Útihlaup skulu ekki vera meiri en þú ræður við, best að byrja bara rólega. Um að gera að fara ekki hratt af stað.
Finndu þér góðan skokkhring (2-3 km fínt til að byrja með) og farðu rólega yfir fyrst. Betra er að venjast vegalengdinni fyrst áður en byrjað er að vinna í hraða. Eins þegar þú lengir svo hlaupin, minnka alltaf hraðann fyrst á meðan þú venst lengri hlaupum.
Hvort þú farir út að hlaupa einu sinni eða fjórum sinnum í viku er alveg þitt mál, samt gott að fara 2 í viku að jafnaði.

Armbeygjur og magaæfingar er gott að gera um 2-3 á dag (ef þú hefur agann í það).
Byrjar á því að gera 10 armbeygjur og 10 magaæfingar og endurtekur þrisvar í hvert skipti (semsagt 3*10 skipti).
Magaæfingunum getur þú svo skipt upp í venjulegar, þ.e. fremstu magavöðvarnir og svo tekið hliðarvöðvana.

En ég mæli líka með því að þú talir við leikfimikennarann þinn ef þú vilt betri leiðbeiningar, þar áttu að geta fengið betri upplýsingar t.d. um lengd útihlaupa :)

Sæll.

Ekki hlusta á þessa vitleysu, það er ekkert sem bendir til þess að lyftingar séu óhollar fyrir unglinga sem hafa ekki náð fullum þroska.

Þú veist væntanlega að ef þú ætlar að bíða eftir fullum þroska og fara svo að lyfta þá þarftu að bíða alveg fram yfir tvítugt?

Ég er ekki að segja að ég myndi henda 8 ára krakka beint í tækjasalinn til að fara að stunda lyftingar, á þeim aldri eru styrktaræfingar með eiginþyngd það sem ég myndi mæla með, ef krakkinn ætlaði á annað borð að styrkja sig (þess má samt geta að það eru til líkamsræktarstöðvar sérhannaðar fyrir börn, þar eru krakkarnir undir stöðugu eftirliti).

Númer eitt, tvö og þrjú fyrir þig er að gera þetta rétt. Ef þú dembir þér í ræktina og gerir æfingarnar vitlaust og þannig, þá ertu að bjóða hættunni heim, en það myndi líka gerast ef þú værir þrítugur, engin breyting þar á.

Ef þú virkilega vilt stækka, þá mæli ég eindregið með lyftingum, ekki hlusta á það að 14 ára sé of ungt, vegna þess að það er það ekki.

Samkvæmt lýsingunni sem þú gafst á þér, þá ert þú líklega “ectomorph” (grannur að eðlisfari, átt erfitt með að þyngjast), ég þekki það sjálfur, er í sömu sporum.

Þess vegna þarftu að passa extra vel upp á mataræðið, passaðu að þú borðir nóg af próteinríku fæði, það er jú úr próteininu sem þú smíðar vöðvana.

Þarft í rauninni að úða í þig mat (ekki misskilja mig, þú vilt hafa hann hollan), þeim mun betur sem þú stendur þig í því, þeim mun fyrr sérðu árangurinn.

Þess má geta að allar þær rannsóknir sem ég hef séð um aldur og lyftingar benda ekki til þess að það sé óhollt að byrja snemma, heldur þvert á móti mjög hollt.

Gangi þér sem allra best, kveðja. Birkir.