Mikið hlakka ég til að sjá þetta leikrit. Bæði er þetta náttúrulega snilldar leikhópur, frábær tónlsitarmaður og mjög virt leikrit. Annars er margt mjög spennandi í boði hjá báðum leikhúsunum í ár. Faust, Gerpla, íslandsklukkan, Brennuvargarnir, Frida, Oliver, Fjölskyldan, Harry og Heimir, Heima er best og örugglega margt fleira.
James Cameron er auðvitað töluvert virtur leikstjóri og hefur sjaldan gert lélega mynd held ég. Allavega hef ég bara séð mjög góðar kvikmyndi. Álit mitt á honum er því hátt. Svo er það auðvitað þessi nýja tækni sem hann hyggst nota.
Það virðist einmitt vera fáránlega létt að fá góða einkunn. Ég hljóp þennan hring bölvandi og ragnandi og endaði á því að fá 9 í skólaeinkunn. Ég reyndar uppgötvaði að tónlist gerir hlaupið tíu sinnum þolanlegra þannig að það gæti einnig hafa togað einkunina svolítið upp. Ég hef hingað til ekki skilað dagbók en ætla að prófa það á næsta ári. Geri það allavega í sjötta bekk þegar einkunnin skiptir mestu máli. Mun örugglega bæta við dassi af kennarasleikju hér og þar.
Mjög góð grein. Með hverri gagnrýni verð ég bara spenntari og spenntari. Ég hafði litla sem enga trú á myndinni frá því að ég sá þá fimmtu en eftir að hafa séð nokkrar senur úr myndinni og lesið fjölmargar gagnrýnir (meðal annars þessa) held að myndin gæti orðið bara ágæt. Mikið var Sæbjörn hjá Mogganum utan við sig þegar hann skrifaði gagnrýnina. Augljóslega enginn aðdáandi.
Það er mjög virðingarvert af þér að gefa þér tíma í að skrifa greinar og ég hvet þig til þess að halda því áfram. Það lífgar svakalega upp á áhugamálið. Hinsvegar gagnast svoan greinar engum. Þeir sem hafa séð myndina þurfa ekki að lesa söguþráðinn og þeir sem hafa ekki séð myndina vilja ekki sjá söguþráðinn. En samt sem áður hvet ég þig til þess að halda ótrauður áfram en skrifa þá meira um það hvað þér finnst um myndina.
Hún er vissulega ákaflega einföld og svo viðkvæm að mjög auðvelt er að rústa henni en á sama tíma geta laglínur klassíska tímabilsins verið svo guðdómlegar að maður tárast. Mozart á heiðurinn af þónokkrum verkumsem geta flokkast sem meistaraverk og Betthoven líka. Ég veit að mörgum finnst þetta tímabil vera ofmetið en við hinir getum ekki verið annað en ósammála. Þetta var tímabil þar sem laglínan skipti öllu máli og með Mozart, Beethoven og Schubert í fremstu röð er þetta eitt besta tímabil...
Ég hlusta á klassíska tónlist. Rómantíska stefnan er í uppáhaldi hjá mér en 20.aldar tónlistin er þó mögnuð líka. Ég hlusta aðeins sjaldnar á tónlist frá klassíska tímabilinu en þegar ég er í skapi til þess er ekkert fallegra til í heiminum.
Þú slepptir því að skrifa “ekki” á milli “ætti” og “yndislegan” með þeim afleiðingum að það hljómaði eins og þú ættir einmitt ekki yndislegan kærasta. Ég veit ekki af hverju þetta skipti mig svona miklu máli.
Þessu er mjög líklega breytt milli ára eins og ég sagði hér fyrir ofan. Fer bara eftir því hversu vinsæl hvert mál er ár hvert. Bætt við 22. júní 2009 - 17:11 En vá! 10 úr einum skóla. Þú hlýtur þá eiginlega að vera í Austurbæjar-eða Hagaskóla.
Ég er sammála þér með þetta síðasta þó að það sé ljótt að segja svona. Ég hef ekkert á móti fólkinu sem slíku en það er bara svo ótrúlega pirrandi að fá ekkert pláss. Ég veit samt alveg að sumir geta ekkert gert að sér og nokkur aukakíló er alls engin synd. (þvert á móti, reyndar) Bætt við 10. júní 2009 - 18:19 Svo þoli ég einmitt heldur ekki teknó og þetta með endurgerðirnar. Annars er heimurinn bara nokkuð góður.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
