Hættu þá að ráðleggja fólki vitleysu.

Hehe! Ég var einmitt að hugsa um að skrifa grein sem fjallar um svipaða hluti, þá helst athuga hver munurinn er á markmiðum sem menn eru að setja sér. Það er þrennt í þessu, fólk með skammtímamarkmið sem fá ekki staðist, fólk með grunnhygginn markmið sem snúast um útlit og í síðasta lagi fólk sem hefur það að langtímamarkmiði að efla líkamlegt hreysti. Ég er að verða alveg vitlaus á fólki sem ætlar að missa tíu kílógrömm á mánuði til þess að líta vel út í baðfatnaði og þeim sem vilja vera með risastóran tvíhöfða og þvottabretti, helst í dag og þá skiptir engu máli hvort það notar stera eða einhver lítið rannsökuð fæðubótarefni til þess að ná árangrinum. Þetta lið endist oftast í sex vikur í líkamsrækt og á þeim stutta tíma veldur sjálfum sér líkamlegum skaða.

Ekki það að það sé eitthvað að því að vilja líta vel út, en það ætti að vera aukaatriði í mínum huga.