Ja, bæði það að Liverpool sýndi loks sitt rétta andlit og hæfileikar Guðjóns til að stjórna liði utan Íslands komu loks í ljós. Og svona til að auka á niðurlægingu Stoke þá var þetta stærsti útisigur Liverpool frá upphafi og stærsti sigur í sögu deildarbikarsins.
Liverpool er nú efst á lista veðbanka yfir sigurstranglegustu liðin í keppninnini og næst þar á eftir kemur Sunderland. Vonandi endar nú 5 ára silfurþurrð okkar poolara í febrúar þegar við vinnum Ipswich í úrslitum!
Ég las einhvers staðar að hann væri búinn að spila yfir 200 leiki í röð með Ipswich. Það er alveg rétt að þetta er skarð fyrir skyldi hjá Ipswich því mér skilst að hann sé búinn að vera mjög góður með Ipswich á leiktíðinni og að gott gengi liðsins sé ekki síst honum að þakka. Hvað verður hann frá lengi?
Það var bara kominn tími á að einhver segði loksins það sem alla hefur langað til og allir hafa vitað lengi. Arsene Wenger og félagar eru bara vælukjóar! Og þið Arsenal menn, ef þið eruð ósammála bendið mér þá á síðasta leik sem Arsenal tapaði og Wenger kenndi engum nema sér og leikmönnum liðsins um tapið!
Ég held að þetta hafi svo sem verið vitað fyrirfram enda Sven Goran búinn að lýsa því yfir að hann ætlaði að klára samning sinn við Lazio. Það voru(eru) bara draumórar hjá enska knattspyrnusambandinu að búast við öðru.
Ef Ranieri verður ennþá við stjórnvölinn hjá Chelsea í sumar þá verða samningar ekki endurnýjaðir við Rix og Wilkins. Ranieri var þegar búinn að velja nýja aðstoðarmenn og var búinn að hafa samband við þá, ég held að þeir séu frekar fúlir núna!
Bara svona til að auka á niðurlægingu Stoke þá var þetta stærsti sigur Liverpool í útivelli frá upphafi og stærsti sigur í sögu deildarbikarkeppninnar.
Ef, ef og ef. Ef stoke hefði náð 2-0? Viltu benda mér á þessi tvö færi sem þeir áttu að skora úr. Stoke átti náttúrulega að komast yfir eftir mistökin hjá Arphexad og leikurinn hefði að öllum líkindum þróast öðruvísi en hann gerði EF thorne hefði skorað en eins og Liverpool spilaði í leiknum hefði Stoke mátt skora 3-4 mörk án þess að sigur Liverpool hefði nokkurn tíman verið í hættu.
Ég sá HNN einu sinni, held að það hafi verið fyrsti þátturinn, og ég verð nú bara að segja að leiðinlegri “skemmtiþátt” hef ég aldrei séð. Davíð Þór getur verið fyndinn en honum mistókst all svakalega í þessum þætti. Hvort þættirnir hafi eitthvað skánað eftir þetta get ég ekki sagt til um en út frá því sem ég sá fannst mér ekkert skrítið að HNN skyldi ekki vera tilnefndur til edduverðlauna!
Chelsea er nú að hugsa um að fá þá Rix og Wilkins aftur til sín eftir að leikmenn liðsins óskuðu eftir því að þeir yrðu áfram. Það er spurning hvort Ranieri sé að skapa sér einhverjar óvinsældir á brúnni?
Ég hugsa nú að hann hafi þurft að fá samþykki stjórnarinnar fyrir að reka þá. Annars er það ekkert óalgengt að nýjir stjórar vilji koma með sína eigin aðstoðarmenn og þar sem Chelsea er nú orðið þekkt fyrir að vera óþolinmóðir og vilja árangur strax þarf þetta nú ekkert að koma neitt voðalega á óvart.
Houllier ætti ekki að láta þessi orð útúr sér, hann drepur móralinn í liðinu. Ef ég man rétt sagði hann eitthvað svipað eftir slæman leik Liverpool í byrjun leiktíðar, ég man hvað ég varð fúl út í hann þá og ekki er ég minna fúll núna. Hann er góður þjálfari og á eftir að sanna sig en hann má ekki tala svona um liðið, Liverpool er lið sem á að stefna að titli á hverri einustu leiktíð.
Sammála, það ættu fleiri að birta sínar spár. Þær þurfa ekkert endilega að vera ítarlegar eða rökstuddar, það væri bara gaman að sjá hversu góða spádómsgáfu þið hafið. Hún getur varla verið verri en mín!
Ég verð nú að játa að ég hef aldrei heyrt um manninn, en ég skil hann vel að vilja fara ef hann var fyrirliði hjá Celta og er varamaður hjá Fenerbache. Hann er svo sem ekkert eini maðurinn sem vill fara frá Tyrklandi. Mario Jardel á víst að hafa grátbeðið Porto um að bjarga sér úr helvíti og kaupa sig aftur frá Galatasaray.
Yorke fer í þriggja leikja bann fyrir rauða spjaldið og verður því ekki með ManU þegar liðið mætir Liverpool 17. desember. Þar sem Andy Cole verður frá vegna meiðsla fram í janúar setur þetta Ferguson í smá vandræði sem hann líklega leysir með því að láta sheringham og solskjaer spila saman frammi. Þetta ætti líka að gera leikinn meira spennandi og vonandi tekst mínum mönnum nú loks að leggja ManU að velli.
Hey, þetta er mitt djobb! Nei annars þá er gaman að fleiri skuli vera farnir að birta sínar spár og þrátt fyrir miklar hrakfarir í spádómum hjá mér undanfarið (2 réttir af 10 í hvorri af síðustu tveimur umferðum) ætla ég samt að halda áfram. Chelsea 3-1 Man. City Chelsea hefur gengið ágætlega á heimavelli og hafa ekki tapað þar síðan 17. september(0-2 gegn Leicester). Chelsea hefur ekki unnið í síðustu 5 leikjum og ég held að nú sé kominn tími á sigur. City er búið að tapa tveimur útileikjum...
Það eru nú allar líkur á því að Sjolund fari til Liverpool og upprunalegi samningurinn þá látinn gilda, þ.e. West Ham kaupir Rigo Song fyrir 2,5 milljónir punda og Sjolund. Ef Sjolund vill ekki fara til Liverpool þá þarf West Ham að borga 1 milljón punda í viðbót fyrir Song, í heildina 3,5 milljónir punda!
Og svo er hann að reyna að halda því fram að þetta sé vegna kynþáttahaturs í Englandi. Ég veit ekki um aðra en mér finnst nú Vieira bara vera að kalla þessi bönn yfir sig sjálfur með grófum og óöguðum leik. Maðurinn er góður, það er enginn spurning, en hann þarf að hemja skap sitt.
Hermann er ekkert sá eini, það virðist bara loða við lið með íslendinga í aðalliði að falla að vori ef Guðni Bergs er undanskilin þegar hann spilaði með Tottenham.
Það vill enginn heimsklassa leikmaður fara til Chelsea. Þetta lið er uppfullt af sæmilegum og góðum leikmönnum en það er enginn heimsklassaleikmaður í liðinu.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
