Allavega raðaði ég þessu upp hjá mér sem mína spá um að Chicago myndi vinna og hafði Pianist nr. 2. Tel líklegra að Chicago vinni, enda hlaut hún SAG-verðlaunin og Golden Globe. Annars verður þetta spennandi og hið ómögulega getur alveg gerst. Skemmst er að minnast þess þegar Saving Private Ryan tapaði fyrir Shakespeare in Love 1998. Flestir höfðu talið að SPR myndi vinna þá.
Verður athyglisvert að sjá. Væri sáttur við að Pianist myndi vinna, enda afskaplega vel gerð og vel leikin. Sýnist samt að Chicago vinni þetta, annars er Óskarinn oft óútreiknanlegur. kv. stebbif
Sammála ykkur sem hafa skrifað um að Pianist sé frábær mynd. Það er enginn vafi á því að þetta er besta mynd Romans Polanski og ætti verðlaunin skilið. Hinsvegar er Polanski mjög umdeildur í Bandaríkjunum og aldrei hlotið verðlaunin. Verður athyglisvert að fylgjast með verðlaunaafhendingunni.
Sæll Whistler Já, það er ekki svo ólíklegt að Newman vinni, enda oft gerst að svona gamlir jaxlar séu heiðraðir með svona verðlaunum. Gott dæmi er Melvyn Douglas 1979, vann tveim árum fyrir dauða sinn. Hann (PN) var flottur í RTP og ég tel hann best að þessu kominn, annars ættu allir leikararnir í þessari kategóríu skilið að vinna. kv. stebbif
Einmitt, þetta er því ekki algild regla, þó oftast nær hafi þetta farið saman. Annars verður gaman að sjá hvernig þetta fer núna. Hvort Scorsese fái svona heiðursverðlaun með þessu eða hvort þetta fari eftir bókinni. kv. stebbif
Þakka þér fyrir að leiðrétta mig. Var með SAG í huga eftir að hafa skrifað um AB. Marshall hlaut Directors Guild of America, DGA sem oft er fyrirboði um Óskarinn. Flestir þeir sem þau verðlaun hljóta vinna leikstjóraóskarinn, það var þó t.d. ekki árið 2001 þegar Ang Lee fékk þessi verðlaun en Soderbergh vann Óskarinn.
Fín samantekt hjá þér temsi. Sammála mörgu af því sem þú segir. Oft hefur verið verðlaunað eftir ferli viðkomandi, t.d. hefur Scorsese ekki hlotið óskar fyrr, en ef slíkt er ekki á döfinni mun Marshall vinna, enda hlaut hann SAG-verðlaunin og þau eru oftast fyrirboði þess að viðkomandi vinni. Hefur oftast verið þannig. Það er rétt að Swank var mögnuð í Boys Don´t Cry en margir höfðu veðjað á Bening vegna SAG-verðlaunanna. Þær voru báðar mjög góðar þá. Skemmtilegar pælingar hjá þér. kv. stebbif
Já, verður gaman að sjá hvernig hann muni standa sig. Billy Crystal hefur að mínu mati staðið sig best sem kynnir, en Steve Martin var flottur fyrir tveim árum þegar hann var síðast kynnir. kv. stebbif
Sæll Segi brillera þrisvar eða fjórum sinnum, sennilega þrisvar. Annars er Óskarinn alltaf föst hefð og engin kvikmyndaverðlaun vekja meiri eftirtekt, annars er fólk oft fljótt að gleyma hverjir vinna. Stundum hafa þeir tapað sem léku best, þetta er náttúrulega óttalega mikil pólitík og hefðir sem spila inn í en oft er sigur viðkomandi verðskuldaður. Verður athyglisvert hvernig þetta verður núna. Var sérstaklega hissa á að Peter Jackson var ekki tilnefndur fyrir leikstjórn í LOTR: TT. kv. stebbif
Sæll MM Denzel tapaði fyrir Kevin Spacey (American Beauty) 2000, en ekki Russell Crowe. Hann vann árið eftir fyrir Gladiator og Denzel svo í fyrra fyrir Training Day. Vildi bara koma þessu að. kveðja, stebbif
Sæll Kristján Góð grein hjá þér. Halldór er uppáhalds rithöfundurinn minn. Ég hef lesið flestar af bókum hans og er Sjálfstætt fólk í miklu uppáhaldi hjá mér. Einnig eru Íslandsklukkan, Salka Valka, Heimsljós, Brekkukotsannáll, Gerpla og Kristnihaldið stórkostlegar bækur sem batna við hvern lestur. Mestu perlur íslenskra bókmennta.
Sæll rappari Æviágrip Bjarna Benediktssonar og ýmsar upplýsingar um hann er að finna á heimasíðu Alþingis. Slóðin er: http://www.althingi.is/cv.php4?nfaerslunr=64 kveðja, stebbif
Sæll Jak LOTR: FOTR vann fern óskarsverðlaun; besta kvikmyndatakan, kvikmyndatónlist, förðun og tæknibrellurnar. Því miður vann myndin ekki í stóru flokkunum, Ian McKellen vann ekki Óskarinn í aukaleikaraflokknum, sem mér fannst mjög miður, hann var alveg frábær í þessari mynd. kveðja, stebbif
Sæll friðfinnur Ég hef ekki séð Monster´s Ball í fullri lengd, hef séð nokkur brot úr henni og trailerinn. Ég hlakka til að sjá hana í fullri lengd, sama er hægt að segja um Iris, Jim Broadbent hlýtur að vera góður í henni. Er búinn að sjá Denzel og Jennifer Connelly í sínum myndum, bæði fara á kostum og verðskulduðu sína Óskara. kveðja, stebbif
Robert Altman vann Golden Globe. Þessir þrír (Jackson, Howard, Altman) eru allir mjög líklegir til að vinna leikstjóraóskarinn, þetta getur farið á hvaða veg sem er. Það kæmi mér ekki á óvart að Altman stæli senunni af Howard og Jackson. Þetta ræðst allt á morgun kveðja, stebbif
Sæll Hjörtur Það er ekkert óeðlilegt þó að Blair missi fylgi, enda hefur ekkert breyst á fimm ára valdaferli hans. Það er allavega ekki mikill munur á honum og John Major, og svo virðist sem breskir kjósendur séu búnir að fá leið á honum og Verkamannaflokknum.
Sæl gmaria Ég er sammála þér með að hugsa þarf um málefni aldraðra, enda eiga þeir sín réttindi og um þá þarf að hugsa, rétt eins og aðra skattborgara. Ég er sammála þér með klámstaðina, þeir eru svo sannarlega ljótur blettur á miðbænum. kveðja, stebbif
LOTR vann verðskuldaðan sigur á BAFTA-hátíðinni. Nú er bara að vona að sama gerist á Óskarnum. Það er mín skoðun að Ian McKellen hefði átt að vinna leikaraverðlaunin, enda var hann alveg frábær í myndinni. Ég vona að hann fái Óskarinn í aukaleikaraflokknum. LOTR er tilnefnd til 13 Óskara og það er mín von að hún fái sem flest verðlaun þar, enda er þetta hiklaust besta mynd síðasta árs.
Sæl gmaria Biðlistar R-listans eru ekki eingöngu hjá yngra fólki. Afar okkar og ömmur eru líka afskipt. Hundruð eldri Reykvíkinga bíða mánuðum og jafnvel árum saman eftir hjúkrunarrýmum, þrátt fyrir fögur loforð. Íslendingar verða eldri en nokkru sinni fyrr og er afar brýnt að Reykjavík sýni eldri borgurum sínum þann sóma að njóta mannsæmandi aðhlynningar eftir þörfum. Einnig þarf að sjálfsögðu að vinna að hag öryrkja. Ég tel persónulega að félagslega húsnæðikerfið eigi að vera einkarekið....
Sjálfstæðisflokkurinn hefur gengið frá uppröðun á framboðslista sínum á Akureyri og samanstendur listinn af 11 körlum og 11 konum, semsagt jafnri kynjaskiptingu. Sem gamall og góður Akureyringur er ég stoltur af lista flokksins í bænum en hann býður upp á mikla breidd og fólk á öllum aldri. Stöðnun hafði verið á öllum sviðum á Akureyri áður en Sjálfstæðisflokkurinn vann sinn glæsta kosningasigur árið 1998. Dalvíkingurinn Kristján Þór Júlíusson varð bæjarstjóri þar og leysti Jakob Björnsson...
Sitt sýnist hverjum. Ég tel mig ekki vera: 1) lélegan penna 2) lélegan áróðursmeistara 3) hálf klikkaðan. Það er kannski bara andstæðingar mínar sem eru óánægðir með málflutning minn, vegna þess að hann kemur illa við þá, eða hvað? stebbif
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
