Gleymt lykilorð
Nýskráning
Forsíða

Notendur

Hjólabrettavillingurinn Ólafur (10 álit)

í Ljóð fyrir 15 árum, 7 mánuðum
I Þótt fáir kunni að efast um að Ólafur sé villingur verður svo að heita að hann sé hjólabrettasnillingur. Oft og tíðum geysist greitt um götur, torg og strætið breitt Öruggur í alla staði óttast varla neitt. Hann þeytist oft um Ingólfstorg og eltir hina krakkana. Það ergir margan útlendinginn, aðallega Frakkana. Þeir bölva Óla í ösku og sand og atvik þessi festa á band og segjast koma aldrei aftur inn í þetta land. En Ólafi er alveg sama um asnalega fúlista og ekki minnstan gefur gaum að...

Ég veit ekki hvort ég á að hlæja eða gráta (1 álit)

í Ljóð fyrir 15 árum, 8 mánuðum
Sem andstyggilegt hatur og heimsins versta stríð. Svo ljúft og yndisfagurt, svo friðsælt alla tíð. Sem næturmyrkrið svartast, og svarin vetrarhríð. Sem guðdómlegur söngur og sumarnóttin blíð.

Árstíðir (2 álit)

í Ljóð fyrir 15 árum, 8 mánuðum
Allar hafa galla og allar hafa kosti um allar göngum við þó lífsins sporin Haustið hefur rigningu og vetur fullt af frosti og fjandinn leikur lausum hala á vorin.

Vörðurinn (2 álit)

í Ljóð fyrir 15 árum, 8 mánuðum
Þar sem mætast, mar og jörð mun ég ávallt standa vörð. Langan veg um loftið vært ljós mitt blikar ofurskært. Hættum við skal vara þá sem vaskir sigla hjá. Vörð ég stend um ár og öld einn, um niðdimm vetrarkvöld. Bjartan dag sem dimma nátt dvel ég hér í lífsins sátt og samlyndi við sjávarnið, minn sálar innri frið. Þótt stormsamt sé og stinningskalt, þótt stálgrá þokan hylji allt, þótt löng sé nóttin, líflaus, svört eru ljós mín allar tíðir björt. Æ mun veginn vísa þeim sem vilja rata heim.

Sumarvinna í álveri (3 álit)

í Ljóð fyrir 15 árum, 8 mánuðum
Áður fyrr yljaði sól minni sál en sumarið nú er að veði. Nú logar svo eldheitt í brjósti mér bál það brennur og rænir mig geði. Nú reiður ég framleiði rjúkandi ál sem rændi mig sumarsins gleði.

Draumadís - Keppni (10 álit)

í Smásögur fyrir 15 árum, 9 mánuðum
Aldrei hafði hann augum litið fegurri stúlku. Hárið hennar var ljóst og sítt og fór svo vel við fagurbláu augun hennar, sem geisluðu og minntu hann á bjartan sumarhimin. Grannleitt andlit hennar hreif hug hans og þegar hún brosti gleymdi hann stað og stund og starði sem dáleiddur væri á þessa magnþrungnu fegurð. Hann hugsaði með sér að svona hlytu englar að líta út, ef þeir væru þá til. Allt í einu heyrði hann nafnið sitt kallað og leit til hliðar. Þar stóð Íris, stelpa sem hann hafði þekkt...

Um íslenska sumarnótt (0 álit)

í Ljóð fyrir 15 árum, 9 mánuðum
Í garðpartýi um miðja nótt fyrir skemmstu, þegar sólin skartaði sínum fegurstu geislum, var ort: Sólin er á himni hátt hlær og skín og syngur Langt ég fram á ljúfa nátt leik við hvurn minn fingu

Skáldsögur vs. Ljóð ? (0 álit)

í Ljóð fyrir 15 árum, 10 mánuðum

Jenni ríki (6 álit)

í Ljóð fyrir 15 árum, 10 mánuðum
Ekki er allleiðinlegt að syngja komandi kvæði við lag Litlu flugunnar (Lækur tifar…) Hér orðin eru bundin þétt í bögu þótt bærilegra sé að tala um ljóð. Nú ætla ég að segja stutta sögu af sómamanni nokkrum - hafið hljóð! Hann er ekki öðrum mönnum líkur, og ofurlítið þver og sérvitur. En hann er alveg ofboðslega ríkur; á örugglega meira en Björgólfur. Hann á marga milljarða af krónum og margar á hann einkaþoturnar. Og Hondúras og helminginn af sjónum og heimskautin og mörgæsirnar þar. Og...

Þjóðaréttur (7 álit)

í Ljóð fyrir 15 árum, 10 mánuðum
Lífsins englar allir farnir ætli Guð mér standi hjá? Samningar og sáttmálarnir samtals hálfri milljón ná. Verri en diffur, verri en tegur verri en allt sem talað er Þjóðaréttur rosalegur reginkúkur þykir mér. Heimalærdómshöfuðborgir hafna mér og bægja frá. Ef drekk ég, skyldu dvína sorgir? Drottinn, leyfðu mér að ná. Svartsýnin er sannur djöfull sjálfan mig með henni kvel. En elsku drottinn Guð er gjöfull gefðu mér að farnist vel. Feiknarmyrkur færist yfir finn hve myndast svitakóf. En...

Atómljóðin (3 álit)

í Ljóð fyrir 15 árum, 11 mánuðum
Nú atómljóðin upp í miklum stöflum óðum hrannast, burtséð frá rúmi og tíma. Þótt braglaus séu bærileg á köflum, ég betur kann við ljóð sem stuðla og ríma.

Misheppnað ástarkvæði (23 álit)

í Ljóð fyrir 15 árum, 11 mánuðum
Ég ætla nú að láta leiðast til ljóðs um þig. Mér finnst ég til þess núna neyðast en nóg um mig. Þú ert sæt, með ljósa lokka en ljótan fót. Hefur engan yndisþokka, ekki hót. Ég sá þig fyrst á förnum vegi fjandans til. Ég hugsa um þig á hverjum degi hér um bil. Ég elska þig af öllu hjarta æ, og þó… Mér logaði ástarbálið bjarta en bálið dó. Nú fer ég brátt að fella klæði og fara í bað. Mér finnst þetta mikla kvæði misheppnað.

Enginn veit (2 álit)

í Ljóð fyrir 15 árum, 11 mánuðum
Enginn veit sína ævina áður en hún er liðin. Eigi er þarft að örvænta; óðum styttist biðin.

Á Þjóðarbókhlöðunni (6 álit)

í Skóli fyrir 15 árum, 11 mánuðum
Jæja, í enn eitt skiptið er tími prófa runninn upp og fjöldi fólks mættur á Landsbókasafn Íslands - Háskólabókasafn (eða Þjóðarbókhlöðuna) til lesturs. En að sjálfsögðu er miklu skemmtilegra að yrkja kvæði en að lesa námsbækur! Þessi er afrakstur dagsins í dag: Hér ver ég gjarnan góðum tíma, glaður í bragði lífinu ann. Og þegar ég ekki er að ríma, ég opna stundum doðrant þann sem inniheldur heimsins fræði er heimspekinagar færðu í orð. Já, hér er ró og hér er næði. Hér ég sit við einangrað...

Sumar (0 álit)

í Ljóð fyrir 15 árum, 11 mánuðum
Nú borinn á borðin er humar og bíta í hann flestallir gumar. Stemningin sveitt, það er svakalega heitt! Enda komin þau, sólin og sumar.

Frábær byrjendapakki á 25 þús ! (0 álit)

í Golf fyrir 15 árum, 11 mánuðum
Á til 4 ára gamalt Hippo járnasett (3-PW, karla) í frábæru standi - lítið notað. Hentar byrjendum afbragðsvel - traustar kylfur sem fyrirgefa í hámarki. Með þessu fylgir pútter og þrjár trékylfur (5-, 3- og 1-tré(driver) allt mjög þægilegar kylfur. Allt þetta á 25 þús. kall ! (ég ætla ekki einu sinni að reyna að reikna út hvað þetta kostaði nýtt). Er einnig með Ram FX driver, keyptan í fyrra á 20 þús. og varla neitt notaðan, selst á 10 þús. Hafið samband í síma 8456785 eða sendið mér línu á...

Sendiför (1 álit)

í Ljóð fyrir 15 árum, 11 mánuðum
Hann sendur var að sækja brauð og sitthvað fleira í tómlegt búið. Því fjölskyldan var fátæk, snauð, fólkið orðið svangt og lúið. Af stað hann fór og ei varð aftur snúið. Strákurinn gekk en stormur hvein. Hann staulaðist uns brustu fætur. Napur vindur nísti bein, næðingur óx við fjallsins rætur. Svona liðu nokkrar langar nætur. Í eymd hann lá og björgunar beið með brotinn fót og kalna fingur. Undan frosti sárt hann sveið, seytlaði um æðar kuldastingur. Drengur sá var sannur Íslendingur. Hann...

Ástarkvæði (0 álit)

í Ljóð fyrir 15 árum, 11 mánuðum
Einu sinni við Ölfusfljót eygði ég mér ganga í mót litla, sæta, ljúfa snót. Lífið brosti fagurt við mér, sæll ég gekk og hún við hlið mér. Hjartað kátt sló gleðislag, söng sinn brag við lífsins lag er ljúft við sigldum ástarfleyi. Eitt ég veit og satt það segi: seint ég gleymi þessum degi.

Leikfimitími í Menntaskólanum (3 álit)

í Skóli fyrir 15 árum, 11 mánuðum
Við hlupum um á ísilagðri tjörn, í andstæðingsins mark var reynt að skora. Við snerum síðan sókn í harða vörn, en settumst ljúft í gras er tók að vora, líkt og værum aftur orðin börn. En þeir sem oft af útitímum misstu urðu að puða í kaldri þrælakistu.

Besta ljóð í heimi (1 álit)

í Ljóð fyrir 15 árum, 11 mánuðum
Til eru meira en milljón ljóð. Mörg eru jafnvel fjári góð. En eitt er víst, já eins og sést: Aðeins þetta ljóð er best.

Smæl ! (3 álit)

í Ljóð fyrir 15 árum, 12 mánuðum
Ef þig lífið leikur grátt og laus er besta reimin skaltu reyna, smátt og smátt að smæla framan í heiminn. =)

Tveggja manna tal (4 álit)

í Ljóð fyrir 15 árum, 12 mánuðum
Af atburði nú sögu segja skal sem setti hug minn verulega úr skorðum. Ég heyrði óvart tveggja manna tal sem tíminn hefur gert að þessum orðum: „Í kvöld við skulum kynnast djammsins list! og kaldan bjórinn sötra vel og lengi.“ - „Ég sleppi því, ég sletti úr klaufum fyrst þá slær á miðrar vinnuviku strengi.“ „Nú hlýtur þú að vera að gera grín og gantast í mér, annað væri skrítið!“ - „Ég grínast aldrei, ein er regla mín: Ég alltaf vakna um helgarnar í bítið.“ „Þú kemur með, við syngjum lífsins...

Kind (8 álit)

í Ljóð fyrir 16 árum
Úti ómar vindur, eitlar vetrar mein. Inn eru hverjar kindur komnar - nema ein. Sú beit gras í sumar en sást svo aldrei meir. Hátt nú himinn þrumar, hrímköld kind brátt deyr. Beinin hennar braka, blóðið frjósa nær. Kyngir niður klaka, króknar gömul ær. Fimbulkuldi, frostið færist yfir allt. Liðið liggur brostið líkið, jökulkalt. Aldrei mun hún aftur eitt né nokkuð sjá. Kuldans feiknarkraftur kæfði týnda á.

Mánudagsdjammarinn (1 álit)

í Ljóð fyrir 16 árum
Nú lærum af sjómannasögum og sötrum vorn bjór með snakkflögum! - Ég þvert segi nei, ég nenni því ei. Ég djamma bara´ á mánudögum.

Ástarljóð (15 álit)

í Ljóð fyrir 16 árum
Ég man það, er ég sá þig fyrst, þú hreifst mitt litla hjarta. Það hamaðist svo ótt, svo títt, það næstum gekk úr skorðum. Kvöldi þessu fæ ég eigi lýst með ljúfum orðum. Ljósið þitt, það gerði mína veröld undurbjarta. Þú sýndir mér og veittir alla lífsins leyndardóma. Svo ljúf var sérhver stund, ég hélt mig hlyti að vera að dreyma. Nú hlýjar sælutilfinningar um mig allan streyma og allt í kring ég sé hve heimsins bestu dýrðir ljóma. Þú kveiktir ást í hjarta mér og hamingju og gleði. Í huga...
Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok