ef ég væri þú þá myndi ég fara í bónus eða krónuna eða einhverja svoleiðis búð og finna mér holla og tilbúna rétti sem þarf bara að hita í ofninum eða í örbylgjunni…
svo líka Dominos s.5812345 ;)

Hehe, ég er heldur ekki mikil eldamanneskja en það ætti að standa utan á hrísgrjónapökkum hvað þau eiga að sjóða lengi, veit ekki með eggin. Hef heyrt 8 mínútur, en þá verða þau líklega harðsoðin. Systir mín sér um þá deild… En ég er nýbúin að læra að elda spaghettí og hakk eða kjötbollur, stendur líka utan á spaghettípökkum hvað þau eiga að sjóða lengi. Það er lítið mál.
En ég mæli líka með Ning's, góðir hollusturéttir þar, mæli sérstaklega með eggja- og kjúklinganúðlunum. Kostar reyndar sitt þannig það er kannski ekki fyrir hvern dag…
Svo eru náttúrulega 1944 réttirnir sem þarf held ég bara að hita upp í örbylgju… Alltaf hægt að redda sér ;)

Egg- 7 Mínúrur linsoðinn, 10-15 harðsoðin.

Eggjabaka er einföld:

1. Hita pönnuna með olíu, þannig að hún verður alveg heit.
2. Hræra saman 3-4 egg. Bæta við kryddum, eins og salt, pipar og eitthvað season all stuff.
3. Hella eggjahrærunni á sjóðheita pönnuna.
4. Passa að láta hana ekki brenna við með því að fara með hnníf meðfram könntunum.
5. EKKI Snúa henni við.
6. Bíða þangað til að hún er tilbúin. Bæta kannski við smá olíu.

Og svo setja kannski lag af osti ofan á eða baunir eða beikon eða eitthvað…

Fylgið leiðbeiningunum. Þær virka Til þess eru þær gerðar. Ef farið er eftir leiðbeiningm þá mun maturinn koma vel út. Ekki fara að horfa á sjónvarpð meðan þú ert að elda! Þá mun eitthvað brenna!

Egg eru soðin í 3 mín. eftir að vatnið byrjar að sjóða ef þú vilt þau linsoðin, 5 mín. eða meira ef þú vilt harðsoðin.

Hrísgrjón þarf að sjóða í ca. 20 mín. nema þú sért með skyndihrísgrjón og þá stendur líka 5 mín. utan á pakkanum.

Þú getur búið til einfalda kássu á eftirfarandi hátt.

Settu vatn og pasta eða hrísgrjón í pott og kveiktu undir. Þú getur látið kartöflur með en best að skera þær í bita svo þær sjóði fljótar. Steiktu svo nautahakk á pönnu og potaðu í það með trésleif þar til allur vökvinn er farinn. Þegar það er tilbúið skaltu hella hakkinu útí pastapottinn og lítilli dós af tómatpasta líka. Svo er bara að hræra í draslinu og bæta við einhverju fleira sem þú finnur í ísskápnum, t.d. niðurskorinni papriku, lauk, gulrótum, hvítlauk, frosnu grænmeti, t.d. baunum eða öðru sem þér dettur í hug. Þegar draslið er orðið nógu soðið til að það sé orðin hæfilega þykk kássa, þá er það tilbúið. Þú getur bætt tómatsósu við líka.

Kartöflur taka ca. 20 mín. í suðu og þú getur byrjað með þær á fullum hita og lækkað svo niður í minnsta hita þegar byrjar að sjóða og sett lok á pottinn. Tékka svo bara á því að þær séu ennþá sjóðandi og hækkar ef þær eru að hætta. Potar svo í þær með beittum hníf til að finna hvort þær eru mjúkar í miðjunni.

Fiskur er ca. 5-10 mín. að sjóða og þú sérð að hann sé soðinn á því hann hættir að vera glær og fer að fljóta ofan á vatninu. Þú getur líka sett smjörlíki á pönnuna, velt fiskinum uppúr hveiti eða eggi fyrst og hveiti svo eða eggi fyrst og raspi svo og steikir hann við meðalhita.

Annars lærir maður bara af reynslunni. Það tilheyrir að malla eitthvað sem er ekki sérlega gott í fyrstu skiptin og þá gerir maður bara eitthvað annað næst. Svo er maður stundum rosa heppinn og eldar eitthvað þrælgott en nær aldrei að endurtaka það nákvæmlega eins.