Mig langar til að benda á eitt…keppnin heitir Söngkeppni framhaldsskóla og þar af leiðandi skiptir söngurinn mestu máli. Söngkeppni = rödd söngvarans skiptir mestu máli. Söngvakeppni = lagið sem sungið er skiptir mestu máli. Kveðja, Xenia
Þú getur farið í fóstureyðingu í 12. viku eða fyrir það eins og ekkert sé…en á 12. - 16. viku er það hægt en verður að fá undanþágu. Ég myndi hugsa málið mjög vel, og alls ekki bara fara að hans vilja, þá á örugglega eftir að fara illa í þig, sérstaklega af því að þig langar svo í annað barn. Gangi þér vel, Xenia
Mér finnst það nú of langt gengið að kalla á Barnaverndarnefnd út af litlu brunasári. Fyrst að þetta var svona lítið þá hefði nú bara átt að tala við foreldrana fyrst. Strákurinn er líka bara 3 ára og þá segja þau oft eitthvað þessu líkt…t.d. segja “amma meiddi mig”, en eiga þá við “ég var hjá ömmu og meiddi mig”. Og þinn gutti hefur líklega einfaldlega meint “ég var hjá pabba og brenndi mig”.
Ég verð bara að segja það fyrir mitt leyti að gamalt fólk er ekki í meirihluta þeirra sem pirra mig. Það er margt fullorðið fólk, unglingar og börn sem eru miklu verri en nokkurn tíma gamla fólkið. Svo veitir líklegast ekki af því að hafa nokkra gamlingja til að hægja aðeins á samfélaginu. Með kveðju, Xenia
Þetta er geðveikt góður ís. Ég fæ mjög sjaldan svona ís nema á jólunum og þá virðast allir vera með hann nema með mismunandi bragðtegundum Kveðja, Xenia
EEE sagði: Þó að við borðum t.d. lömb þá borða ekki önnur lömb lömb (ég er auðvitað að tala um almennt ekki í neyð). Mig langar bara til þess að benda á það að lömb borða bara alls ekki kjöt, ekki einu sinni í neyð :) Kveðja, Xenia
Hefuru enga trú á kortum? Hvernig þá, það er mun þægilegra að hafa bara debetkort og heimabanka, þá þarf maður aldrei að vesenast við að fara í banka og standa í biðröð. Þú þarft að vísu að borga ca. 10 kall af hverri færslu á debetkortinu, en það verða aldrei stórar fjárhæðir…og svo gætiru líka bara farið í hraðbanka annað slagið og tekið út það sem þig vantar. Kveðja, Xenia
Það er alveg bannað að taka jólaskrautið niður fyrr en í fyrsta lagi 7. desember. En það er líka alveg bannað að hengja upp jólaskraut fyrr en í fyrsta lagi í byrjun aðventunnar. Mér finnst ekkert að því að láta loga á jólaljósunum eitthvað fram í janúar. Það er svo sem ekkert skrýtið að margir séu orðnir dauðleiðir á þessum jóladóti, þegar þetta er kannski búið að vera fyrir augunum á okkur í rúman mánuð. Þannig að…skreyta seinna og taka niður seinna. Kveðjur, Xenia
Ég verð heima hjá mér um jólin og finnst það eiginlega algjört möst en kærastinn minn verður með og hefur verið það undanfarin 2 ár líka. En ég hef verið heima hjá honum undanfarin 2 ár um áramótin og verð það líka núna. Það var svolítið skrýtið í fyrsta skiptið en mjög fínt í annað og svona er þetta nánast að verða að hefð svo að þetta verður bara notalegt :) Kveðja, Xenia
Jæja, kannski er ég bara furðuleg en mér finnst langskemmtilegast að fá kort sem eru heimagerð eða með myndum. Og af hverju ertu að senda 150 jólakort ef þú þekkir svo ekki allt þetta lið. Xenia
Já, það er sko alveg félagsskapur í því að eiga naggrís. Mér finnst ótrúlega gaman að fylgjast með gríslunni minni. Svo er líka rosa gott að kúra með henni og klappa henni :) Og svo gefur hún frá sér nokkurskonar “ví, ví” hljóð þegar hún vill fá að borða eða vill athygli. Ég mæli hiklaust með naggrísum, þeir eru að minnsta kosti miklu skemmtilegri en fiskar og þurfa minni umönnun en hundur eða köttur. Kveðja, Xenia
Það er frekar algengt að menn túlki liti á mismunandi hátt. T.d. gæti mér fundist peysan vera bleik en Önnu finnst hún vera rauð. Og mér gæti fundist buxurnar vera svartar meðan Önnu finnst þær vera dökkgrænar.
Mér finnst plastjólasveinar svo flottir. Geðveikt flottur einn garður sem er við Bústaðaveginn, þar er fullt af plastjólasveinum, plastsnjókörlum og plastMaríumeyjum. Kveðja, Xenia
Gaman að heyra söguna af þessu flotta lagi. Það er greinilegt af því sem ég var að lesa hérna að ofan að það eru ekki allir komnir í rétta jólaskapið. Gleðileg jól, Xenia
Það er nú reyndar 14 dagar í jólin. En heima hjá mér eru bakaðar: Piparkökur, mömmukökur, marsipankökur, marengstoppar og RiceCrispieskökur. Jólakökukveðjur, Xenia
Kærastinn minn er komin með þá jólahefð inn í fjölskylduna að horfa á Muppet Christmas Carol á aðfangadag. Kann mjög vel við þá hefð :) Jólakveðja, Xenia
Ég á mjög góðan síma. Hann er af tegundinni Alcatel og ég er búin að eiga hann í 2 og hálft ár og hann hefur aldrei bilað, þrátt fyrir margar biltur. Þessi sími kostaði bara 16 kr. og það fylgdi reglustrika með í kaupbæti, vinkona mín stóð í röð í klukkutíma til að kaupa hann fyrir mig :) Eini gallinn sem hann hefur er að hann er svolítið þungur rúm 200 g. Kveðja, Xenia
Jamm, ég er sammála. Ég held líka að Guð hefði ekki byrjað á því að búa til fóstur, hann gerði okkur fullsköpuð. Hvort kom á undan konan eða ólétta konan…döh, þetta var heimskulegt :) Kveðja, Xenia
Mér finnst þetta nú bara ágætar auglýsingar. Þó að 200 kr. sé mikið fyrir eitt far með strætó þá er nú hægt að fá það aðeins ódýrara ef þú kaupir miða eða græna kortið.
Það sem mér finnst skemmtilegast við jólin eru aðfangadagur og jóladagur og allt sem þeim tilheyrir. Sem sagt samveran með fjölskyldunni, maturinn, pakkarnir og bara allt! Ég er frekar lítið farin að spá í hvað mig langar í í jólagjöf, en er samt búin að gera lista yfir bækur sem mig langar í :) Gleðileg jól allir saman! Xenia
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
