Mér finnst að RÚV mætti alveg gera meira af því að endursýna. Ég hélt aldrei að ég myndi segja þetta af því mér finnst endursýningar oft frekar pirrandi en eins og t.d. Skjár 1 gerir þetta að endursýna þætti annað hvort eftir miðnætti eða á daginn áður en dagskráin byrjar er mjög fínt. Ef maður veit fyrirfram að maður kemur til með að missa af þættinum getur maður tekið hann upp en ef maður veit það ekki fyrirfram þá er fínt að geta horft á hann eða tekið hann upp þegar hann er endursýndur.
Hvernig er vitað að einhver hafi gert þetta við köttinn? Getur hann ekki alveg eins farið svona við að hafa reynt að troða sér í gegnum eitthvað? Ég sá ekki betur en að kötturinn væri nokkuð gæfur. Myndi hann vera svona gæfur ef eitthvað fólk hefði farið svona með hann? Ég segi þetta bara af því ég man eftir fyrir nokkrum árum að það var sagt frá í DV miklu níðingsverki að það hefði verið hellt málningu yfir hund, augun á honum og allt. Svo kom í ljós næsta dag að hundurinn hafði flaðrað upp...
Já, þú ert samt að stela jafnvel þó eigandanum sé sama. Ef þú spyrð eigandann hvort þú megir taka hlutinn og hann segir já, þá ertu ekki að stela. Ef þú spyrð ekki, þá ertu að stela. Ef Adobe er með einhverja yfirlýsingu á vefnum sínum t.d. að þetta sé ókeypis til einkanota þá værirðu ekki að stela.
Það er ekki erfiðara að skilgreina hvað er að stela. Það er bara meira um að fólk réttlæti fyrir sér að það sé allt í lagi að stela frá ákveðnum aðilum. Munar Microsoft um það að ég steli einu eintaki af Windows? Ég held nú ekki. Ég er samt að stela. Mér finnst það bara allt í lagi vegna þess að ég er að stela frá þeim sem eru ríkari en ég en ekki síðasta þúsundkallinum frá gamalli konu.
Konur eiga að vera karlmönnum undirgefnar. Það stendur í Biblíunni og ekki bara í Mósebókunum heldur líka í Nýja Testamentinu. Hér er smá kafli úr Efesusbréfinu: “Verið hver öðrum undirgefnir í ótta Krists: Konurnar eiginmönnum sínum eins og það væri Drottinn. Því að maðurinn er höfuð konunnar, eins og Kristur er höfuð kirkjunnar, hann er frelsari líkama síns. En eins og kirkjan er undirgefin Kristi, þannig séu og konurnar mönnum sínum undirgefnar í öllu.” Þetta hafa konurnar á Omega tekið...
Ég sá eitthvað um þetta fyrir nokkru. Það er víst til slatti af fólki sem fílar það að klæða sig upp í barnaföt og nota bleyjur. Það er meira að segja með pöntunarlista fyrir slíkt í fullorðinsstærðum. Veit ekki samt hvort þú getur fengið XL Silver Cross þar :) Ein síðan þeirra er á http://www.dpf.com/
Hann smá klappaði honum á kinnina en hinn greip fyrir andlitið og lét eins og hann hafi verið sleginn. Hvað átti dómarinn að halda ef hann sá þetta ekki almennilega? Leikmenn eiga bara að hafa vit á því að vera ekki að klappa andstæðingunum til að gefa ekki höggstað á sér fyrir svona leikaraskap.
Já, það er til skýring á þessu. Þeir vita sem er að ef þeir hættu að opna “sömu pakkana” sem koma ár eftir ár þá líður ekki á löngu þangað til smyglararnir koma sér bara í vinnu hjá þessum gamalgrónu fyrirtækjum og þurfa eftir það ekki að hafa áhyggjur af að vera truflaðir við iðju sína.
Þú hlýtur að geta fengið endurgreiðslu fyrir ADSL gjaldið meðan þeir geta ekki veitt þér þessa þjónustu. Þú átt ekki að þurfa að borga fyrir þjónustu sem þú færð ekki. Ef t.d. síminn minn dytti út í mánuð og þeir gætu ekki lagað það, þá myndi ég svo sannarlega neita að borga símanum fastagjaldið af honum á meðan.
Fyrir svona hálfu ári þá athugaði ég með þetta og þá voru þeir alveg á leiðinni að fara að bjóða upp á þetta fyrir almenning. Ég veit ekki hvort þetta sé betra en ADSL en mér skildist að kostnaðurinn yrði svipaður, stofnkostnaður kannski aðeins lægri. Enda græðir síminn ekkert á því að undirbjóða sjálfan sig. Þarna í haust sögðu þeir mér að þeir hefðu boðið ákveðnum hópi að taka þátt í þessu verkefni til prufu sl. sumar og það hefði gengið vel.
Maður þurfti að sýna skilríki, þá fékk maður sim kort með atkvæði á. Þá átti maður að setja það í kortalesara inni í kjörklefanum til að fá upp skjámynd til að kjósa. Á eftir skilaði maður sim kortinu í kassa fyrir notuð kort. Hvað hugbúnaðurinn var að skrá veit maður náttúrulega ekki. Svona rafræn kosning gæti alveg farið þannig fram að þegar liðið sem tékkar skilríkin merkir við að maður hafi kosið, þá skrifi þeir hvaða tölvu maður fer í líka og að það sé tímastimpill á því. Síðan gætu...
Mér finnst eiginlega frekar ólíklegt að þeir sem ráða málunum eftir 10-12 ár þegar farið verður að huga að flutningi/framtíð flugvallarins fyrir alvöru komi til með að taka þessa kosningu til greina, hvernig sem hún fer. Miðað við íslensk stjórnmál þá sé ég það ekki fyrir mér. Þar að auki verða ábyggilega allir búnir að gleyma að það hafi verið kosið um þetta. Íslendingar hafa gullfiskaminni :) Ég spái því að eftir 10 ár verði innanlandsflugið dautt og völlurinn hverfi að sjálfu sér.
Það er náttúrulega á þína ábyrgð að vita hvað er mikið inni á reikningnum þar sem færslurnar koma ekki alltaf allar inn strax. Kerfið tékkar ekki á innistæðunni þegar þú borgar með korti nema ca. tíundu hverja færslu eða ef upphæðin er yfir ákveðnum mörkum.
Það er hægt að sjá þetta á heimasíðu þáttanna á http://survivor.cbs.com/primetime/survivor2/ Bæði hægt að sjá hver lendir í slysinu (6. þáttur) og líka hver verður fyrstur rekinn út eftir að ættbálkarnir sameinast (7. þáttur) þar sem þeir eru komnir 2 þáttum á undan okkur. Það er svo verið að sýna 8. þáttinn í Bandaríkjunum í kvöld þannig að hann ætti að vera kominn á heimasíðuna á morgun.
Með því að vera að gefa köttunum að éta ertu bara að stuðla að því að þeir fjölgi sér ennþá meira og það verði ennþá fleiri svangir útigangskettir á ferðinni. Það væri mannúðlegra að lóga þeim bara. Kettir sem hafa verið villikettir verða pottþétt ekki góðir heimiliskettir.
Björn er ekki að reyna að sporna við óheiðarleika hugbúnaðar og hugmyndaþjófa á netinu. Hann var einfaldlega að bæta geisladiskum ofl. inn í reglugerð sem sett var 1984 og skammtar eigendum höfundarréttar skatt af öllum miðlum sem nota má til afritunar hljóðs eða mynda. Þessi skattur mun eiga að vera sárabætur fyrir tap sem eigendur höfundarréttar verða fyrir vegna löglegrar afritunar. Ekki nóg með að þetta sé óréttlátt gagnvart öllum sem kaupa myndbandsspólur, kasettur og geisladiska í...
Halló? Er ekki allt í lagi heima hjá þér? Erum við að tala máli einhverra sem eru að stela og afskræma verk annarra þó við séum á móti því að sett sé höfundarréttargjald á geisladiska? Ég held nú síður. Mér finnst það bara nett óréttlátt gagnvart öllum sem eru að nota diska til að taka afrit af eigin efni eða jafnvel dreifa eigin efni sér til atvinnu að þeir þurfi að borga samtökum höfunda fyrir það.
Ég er alveg sammála. Þegar ég keypti mér brennara þá var það bara til að taka öryggisafrit. Ég spáði smá í zip drif en brennarinn varð fyrir valinu, einfaldlega vegna þess að þú getur komið miklu meira á hvern disk. Ég hef aldrei fengið lánaða tónlist til að kópera og ég hef aldrei kóperað eigin diska fyrir aðra. Hvort sem rosagaman trúir því eða ekki þá mætti kannski benda honum á að ef hann heldur að allir sem eru á netinu séu þjófar þá hlýtur hann að vera það sjálfur vegna þess að hann er...
Þú ert ekki ennþá búinn að útskýra hvort þér finnist eiga að vera höfundarréttargjald af penslum. Mér þætti gaman að heyra það. Ef þér finnst eðlilegt að hafa höfundarréttargjald af geisladiskum vegna þess að sá möguleiki er fyrir hendi að brenna á þá höfundarverndað efni, þá ætti alveg eins að vera höfundarréttargjald á penslum þar sem sá möguleiki er fyrir hendi að nota þá til að falsa málverk.
Ég er nú ekki viss um að þú skiljir þetta mál. Mér sýnist þú vilja sekta alla fyrirfram sem hafa tækifæri til að gera ákveðna hluti án tillits til þess hvort þeir framkvæma verknaðinn. Er eitthvað réttlæti í því? Á maður ekki að vera saklaus þangað til sekt er sönnuð?
Ég var ekkert með neina útúrsnúninga. Ég er alls ekki ósammála þér um það að maður eigi ekki að breyta myndum sem aðrir eiga höfundarrétt að. Hins vegar spurði ég á móti hvort þér finnist það rétt að allir sem hafa tækifæri til þess að breyta myndum, t.d. vegna þess að þeir eiga tölvu, eigi að borga höfundarréttargjald vegna þess. Áttu erfitt með að svara þessu? Gerum þetta auðveldara. Á ekki að vera líka höfundarréttargjald á penslum af því að þú gætir hugsanlega ætlað að nota pensilinn í...
Og á þá að rukka alla sem eiga tölvur fyrir það að þeir hafi möguleika til að breyta myndum hvort sem þeir gera það eða ekki? Ég verð líka að bæta við að það er ekki í öllum tilvikum ólöglegt að skrifa tónlist. Þú mátt taka allt að 3 afrit til eigin nota af diskum sem þú hefur keypt.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
