Ernie Els var rétt í þessu að tryggja sér sigur á The MEMORIAL Tournament sem spilað var á Murfield. Lék á -18 undir samtals og sigraði með fjórum höggum. Big Easy virðist ætla að toppa á réttum tíma enda stutt í US Open og British Open. Jack Nicklaus sem hannaði völlinn komst í gegnum niðurskurðinn og lék á 71 í dag sem verður líklegast lokahringur hans á PGA.
Þetta eru nýjustu pútterarnir frá Titleist og Scotty Cameron. Þeir heita Red X og Red X2 og munu fást í Bandaríkjunum frá byrjun júní en Evrópu frá byrjun júlí. Þeir sem hafa sést nota þennan pútter undanfarið eru t.d. Sergio Garcia, Paul Casey, Darren Clarke og Alex Cejka.
Það eru margir að skipta yfir í þennan pútter frá Ping. CRAZ-E sameinar kosti 2-ball frá Odyssey og Futura frá Titleist og virkar ótrúlega vel. Það er bæði auðvelt að setja í stuttu púttin og tryggja löngu púttin.
Phil Mickelson hefur aldrei gengið betur á PGA mótaröðinni. Hann hefur tekið þátt í níu mótum á árinu og átta sinnum hefur hann endað meðal tíu efstu manna og þar á meðal eru tveir sigrar. Hann er sem stendur í efsta sæti peningalistans.
Svona pútter nota Tiger Woods, Ernie Els, Adam Scott og fleiri stórstjörnur. Þetta er Studio Stainless Newport II pútter frá Titleist og Scotty Cameron.
Ernie Els lék stórkostlega á lokadegi Masters og átti skilið að sigra alveg eins og Phil Mickelson. Els sló gríðarlega langt af teig og fékk tvo erni á par5 holum sem komu honum -5 undir þann daginn.
Lítið gekk upp hjá Tiger Woods í gær og kom hann inn í klúbbhús þegar leik var hætt vegna myrkurs á +4 yfir pari. Í morgun náði hann að klára hringinn á +3 yfir pari og má því ekki spila meira en +1 yfir annan hringinn til að komast í gegnum niðurskurðinn.
Spánverjinn Miguel Angel Jiménez sigraði á Opna Portúgalska sem lauk á Algarve í dag og fór um leið upp í efsta sæti peningalistans á evrópsku mótaröðinni. Hann lék lokahringinn á 67 höggum og endaði á samtals 16 höggum undir pari og vann öðru sinni á mótaröðinni í ár. Sigurinn gulltryggði honum sæti í Ryder Cup liðinu.
Þetta eru þær Michelle Wie og Grace Park. Grace Park vann um helgina fyrsta stórmót kvenna og Michelle Wie var best áhugamanna, endaði í 4. sæti aðeins 14 ára gömul!
Davis Love III reynir að verja titil sinn um helgina á Players Championship mótinu á Sawgrass vellinum. Í fyrra var sigur hans talinn einn sá eftirminnilegasti.
Hérna er Tiger Woods að slá af þyrlupalli eins flottasta hóteli heims í Dubai (sjá næstu mynd). Ekki amalegt að fá að æfa sig upp á 30. hæð og slá í sjóinn.
Heath Slocum sigraði Chrysler Classic á PGA um helgina. Þetta var fyrsti sigur Slocum en hann hefur oft komist ansi nálægt sigri á ferlinum en ekki klárað dæmið fyrr en nú.
Hérna er Ernie Els að tía upp í úrslitaleik HBC heimsmeistaramótsins í holukeppni á Wentworth í fyrra. Ernie Els lék gegn Thomas Björn og vann í þriðja sinn í röð.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
