Lotus hefur tilkynnt að stefnt sé að setja Elise á markað í Bandaríkjunum. Ég tel augljóst að nokkrar breytingar þurfi að vera gerðar á bílnum en Lotus hefur tilkynnt að bílar fyrir ameríkumarkað fái mýkri fjöðrun en þeir sem eru seldir í Evrópu. Líklegt þykir að notuð verði önnur vél en Rover K sem hefur verið í öllum Elise framleiddum hingað til. Vélin á að vera um 120hö og verður áreiðanlega notast við mótor sem þegar er á markaðinum vestra. Verðið á að verða $38.500 og mun sölu á Esprit, sem er eini bíll Lotus núna á Ameríkumarkaði, verða hætt.

Ég verð að segja að ég hef sjaldan séð betri þrennu en þá sem er á myndinni en hún er tekin af www.pistonheads.com þar sem fréttina er einnig að finna.

Jaguar XJ220 tekur smá stökk

Einn fallegasti smábíll fyrr og síðar, a.m.k. í þriggja dyra formi og enn fallegri í GTi útfærslu. Peugeot 205 GTi 1.9 var enn fallegri en 1.6 vegna glæsilegra 15" álfelgnanna sem pössuðu honum einstaklega. Mig langar ákaflega mikið í svona bíl í góðu standi og með vökvastýri. Og auðvitað verða að vera upprunalegar felgur líka! Minn má samt frekar vera rauður ;)

Rakst á þessa mynd þegar ég var að leita að upplýsingum um bíla knúna túrbínum. Á myndinni er verið að aka GM Firebird túrbínuknúnum tilrauna bíl um götur Detroit.

Þetta er hin nýja Mazda 6 sem mun koma í staðinn fyrir Mazda 626. Mazda er í óða önn við að gera ímynd sína meira spennandi og óneitanlega lítur þessi bíll út fyrir að vera meira spennandi en 626.

Citroën SM, stór GT bíll sem kom fyrst fram 1970 en á þeim tíma átti Citroën meirihluta í Maserati. SM var með V6 vél frá Maserati og allt raf- eða vökvaknúið eins og Citroën var lagið. Það má segja að viðhald hafi ekki verið einfalt mál í þessum framdrifna, hraðskreiða og glæsileg GT bíl sem var hætt að framleiða 1975 eftir að aðeins tæplega 13.000 eintök höfðu verið smíðuð.

Hraðinn Drepur!

VW ofurbíll. Knúinn af vél með 12 strokkum raðað í W til að gera vélina minni. Þetta eru í rauninni 2 VW VR6 vélar á einum sveifarási… Verð á að fera í kringum 10 millur í Þýskalandi.

Gleðileg Jól

Jólin á næsta leiti svo það er um að gera að vera jólalegur og hafa mynd af bíl með snjó í kring. Fiat Coupe er alltaf fallegur og ég væri alveg til í að fá þannig undir tréð mitt, verið bara ekki að minnast á að Chris Bangle hannaði hann ;)