Hugi.is - Notendur

Re: Musterisriddarinn eftir Jan Guillou

í Bækur fyrir 18 árum, 10 mánuðum

Það er kannski enn fremur tilefni til að vekja athygli á ágætri skáldsögu eftir sama höfund, sem heitir Illskan. Umrædd skáldsaga hefur verið kvikmynduð og tókst með ágætum. Fyrir þá sem ekki vita fjallar sagan um ungan vandræða-pilt sem er sendur í heimavistarskóla, þar sem ríkja forn og íhaldssöm gildi.

Re: Forsetar BNA 13 grein

í Sagnfræði fyrir 19 árum, 1 mánuði

Góð grein. Það er hins vegar ekki alveg rétt að Abraham Lincoln hafi verið ómenntaður, því hann var lögfræðingur að mennt. Ég veit ekki hvort þú hefur lesið bók Thorolf Smith um Abraham Lincoln, en það er ágæt heimild um ævi Lincoln og m. a. fjallað um námsárin hans. Ef ég man rétt þá var Lincoln kominn fast að þrítugu þegar hann tók lögfræðipróf.

Re: Hemingway

í Bókmenntir og listir fyrir 19 árum, 3 mánuðum

Já, hún er vel þess virði. Frábær bók.

Re: The Great Gatsby

í Bækur fyrir 19 árum, 3 mánuðum

Áhugaverð grein. Ég hef ekki lesið þessa bók, reyndar heldur ekki séð kvikmyndina sem gerð var eftir henni, en þetta sannarlega kveikir áhuga minn á því.

Re: Mein Kampf

í Bækur fyrir 19 árum, 4 mánuðum

Ég hef lesið þessa bók, reyndar fyrir nokkrum árum. Mér fannst hún heilt yfir nokkuð þung, en þó voru kaflar í henni mjög áhugaverðir og minna þungir. Þessi bók er svona nokkurs konar sjálfsævisaga Hitlers fram til 1924 (ef ég man rétt) og sýnir með ágætum hætti hvaða umhverfi mótaði Hitler. Ef hins vegar menn vilja kynna sér ævi Hilters fram til 1924 þá mæli ég með bókinni Að hetjuhöll eftir Þorstein Thorarensen, sem gefin var út árið 1967. Frábær bók.

Re: StafsetningarVILLUR

í Bókmenntir og listir fyrir 19 árum, 7 mánuðum

Ágæti viðtakandi. Það eru engin lög er gilda um íslenska stafsetningu. Hins vegar eru í gildi auglýsing um íslenska stafsetningu nr. 132/1974 með áorðnum breytingum og auglýsing um greinarmerkjasetningu nr. 133/1974 með áorðnum breytingum. Allar þær bækur sem gefnar eru út um íslenska stafsetningu og kenndar eru í íslenskum skólum eru byggðar á þessum auglýsingum. Samkvæmt auglýsingunum eru engin viðurlög lögð við því að brjóta ákvæði þeirra, enda mundi slíkt engan tilgang hafa. Fyrir...

Re: Bókasafnslöggur

í Deiglan fyrir 19 árum, 7 mánuðum

Ágæt grein. Það er þó ekki við íslensk lögregluyfirvöld að sakast í þessu tilviki, heldur löggjafann. Það er hans vilji að hafa reglurnar með þessum hætti. Spurning hvort samtök rétthafa og grasrótarhreyfingar tölvuáhugamanna ættu ekki að beita löggjafann þrýsting um að breyta lögunum og rýmka þau eilítið hvað þetta varðar. Ég vil þó taka fram að ég veit ekki hvort slíkar grasrótarhreyfingar eru til.

Re: Minnisbókin

í Bækur fyrir 19 árum, 7 mánuðum

Ágæti Stoffi. Ég veit ekki af hvaða sauðahúsi þú ert eiginlega gæskur, en eitt er víst að ekki virðist þú vera mjög bókelskur. Ég mundi þó vilja biðja þig, áður en þú ferð að láta ljós þitt skína enn frekar, að kynna þér um hvað áhugamálið bækur á Huga.is fjallar. Í þínum sporum mundi ég enn fremur fara rifja upp réttritun og notkun greinarmerkja.

Re: The Notebook......Er hún til á íslensku?

í Bækur fyrir 19 árum, 7 mánuðum

Já, þessi bók er til á íslensku og kom út árið 1997 ef ég man rétt. Hún heitir í íslenskri þýðingu Minnisbókin. Ef til vill er hún enn til hjá Máli og menningu, sem gaf hana út. Mér er ekki kunnugt um að fleiri bækur eftir þennan ágæta höfund hafi verið þýddar. Es. Skrifað var framhald af bókinni Notebook, sem heitir The Wedding og á að gerast löngu síðar.

Re: Bók eftir Stephen King??

í Bækur fyrir 19 árum, 7 mánuðum

Það er rétt eins og komið hefur fram að bókin heitir Rose Madder á frummálinu. Hún heitir hins vegar Úr álögum á íslensku. Mitt álit er að bókin er ágæt, þó ekki ein af betri bókum King. Þú ættir að prófa að lesa sögur eftir hann eins og Græna mílan, Öndunaraðferðin (úr bókinni Leit), Shawshank-fangelsið og Námfús drengur (úr Betrun), Umsátur (Cujo) og Visnaðu (Thinner).

Re: Dansar við úlfa

í Bækur fyrir 19 árum, 10 mánuðum

Ágæti viðtakandi. Kvikmyndin heitir Dances with Wolves. Með góðum kveðjum, Birgir J.

Re: Anna Frank

í Bækur fyrir 19 árum, 10 mánuðum

Mér er ekki kunnugt um að Dagbók Anne Frank hafi nokkurn tímann verið gefin út í kilju-formi á íslensku. Hún hefur hins vegar nokkrum sinnum verið gefin út í innbundnu formi, síðast árið 1999 af bókaútgáfunni Hólum.

Re: Dansar við úlfa

í Bækur fyrir 19 árum, 11 mánuðum

Þýðingin er Dansar við úlfa (Dances with Wolves). Það er rétt sem komið hefur fram að nafn bókarinnar er skírskotun til nafngiftar Dunbar, þ. e. þeirrar nafngiftar er hann fékk meðal indíánanna. Fyrir forvitna er bókin til hjá bókaútgáfunni Fjölva, sbr. slóðina http://www.fjolvi.is/Store/prd0184.htm.

Re: Þjálfaraskandall!

í Handbolti fyrir 20 árum, 3 mánuðum

Ég er sammála þér í mörgu sem fram kemur í grein þinni. Það er stundum sagt að lið vinni leiki og þjálfari tapi leikjum. Mér finnst þó bæði þjálfarinn og íslenska liðið vera að tapa þessum leikjum sem búnir eru. Nokkur atriði eru það þó sem hafa vakið mig til umhugsunar. Í fyrsta lagi skil ég ekki hvers vegna Guðmundur Hrafnkelsson er fyrsti valkostur Guðmundar Þ. Guðmundssonar til að verja mark íslenska liðsins. Mér finnst til að mynda Reynir Þór, Björgvin Páll og Birkir Ívar allir betri...

Re: Þjálfaraskandall!

í Handbolti fyrir 20 árum, 3 mánuðum

Ég er sammála þér í mörgu sem fram kemur í grein þinni. Það er stundum sagt að lið vinni leiki og þjálfari tapi leikjum. Mér finnst þó bæði þjálfarinn og íslenska liðið vera að tapa þessum leikjum sem búnir eru. Nokkur atriði eru það þó sem hafa vakið mig til umhugsunar. Í fyrsta lagi skil ég ekki hvers vegna Guðmundur Hrafnkelsson er fyrsti valkostur Guðmundar Þ. Guðmundssonar til að verja mark íslenska liðsins. Mér finnst til að mynda Reynir Þór, Björgvin Páll og Birkir Ívar allir betri...

Re: Örvænting eftir King

í Bækur fyrir 20 árum, 3 mánuðum

Það sem ég átti við þegar ég sagði að The Regulators væri hálfgert framhald af Desperation var í raun það að hið illa í bókunum er af sömu rótum runnið og það er eiginlega afleitt að lesa The Regulators áður en Desperation er lesin. Ég vona að þú sért sammála mér í þessu.

Re: Örvænting eftir King

í Bækur fyrir 20 árum, 3 mánuðum

Ég er mikill aðdáandi Stephen King. Hins vegar finnst mér Örvænting (Desperation) ein af hans slökustu bókum. Enn fremur finnst mér bókin Árásin (The Regulators), sem King skrifaði undir nafninu Richard Bachman og er hálfgert framhald Örvæntingar, fremur slök. Mér finnst King bestur þegar hann skrifar um hversdagslega, en samt yfirnátturulega hluti og á köflum voveiflega, eins og hann gerir t. d. í sögum eins og Shawshank-fangelsið og Námfús drengur úr bókinni Betrun (Different season));...

Re: Misery - Stephen King

í Bækur fyrir 20 árum, 6 mánuðum

Allar bækur Stephen King, sem íslenskaðar hafa verið, eru taldar upp í lista skeytis, sem sent var greinarhöfundi.

Re: Misery - Stephen King

í Bækur fyrir 20 árum, 6 mánuðum

Góð ábending. Betur sjá augu en auga. Nei, ég hef ekki enn lesið The Stand. Hún er hins vegar á bókalistanum mínum. Ég hlakka mikið til að lesa hana, enda fáar bækur King er fá eins góða dóma.

Re: Misery - Stephen King

í Bækur fyrir 20 árum, 6 mánuðum

Það er rétt sem komið hefur fram að bókin var þýdd á sínum tíma og heitir Eymd (ekki Eymnd). Ég tek heilshugar undir það að bókin er frábær. Mér finnst hún í hópi bestu bóka King, þó eru bækur eins og Christine, Græna mílan, Umsátur og Shawshank fangelsið enn betri að mínu mati. Til upplýsinga þá hafa eftirfarandi bækur verið þýddar eftir Stephen King á íslensku: Visnaðu (Thinner), Eymd (Misery), Eldvakinn (Firestarter), Umsátur (Cujo), Uppreisnin (The Rage), Duld (The Shining),...

Re: Brýrnar í Madisonsýslu

í Bækur fyrir 20 árum, 6 mánuðum

Ég ætlaði einmitt að fara að rita nokkrar línur um þessa einstöku bók er ég sá að þú þegar gert það og ákvað því að láta kyrrt liggja. Þessi bók er alveg einstök í einu orði sagt. Hefur þú hins vegar lesið aðrar bækur eftir sama höfund? Það er búið að íslenska tvær aðrar bækur eftir hann; Hægur vals í Cedar Bend og Tónlist tveggja heima. Þær eru báðar mjög góðar, sérstaklega sú fyrrnefnda, en verða þó báðar að mínu mati að teljast eftirbátar Brúnna í Madisonsýslu. Með góðum kveðjum, Birgi

Re: Mengele - The Complete Story

í Bækur fyrir 20 árum, 7 mánuðum

Já, ég hef séð þá kvikmynd. Ef mér skjöplast ekki þá var hún gerð árið 1978, en þá var ekkert vitað um afdrif Mengele, sem drukknaði árið 1979. Það voru einungis þeir sem skotið höfðu skjólshúsi yfir hann; ættingjar o. fl., sem vissu um afdrif hans. Það var síðan ekki fyrr en árið 1985 sem gröf Mengele tekin upp og jarðneskar leifar hans rannsakaðar. Niðurstaða þeirra rannsókna voru á þá lund að um gröf Mengele væri að ræða. Þá var búið að eyða geipilegum fjármunum í að leita hans.

Re: Umsögn: Fuglinn frá Madagaskar

í Bækur fyrir 20 árum, 11 mánuðum

Er þessi bók í anda bókarinnar Tíðindalaust á vesturvígstöðvunum? Sú saga gerist reyndar í fyrri heimstyrjöldinni.

Re: Treasure island (Gulleyjan)

í Bækur fyrir 21 árum

Ágæti bókaunnandi. Það hlýtur að hafa misritast í grein yðar að bókin hafi verið skrifuð árið 1981 og komið út sama ár.

Re: Þrúgur reiðinnar

í Bækur fyrir 21 árum, 2 mánuðum

Ég tek heilshugar undir það að Þrúgur reiðinnar er mjög eftirminnileg bók. Mér fannst hins vegar Mýs og menn enn betri. Þessu er kannski ekki alveg saman að líkja þar sem segja má að Mýs og menn fari langt með að uppfylla öll hin fræðilegu skilyrði smásögunnar. Engu að síður geipilega eftirminnileg saga sem lætur engan ósnortinn. Með góðum kveðjum, Birgi

Notendur

Re: Musterisriddarinn eftir Jan Guillou

Re: Forsetar BNA 13 grein

Re: Hemingway

Re: The Great Gatsby

Re: Mein Kampf

Re: StafsetningarVILLUR

Re: Bókasafnslöggur

Re: Minnisbókin

Re: The Notebook......Er hún til á íslensku?

Re: Bók eftir Stephen King??

Re: Dansar við úlfa

Re: Anna Frank

Re: Dansar við úlfa

Re: Þjálfaraskandall!

Re: Þjálfaraskandall!

Re: Örvænting eftir King

Re: Örvænting eftir King

Re: Misery - Stephen King

Re: Misery - Stephen King

Re: Misery - Stephen King

Re: Brýrnar í Madisonsýslu

Re: Mengele - The Complete Story

Re: Umsögn: Fuglinn frá Madagaskar

Re: Treasure island (Gulleyjan)

Re: Þrúgur reiðinnar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi