Mjólkin streymdi úr könnunni ofan í bollann, og út í kaffið. Í fyrstu myndaði mjólkin flókin hvít mynstur á svörtum bakgrunni kaffisins, en smátt og smátt varð kaffið ljósara og armar mjólkurinnar urðu ógreinilegri þangað til landslagið í bollanum var orðið ljósbrúnt og sviplaust eins og andlitið sem starði á mig frá hinum enda borðsins. „Sæll, Magnús,“ sagði andlitið og hló. „Ég heiti ekki Magnús,“ sagði ég en andlitið hló bara. „Ég var líka bara að tala við sjálfan mig,“ sagði það. „Ég...

Dauðar kýr í köldum brauðum. kæfðar undir sósum rauðum Hugsa heim að fjósum auðum. Hrynja tár úr augum dauðum. Kindaslef og kattahár kalla flestir ullabjakk. Hafa þó heldur betra smakk en heitsaxaður kúanár.

Lífið er mér ljótur fjandi líkt og drykkur blandinn hlandi Stýrir fólki fávís andi fretar á það eldibrandi Vont er líf og vott er brauð Veik er sál og ill og blauð Eymsli í liðum og augun rauð Illa farin sál og dauð.