag. Hinsvegar sér fólk yfirleitt ekki lengra en sín eigin vandamál. Og ef það hefur slæma reynslu af einhverju þá myndast þrýstihópar sem vilja að vandamálið sé fjarlægt af ríkisstjórninni. Því stærri sem þrýstihópurinn er því fleiri atkvæði eru í hættu. Bara þótt meirihlutinn vilji einhvað þýðir ekki endilega að það sé “rétt” þegar maður reynir að horfa á heildarmyndina. Þess vegna er mjög skynsamlegt að taka ríkisstjórnina úr jöfnunni þannig að þrýstihóparnir fari í raunvörulega vandamálið í stað þess að hlaupa alltaf og kvarta í ríkisstjórnina. Því á meðan fyrsta markmið ríkisstjórnarinnar er að halda sér í völdum og markmið númer tvö að gera okkur lífið betra þá verða mjög líklega árekstar.. og það er óumflýjanlegt. Fyrir utan það að oft komast menn til valda sem ekki er hægt að treysta fyrir völdunum; eru beinlýnis að vinna fyrir hagsmuni einstakra fyrirtækja svo þeir fái smá auka pening á kostnað þegnanna.

Þetta hljómar kannski eins og eitt allsherjar samsæri. Þetta hefur hinsvegar gerst og mun gerast aftur. Menn sem ættu ekki að vera við völd eru við völdin. Og kerfi sem getur leyft það er kerfi sem mun bregðast. Eina vitið (að mínu viti) er að þurrka áhrif ríkissins eins mikið úr lífi fólks og hugsanlega er hægt.

friður
potent

www.self-gov.org
klassa síða, þetta vandamál og mörg fleiri alvöru vandamál tekin fyrir á þessari síðu.