Fjólublá ský svífa í sæluvímu um himingeiminn Sólin lítur yfir lífsglaða veröldina Náttúrunni líður vel og ef til vill verður það að eilífu Stjörnurnar syngja gleðisöngva um hamingjuna Tónarnir fylla elskulegt loftið Hamingjan situr á fjallstindi og gefur af sér og þarna í miðjunni erum við og elskumst - - - - - - - - - - - - - - - - - - - - - - - - - - - - Þetta er nú svona í væmnari kantinum, en maður má alveg gera “glöð” ljóð líka stundum ;) svona til að vega upp á móti þungu ljóðunum ;)

Tætingur flækingur Hjarta mitt liggur brotið, grátandi á gólfinu steingervist rólega - verður að grjóti. Eintómt eitur í beinum mínum endalaus sársauki. Reyni að drepa dýrið í mér dáist þó að frelsinu sem ég fæ aldrei. Erfitt að skrifa verra að lifa. Lífið er flækja ég er dækja. Tætist til og frá í leit að sálarró

Ég er umkringd af myrkri króuð af úti í horni Á mér engrar undankomu auðið og þögnin er að æra mig Sorgin sönglar í hjartanu og ég - ég syng með Þarf það að vera svoleiðis að þeir sem guðirnir elska - deyja ungir?

Fiðrildin flögra um í maganum á mér Allt breytist Það sem áður var er ekki lengur Þau byrja að rekast á Allt verður að fullkominni ringulreið Ég veit ekki neitt í minn haus Nístandi augnaráð þitt sker mig í tvennt og fiðrildin byrja að naga mig að innan Á augabragði tekst þeim að brjótast út og ég verð ekki lengur fangi ástar þinnar.

Í sæluvímu svíf ég um á bleikrauðu skýi Ástin liggur í loftinu og lífið flýtur allt í kring Alsæl byrja ég að skilja Meiningu alheimsins Heimurinn hringsólar í kringum mig Ég hef komist í himnaríki

Kaldhæðni örlaganna strýkur mér um kinn Ég snýst í hringi en skil ekki neitt Þá átta ég mig á því að þú ert minn Og við rennum saman og verðum eitt

Gefum okkur aðstæður. Segjum sem svo að guð sé til og að fullt af fólki trúi á hann. Hugsum okkur svo að hundrað árum seinna séu allir hættir að trúa á þennan guð. Er hann þá ennþá til ef enginn trúir á hann og enginn veit af honum? Þessi pæling er kannski svoldið skyld pælingunni um hvort það heyrist hljóð þegar tré fellur og enginn er nálægt til að hlusta á hljóðið! Mér finnst svoldið erfitt að útskýra þessa pælingu en ég ætla að gera mitt besta. Í mínum augum felst máttur trúarinnar í því...

Ég ætla að fá mér kettling en þó að mér finnist ég alltaf vera að sjá auglýsingar um gefins kettlinga þá bara finn ég ekki eina einustu núna. Það var búið að gefa allar kisurnar sem voru auglýstar í DV í gær og ég er búin að prófa að leita á öllum stöðum sem mér dettur. Ef þið vitið um kettlinga sem vantar gott heimili, endilega látið mig vita. Kveðja, Ljúfa

Ég bara varð að segja hvað mér finnast nýju Alfa Romeo bílarnir geðveikt flottir. Mér finnst samt 166 flottari en 147, en 147 var samt kosinn bíll ársins í Evrópu! Ég fatta samt ekki 8milljónir fyrir einn bíl… (samt 370 hestöfl- en það er nú eiginlega bara hættulegt að eiga svoleis bíl… ) en það er náttúrulega líka hægt að kaupa ódýrari týpuna :) Anyway, hvað finnst ykkur??? Kveðja, Ljúfa

Ég var að horfa á Golden Globe (svona með öðru auganu allavega), og mér finnst alltaf rosalega gaman að sjá hvernig fötum allir eru í! Það var ekki hægt að komast hjá því að taka eftir því að stór meirihluti allra kvennanna var í hlýralausum kjólum, sem mér finnast alveg æði svona yfirleitt. En hins vegar sá ég enga sem það fór sérlega vel, t.d. Renee Zellweger (sem lék í Nurse Betty), var alltof beinaber til að vera í svona kjól, og axlirnar á henni virkuðu fyrir að vera miklu stærri en...

Ég bara verð að tala aðeins um verndarengla, eða hvað maður á nú að kalla það, fyrst að þessi skoðanakönnun um þá er í gangi! Mér finnst, og hefur alltaf fundist einhver vaka yfir mér. Það er eiginlega alveg sama hvað ég geri… ef ég óska mér eitthvað, eða vona eitthvað alveg rosalega mikið þá yfirleitt fæ ég það. Oftast ekki nákvæmlega alveg eins og ég vildi, en nálægt því. T.d. ætlaði ég að panta tíma hjá Kírópraktor um daginn, og þar sem ég var mjög tímabundin alla vikuna eftir, vildi ég...

Mér finnst alltaf vera sama vandamálið á áramótunum að ákveða hvar maður á að djamma! Mér finnst enginn skemmtistaður vera alveg nógu góður, svo ætli maður endi ekki bara í einhverju partíi… og kíki svo kannski eitthvað niður í bæ á einhverja staði. Hvað ætlið þið samHugarar annars að gera um áramótin? Kveðja, Ljúfa

Eitt stutt :) Ástin er hvít Fjarlægðin er blá Hamingjan er græn Vináttan er gul Lífið er rautt Það að vera til er regnboginn

Sko, ég er í smá vandræðum. Kærastinn minn á bráðum afmæli og mig langar að gera eitthvað sætt og rómó fyrir hann. Ég var að velta því fyrir mér hvort þið hefðuð einhverja góða hugmynd!!! Mér datt einna helst í hug, bara eitthvað klassískt eins og t.d. að fara út að borða og svo í leikhús og fara svo bara heim og hafa það rómó (eða kannski bara villt kynlíf!!!). Ég yrði rosalega þakklát ef þið kæmuð með einhverja hugmynd :) Kveðja, Ljúfa