Sæll Gunnar!

Ef þetta er sama vél og var á sveimi yfir miðborginni í gærkveldi með textann “50 cent. Miðasala hefst 1. júlí” í eftirdragi, þá var þar um að ræða TF-TUG, en það er vél sem ég hef séð notaða uppi á Sandskeiði til að draga svifflugur á loft.

Tek það fram að ég er ekki með svona góða sjón. Ég sá skráningarnúmerið þegar ég fór að skoða betur myndirnar sem ég tók af vélinni í gær. :-)


Kveðja,
747

Það er nú svo að til að fljúga með borða þarf flugrekstrarleyfi fyrir verkflug.

Þar sem enginn hefur slíkt leyfi til borðaflugs hefur verið leitað til Svifflugfélagsins en félagið er með búnaðin til þess og kennsluleyfi.
Í þessu tilfelli þar sem enginn annar getur gert þetta veitti flugmálastjórn sérstakt leyfi fyrir þessu flugi.

Það er nokkuð mikil vinna til undirbúnings svona flugs.
og nokkra tíma tekur að raða saman borðanum (6-8 tíma)

Þá þarf öfluga vél til að draga borðann sem ekki hitar sig á nokkru afli á litlum flughraða. Vélin okkar Piper Pawnee er gömul áburðardreyfingarvél með 235 hk mótor og aðeins eins manns.

Annars eru allir velkomnir á Sandskeið í kaffi og spjall og jafnvel flug.

Kveðja
Kristján

Það var nú verið að tala um það upp á Sandskeiði um daginn að það var Skyhawk sem brenndi úr sér þegar hann var að reyna þetta. Þannig að það þarf eitthvað öflugra en hann.