Hugi.is - Notendur

Re: 4 tommur

í Tilveran fyrir 19 árum, 4 mánuðum

Ég rakst á þessa grein í gærkveldi og var lengi að velta því fyrir mér hvernig í fjáranum maðurinn hefur farið að þessu. Af röntgenmyndinni að dæma virðist naglinn hafa farið nokkuð beint upp í góminn í miðjunni (ef hann hefði hallað eitthvað til hliðanna, þá hefði hann lent í öðru hvoru auganu sýnist mér). Hann hlýtur að hafa verið með byssuna á hvolfi framan við sig og einhvern veginn náð að reka sig bæði í öryggislásinn og gikkinn. Að auki hlýtur hann að hafa verið með munninn galopinn...

Re: Svívirðing!

í Deiglan fyrir 19 árum, 5 mánuðum

> “Ég krefst þess af námsgagnastofnun lækki þessa hækkun í samræmi við vísitölu neysluverðs” Hmm, hvernig tengist Námsgagnastofnun þessu máli ???

Re: Hrillingur í Kópavogi

í Börnin okkar fyrir 19 árum, 5 mánuðum

Smá leiðréttingar á því sem fram hefur komið í þræðinum: Samkvæmt fréttum sem birst hafa um málið þá var stúlkan ekki numin á brott heiman frá sér heldur ók maðurinn, sem sagðist vera lögreglumaður, fram á stúlkuna á Álfhólsvegi þegar hún var á leið heim frá vinkonu sinni. Það hefur heldur aldrei komið fram að maðurinn hafi verið á rauðum Lexus, aðeins það að hann hafi verið á bíl sem svipaði til slíks bíls. Þegar svona mál koma upp er vissara að hafa staðreyndir á hreinu. Því réttari...

Re: Ný DSLR vél frá Canon

í Ljósmyndun fyrir 19 árum, 7 mánuðum

Ég hef greinilega ekki verið að fylgjast nógu vel með DSLR heiminum síðustu vikur því ég var fyrst núna fyrir nokkrum dögum að taka eftir því að 20D væri í sölu. :-) Ég reikna með því að ég láti verða af því að kaupa mér 20D og selja 10D vélina mína. Hún hefur reynst vel en það sem kítlar mig helst við þessa nýju er að geta notað með henni 18-55mm EF-S linsuna (það að 28-80mm linsan mín virkar í raun sem 45-128mm er búið að vera að pirra mig síðan ég skipti yfir í DSLR fyrir tæpum tveimur árum). 747

Re: hvað er málið með þessa vél

í Flug fyrir 19 árum, 9 mánuðum

Líklegast er bara verið er að taka vélina úr notkun sökum aldurs. Að vísu er þessi vél ekki nema um 24 ára gömul (margar eldri vélar eru enn í notkun), en það er fleira sem getur spilað inn í, s.s. notkun, fjöldi flugferða, o.s.frv. Annars þá sé ég nú dálítið á eftir þessari vél því þetta var fyrsta Júmbóþotan sem ég flaug með fyrir réttum 4 árum síðan (10. ágúst 2000).

Re: Lélegar þýðingar á bíómyndum !

í Tilveran fyrir 19 árum, 10 mánuðum

Hmm, þó mér þyki “lói” ekkert sérstaklega flott, þá er ég alveg sáttur við það, enda er í rauninni erfitt að finna eitthvað betra. Það væri asnalegt að hafa þetta óþýtt og aðrar styttingar, t.d. “kongó”, o.s.frv. eru ekkert spes. Annars fer nú meira í taugarnar á mér stundum þegar verið er að þýða nöfn á bíómyndum, sérstaklega þegar þýdda nafnið er ekki rétt þýtt og jafnvel þannig að það kjaftar frá innihaldi myndarinnar. Gott dæmi um þetta er James Bond myndin License to kill með Timothy...

Re: Scannerar

í Flug fyrir 19 árum, 10 mánuðum

Ég hef stundum velt þessu fyrir mér en aldrei nennt að kanna það nánar. Það væri gott að vita hvort það sé löglegt eða ekki að eiga svona tæki. Ég er stundum að taka myndir af flugvélum og þá væri gott að geta fylgst með því þegar vél er að koma inn til lendingar, og þá á hvaða braut hún mun lenda. Annars man ég eftir því þegar ég fór í smá aðgerð á Landakoti fyrir um 15 árum að á herberginu var útvarp sem náði flugturnsbylgjunni á Reykjavíkurflugvelli :-) 747

Re: Skyldleiki.

í Deiglan fyrir 19 árum, 10 mánuðum

Sveipur, ég styð þig heilshugar í báráttu þinni fyrir því að sett verði lög sem banna að fólk sem er skylt í 7. ættlið eða nær megi sænga saman. Það gengur náttúrulega engann veginn að það hafi verið látið viðgangast svo öldum skiptir að systkinabörn geti gift sig. Ennfremur legg ég til að sett verði lög um það að fólk sem er skylt í 3. ættlið eða nær megi ekki eiga bíla af sömu tegund (nema að meira en 10 ára aldursmunur sé á bílunum). 747

Re: Dornier á magan

í Flug fyrir 19 árum, 10 mánuðum

Það er til í dæminu að þær skemmdir sem urðu á vélinni séu þess eðlis að ódýrara væri að kaupa aðra eins vél en gera við þessa. Finnst samt skrítið að ef meginhluti kostnaðarins væri vegna ónýtra hreyfla, af hverju það væri þá ekki bara skipt um þá. Ef keypt væri önnur vél, þá væri verðið á hreyflunum í henni varla neitt lægra en fyrir hreyfla sem væru settir í skemmdu vélina. Hefur einhver annars hugmynd um það hvað sambærileg vél myndi kosta og hvort það er eitthvað af þeim á lausu? Kveðja, 747

Re: Mynd 707 eda 720

í Flug fyrir 19 árum, 11 mánuðum

Samkvæmt Loftfaraskrá Rúnars B. Ólafssonar á www.cl44.com var Air Viking með 3 Boeing 720 vélar í notkun en enga 707. Þessa mynd er líka að finna inni á þeirri síðu og með henni skráð að þetta sé vélin TF-VVB. 747

Re: Borði á flugvél

í Flug fyrir 19 árum, 11 mánuðum

Sæll Gunnar! Ef þetta er sama vél og var á sveimi yfir miðborginni í gærkveldi með textann “50 cent. Miðasala hefst 1. júlí” í eftirdragi, þá var þar um að ræða TF-TUG, en það er vél sem ég hef séð notaða uppi á Sandskeiði til að draga svifflugur á loft. Tek það fram að ég er ekki með svona góða sjón. Ég sá skráningarnúmerið þegar ég fór að skoða betur myndirnar sem ég tók af vélinni í gær. :-) Kveðja, 747

Re: Strætó is evil !!

í Deiglan fyrir 19 árum, 11 mánuðum

> .. og hvað áttum við að vita að það mætti ekkert koma með bjór > í strætó? Þið hefðuð nú alveg getað sagt ykkur þetta sjálfir. Það hefur lengi verið í reglum hjá Strætó að ekki megi hafa meðferðis opna gosdrykki né áfengi. Þar kemur auk þess fram að heimilt er að meina áberandi ölvuðu fólki inngöngu eða vísa því á dyr. > getur þetta ekki verið mikið mál fyrir þetta súper fyrirtæki > sem er að græða einhverjar 5 millur á mánuði amk. Ég veit ekki hvar þú hefur fengið þá flugu í höfuðið að...

Re: JetX - TF-JXA

í Flug fyrir 20 árum

Hehe, mér datt það eiginlega fyrst í hug því þetta er svipuð vél og þeir voru með hjá MD flugfélaginu. Síðan er bara að sjá hvort að þetta muni ganga betur hjá þeim í þessari lotu. 747

Re: Geymslumiðlar fyrir stafræna ljósmyndun

í Ljósmyndun fyrir 20 árum, 2 mánuðum

Eftir að ég fór að taka myndir á stafrænu myndavél fyrir um ári síðan byrjaði ég einmitt að velta þessu fyrir mér. Niðurstaðan sem ég komst að var að best væri að: 1. Hafa speglaða harða diska í tölvunni 2. Brenna myndirnar á tvo sett af DVD diskum 3. Geyma annan DVD diskinn heima en hinn í bankahólfi. 4. Færa gögnin af DVD diskunum yfir á nýja miðla þegar þar að kemur. Að vísu er ég ekki búinn að koma þessu fyrirkomulagi að fullu í framkvæmd hjá mér, en þetta stefnir allt í rétta átt :-) 747

Re: canon 60D

í Ljósmyndun fyrir 20 árum, 3 mánuðum

Sæll! Ég seldi fyrir stuttu notaða 3ja ára gamla D30 á um 75.000 krónur (án linsu) þannig að 85.000 er ekki svo hátt þannig séð fyrir D60 með linsu. Ný 300D kostar þó ekki nema um 130.000 þannig að ef þú hefur efni á henni, þá er það líklegast ráðlegri kostur. Þá ertu líka kominn með nýja vél í fullri ábyrgð. Það eru líka nokkrir kostir sem 300D hefur framyfir D60 þó svo að á móti komi að D60 er með sterkbyggðara boddí, o.s.frv. Auto-focusinn á 300D er t.d. betri en á D60 vélinni. Auk þess...

Re: Afhverju að læra dönsku

í Deiglan fyrir 20 árum, 6 mánuðum

> danska er gagnlaus því að allir danir kunna ensku Þessi rök eru álíka gáfuleg og þessi: “íslenska er gagnslaus því að allir íslendingar kunna ensku”. Eigum við þá ekki bara öll að hætta að tala íslensku og tala ensku í staðinn fyrst að við skiljum hana hvort eð er öll. Þó svo að mun fleiri tali t.d. spænsku en dönsku, þá eru þau lönd (fyrir utan Spán sjálfan) mun lengra í burtu og þar af leiðandi mun færri sem leggja leið sína þangað. Samgangur milli íslands og hinna norðurlandanna er...

Re: Drew Barrymore

í Fræga fólkið fyrir 20 árum, 7 mánuðum

Við þetta má bæta við nokkrum punktum sem ekki koma fram í greininni: Í byrjun 9. áratugarins lék hún m.a. í myndunum um geimveruna E.T. (1982) og Firestarter (1984). Á svipuðum tíma og sú síðarnefnda kom út (þegar hún var semsé 9 ára) byrjaði hún að drekka og stuttu seinni leiddist hún út í eiturlyfjaneyslu. Nokkrum árum síðar fór hún í meðferð og náði hún sér upp úr vitleysunni. Ferill hennar fór síðan aftur að stíga upp á við í byrjun 10. áratugarins.

Re: Icelandair braut samkeppnislög!

í Flug fyrir 20 árum, 10 mánuðum

Þá má vera að þessi dómur fækki sætum á undir 20.000 krónur ákveðið mikið, en ef Iceland Express fer á hausinn (sem verður ólíklegra eftir þennan dóm), þá hyrfu þessi sæti alveg því Flugleiðir myndu umsvifalaust láta þau gufa upp svo lítið bæri á.

Re: Iceland Express :-(

í Flug fyrir 21 árum

> 1. Flugvélin var gömul og illa þrifin. Þó svo að vél Iceland Express sé 15 ára gömul (síðan 1988), þá getur það nú varla talist gamalt. Elsta vél flugleiða er að mig minnir 13 ára. Ég hef flogið með helmingi eldri vélum en þetta án þess að það hafi breytt nokkru. Hvað þrifin varðar, þá getur það eflaust alltaf komið upp að ekki vinnist nógu mikill tími milli ferða til þess að þrífa hana hátt og lágt. Hún var allavega frekar hrein þegar að ég flaug með henni fyrir einum og hálfum mánuði. >...

Re: USAF DC-3/C-47 vélin sem liggur á Sólheimasandi

í Flug fyrir 21 árum, 1 mánuði

Neðan úr Mýrdalsjökli liggur Sólheimajökull. Úr honum rennur Jökulsá á Sólheimasandi.

Re: Fluöryggisfundurinn og Cirrus

í Flug fyrir 21 árum, 2 mánuðum

Ég er sammála því að frásögnin hans Snorra hafi verið mjög fróðleg. Hann kom þessu líka skemmtilega frá sér. Þó svo að þessi fyrirlestur hafi verið aðaldagskrárliður þessa fundar, þá voru hinar fyrirlestrarnir einnig nokkuð góðir, sér í lagi frásögn félaganna á TF-ULF. Eins og þeir sem að voru á fundinum vita, þá teygðist aðeins úr honum og voru einhverjir hálfpirraðir yfir því. Einn aðili, sem greinilega mætti bara til þess að hlusta á Snorra sá sig knúinn til þess að benda á það að með...

Re: Vitlausu karlarnir???

í Sjónvarpsefni fyrir 21 árum, 4 mánuðum

Klaufabárðarnir heita Pat og Mat. Kiktu á þessa síðu: http://www.patmat.cz/ Kveðja, 747

Re: Kannast einhver við þessa A300 vél (TF-ELU)?

í Flug fyrir 21 árum, 5 mánuðum

> er þetta bara ekki einn airbusinn sem Íslandsflug var með í operation? Eftir því sem ég best veit, þá hefur Íslandsflug bara verið með tvær Airbus þotur í rekstri, þ.e.a.s. TF-ELW (A300) og TF-ELS (A310). Ég hef grun um að textinn sem að fylgir þessari mynd sé eitthvað vitlaus. Nokkrar tilgátur: 1. Dagsetningin og skráningarnúmerið er vitlaust. Myndin er tekin af TF-ELW áður en hún kom til Íslandsflug. 2. Þetta er vél sem er verið að breyta og verður tekin í notkun hjá Íslandsflugi 3....

Re: Tómur, tvöfaldur bílskúr

í Bílar fyrir 21 árum, 6 mánuðum

Ef ég myndi allt í einu lenda í þeirri astöðu að hafa til umráða tvofaldan bílskúr og einhvern pening milli handanna, þá myndi þetta líta svona út: Bíll 1: Honda Accord EX 2000 1993 m. öllu - sjálfskipt Bíll 2: Lada Samara 1500i 1996 - 5. gíra Báðir bílarnir yrðu gerðir upp í toppstand. Hondan yrði notuð öllu jöfnu en Samaran í vetrarfærðinni (þessir bílar verða þeim mun skemmtilegri eftir því sem snjórinn verður meiri). (Nú ef bílskúrinn væri þrefaldur væri hægt að smella einum inn í viðbót...

Re: Flugfélagið Atlanta Stækkar enn meira

í Flug fyrir 21 árum, 7 mánuðum

Úbs, smá mistök í gangi af minni hálfu. Ég var nefnilega nýlega búinn að skoða vélalistann hjá þeim, en þá voru þessar þrjár 747-200 vélar frá British Airways ekki komnar inn, bara 757 vélarnar tvær (sem þeir hafa ekkert tjáð sig um). Þú nefndir þrjár vélar og British Airways og gerði ég því ráð fyrir því í fljótfærni minni að þú værir að tala um cargosamninginn. Hvað ætla þeir annars að gera við allar þessar vélar? Þurfa þeir svona margar vélar í Haji?

Notendur

Re: 4 tommur

Re: Svívirðing!

Re: Hrillingur í Kópavogi

Re: Ný DSLR vél frá Canon

Re: hvað er málið með þessa vél

Re: Lélegar þýðingar á bíómyndum !

Re: Scannerar

Re: Skyldleiki.

Re: Dornier á magan

Re: Mynd 707 eda 720

Re: Borði á flugvél

Re: Strætó is evil !!

Re: JetX - TF-JXA

Re: Geymslumiðlar fyrir stafræna ljósmyndun

Re: canon 60D

Re: Afhverju að læra dönsku

Re: Drew Barrymore

Re: Icelandair braut samkeppnislög!

Re: Iceland Express :-(

Re: USAF DC-3/C-47 vélin sem liggur á Sólheimasandi

Re: Fluöryggisfundurinn og Cirrus

Re: Vitlausu karlarnir???

Re: Kannast einhver við þessa A300 vél (TF-ELU)?

Re: Tómur, tvöfaldur bílskúr

Re: Flugfélagið Atlanta Stækkar enn meira

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi