Hugi.is - Notendur

Fenóli (1 álit)

í Ljóð fyrir 20 árum, 11 mánuðum

Hann sat þarna eins og ofvaxin sardína og kreisti út úr sér minnkaða spegilmyndina. Hann gat lifnað við, við og við, við mölbrotnar rafeindir sem gáfu honum stórbrotinn veruleikann. Hann sá örsmáa mynd af heildinni en á móti saug upp í nefið skynsemina. Hann sem lofaði sér lífinu og stóð við það. Hann sem var alltaf þarna. m.múskat

Barbiedúkkur (1 álit)

í Ljóð fyrir 20 árum, 11 mánuðum

a) Múlar gætu hentað ágætlega á málverkin sem þið skapið svo ofboðslega á hverjum morgni b) Ímynda ykkur eiginlega hvergi, nema í blessuðum rólunum. Eigum við að leika? c) Guð minn greinilega ekki nógu-máttugur; þær eru allt í kring. m.múskat

Sólarhringur (2 álit)

í Ljóð fyrir 21 árum, 1 mánuði

Hádegi. Mygluð sólin berrassar sig. Svarta myrkur á miðnætti. Gref mig inn í innyflin. Hádegi. m.m.

Lás? (1 álit)

í Ljóð fyrir 21 árum, 2 mánuðum

Tek L-ið og læt það aftast. Þá standa þeir þrír saman en þó óskiljanlegir. Aftasti kyssir miðjuna og fær á sig nýja mynd. Nýja myndin er talin átta sinnum á eftir hinni gömlu, þ.e. í hinu alíslenska. m.m.

Borðið (1 álit)

í Ljóð fyrir 21 árum, 3 mánuðum

Tuttugu og sjö og tuttugu og níu sátu við borðið og einbeittu sér að hvor annarri. Tuttugu og níu leit stundum undan. Tuttugu og sjö leit stundum á mig. Fann lífsmark en skeytti ekki um það. Áður en ég vissi af sat ég þarna við borðið. Ég var drukkinn. Þær voru drukknar. Þær voru saman; þetta kvöld og öll önnur. Við hlógum, reyktum og drukkum. Þær gerðu mér tilboð. Þetta var gott tilboð.

Essemmess (1 álit)

í Ljóð fyrir 21 árum, 4 mánuðum

Hittumst kyssumst, afklæðumst og sjáum svo. m.m.

Jóla-Rall 2002 (0 álit)

í Músík almennt fyrir 21 árum, 4 mánuðum

Var að koma af tónleikum á Grandrokk með hljómsveitunum/artistanum Sigga Ármanni, Funerals og Botnleðju. Voru þeir víst kallaðir Jóla-Rall 2002 og verð ég nú að segja að þeir voru bara helvíti skemmtilegir. Siggi Ármann byrjaði kvöldið og stóð hann sig ágætlega, þó svo að það hafi verið mikill kliður í salnum. Hafði séð hann áður (á Sigurrósar tónleikunum og einhverjum tónleikum í MS) og ég veit ekki alveg hvað mér á að finnast um hann en hann minnir mig dálítið á Red house painters, á...

Liðhlaupi (0 álit)

í Ljóð fyrir 21 árum, 4 mánuðum

Hoppa yfir á bláu plötuna sem hallar. Renn af og enda á bakka einveldis. Snæddur eins og pinnamatur. Einfrumungur; renn úr bakhlaðinu og út í sjó. Eimreiðin heldur samt áfram en ég er dæmdur án súrefnis, drukkna vonandi. Góðan daginn maríó M. (brosi samt ekki). Hvernig var þetta allt saman? Mig minnir…. m.m.

Sofandi (1 álit)

í Ljóð fyrir 21 árum, 4 mánuðum

Get ekki gleymt þessu. Því miður; það er eins og að klippa á segulstál. Það er bara. -Er. Því miður. m.m.

Út vil ek (3 álit)

í Ljóð fyrir 21 árum, 4 mánuðum

Ég titra í logninu því augun leitast alltaf niður á við. Ég leiðist með vindinum því mig vantar líf sem svarar, -áformum mínum. m.m.

Ég um mig (2 álit)

í Ljóð fyrir 21 árum, 5 mánuðum

Geng í mykjuna og tek upp skóflu. Byrja að grafa eftir mér. — Spurningarnar banka í hausnum á mér á meðan rauðu augun mín hanga opin fyrir framan stigaganginn minn. Ekki örvænta, er þriðji í röðinni -inn í mig. m.m.

10.desilítraber (2 álit)

í Ljóð fyrir 21 árum, 5 mánuðum

Tosa mig eftir línunni; dag frá degi. En missi stundum áhugann, -brot úr degi. Brotið hamrar á sálinni. Sá þig í dag. m.m.

Þraut (1 álit)

í Ljóð fyrir 21 árum, 5 mánuðum

Er vaknaður eftir nóttina en veit að það tekur tíma að hressa sig við og vera eins og ég var í gær. maríó

Pass (0 álit)

í Ljóð fyrir 21 árum, 5 mánuðum

Þú varst alltaf eins og garnagaulið í rafmagnslínunum. Fæ ég ennþá þetta hálfa volt eða er strengurinn búinn að slitna einhvers staðar á leiðinni? m.m.

Skilningur (4 álit)

í Ljóð fyrir 21 árum, 5 mánuðum

Til þess að sjá mig þá verður þú að ganga fram hjá mér. til hvers að fara? Gekkst aldrei nálægt mér. -skil það samt alveg ég gekk fram úr þér. m.m.