Ungmennalið íslands bar sigurorð af Svíum í Keflavík í dag. Íslendingar voru heldur sterkari aðilinn og uppskáru eftir því. Það var Jóhannes Karl Guðjónsson sem skoraði eina mark leiksins en það var einkar glæisilegt beint úr aukaspyrnu.
Leeds United hefur boðið knattspyrnustjóra sínum, Íranum David O´Leary, nýjan sex ára samning sem færir honum rúman einn milljarð króna í hönd. Stjórnarmenn Leeds eru ánægðir með störf Írans síðan hann tók við liðinu á miðju tímabili fyrir rúmum tveimur árum og ætla þeir því að tryggja sér hann fyrir komandi ár. Sem kunnugt er mælti Alex Ferguson, knattspyrnustjóri Man. Utd, með O´Leary sem hugsanlegum eftirmanni sínum er stjóratíð hans með Englandsmeistarana rennur út. (visir.is)
Manchester United eru á höttunum á eftir einum efnilegasta leikmanni Frakklands, Philippe Mexes hjá Auxerre. Mexes, sem er 18 ára gamall varnarmaður, hefur vakið áhuga Alex Ferguson, knattspyrnustjóra ensku meistaranna, og er hann tilbúinn til að borga 350 milljónir fyrir Mexes. Auxerre vill þó ekki sleppa honum strax en lætur væntanlega undan ef rétt verð fæst fyrir kappann. (visir.is)
Skíðafólk hatar snjóbrettafólk og snjóbrettafólk hatar skíðafólk.. þetta kom fram á stjórnarfundi bláfjallasvæðisins að vísu ekki í þessum orðum en þetta var meiningin.. og þetta er líka rétt.. þeir þvælast fyrir hverjum öðrum og skíðafólk skemmir stökkpalla og endalaust er hægt að rífast út af þessu… en .. nú eru uppi hugmyndir um að gera sér svæði fyrir brettafólk á bláfjallasvæðinu þar sem skíðafólk fær ekki inngöngu er verið að tala um 2-3 lyftur til að byrja með og mun verða sérgjald...
var ekki samþykkt. Nafn markvarðar enska liðsins Sheffield Wednesday verður væntanlega skráð í heimsmetabækur eftir frammistöðu hans í leik gegn Wolves í dag. Leikur liðanna fór fram í 1. deildinni ensku og lauk með jafntefli, 1-1. En Kevin Pressman markvörður Wednesday varð að horfa á mestallan leikinn úr áhorfendastæðunum því hann var rekinn af velli eftir aðeins 13 sekúndna leik. Þá ákvað hann að hlaupa út úr vítateignum og verja skot frá Temuri Ketsbaia með höndum. Með þessu bætti...
Norbert Haug, íþróttastjóri Mercedes-Benz, sagði að sigur Mika Häkkinens í ungversku Formúlunni væri einn sá glæsilegasti á ferli hans. “Mika ók frábærlega. Sigur hans hefur kannski virst auðveldur en mín skoðun er sú að þetta hafi verið afrek að ná þessum frábæra árangri. Þetta var besti kappakstur sem Mika hefur ekið” sagði Haug.
Björgvin Sigurbergsson úr golfklúbbnum Keili varði í dag Íslandsmeistaratitil sinn á Landsmótinu í golfi á Akureyri. Björgvin lauk keppni laust eftir klukkan 19 í kvöld á pari vallarins eftir fjóra hringi, eða 72 holur. heimamaðurinn Ingvar Karl Hermannsson varð annar á þremur höggum fyrir pari. Þeir Ólafur Már Sigurðsson, GK, og Þorsteinn Hallgrímsson, GV, þurfa að leika umspil um þriðja sætið, því þeir voru jafnir á 5 höggum yfir pari.
Fylkismenn eru komnir í undanúrslit bikarkeppni karla eftir 2:0-sigur á Blikum í Kópavogi. Leikur liðanna var markalaus lengst af og komu bæði mörk Fylkis á síðustu 15 mínútum leiksins. Fyrst skoraði Kristinn Tómasson á 76. mínútu og síðan gulltryggði Gylfi Einarsson Fylkis sigurinn á síðustu mínútunni. Tveir leikir fara fram í átta liða úrslitum á morgun og einn á mánudaginn.
Björgvin Sigurbergsson, GK, hefur forystu í meistaraflokki karla að loknum þriðja keppnisdegi á Landsmótinu í goli sem nú stendur yfir á Akureyri. Björgvin, sem er núverandi Íslandsmeistari, hefur þriggja högga forystu á Harald H. Heimisson sem er í öðru sæti. Keppni lýkur á morgun, sunnudag.
Keppni er langt komin í meistaraflokkum á þriðja keppnisdegi Landsmótsins í golfi sem fram fer á Akureyri. Íslandsmeistarinn Björgvin Sigurbergsson heldur enn forystu í karlaflokki og Kristín Elsa Erlendsdóttir er sem fyrr efst í kvennaflokki.
Svokallaðir Mærudagar eru haldnir nú um helgina í Húsavík. Þar er margt til gamans gert, m.a. fór fram dorgveiðikeppni í morgun. Á myndinni, sem Hafþór Hreiðarsson tók, sjást systkinin Ólafur og Þóra Kristín ásamt Birgi vini sínum með vænan fisk úr sjó.
Hann lengist listinn yfir fræga fólkið að utan sem kemur hingað til lands í ýmsum erindagjörðum. Nú síðast var hér staddur Mick Hucknall, söngvari hljómsveitarinnar Simply Red, ásamt Chris DeMargary, saxófónleikara sveitarinnar og voru þeir að veiðum í Laxá í Kjós í þrjá daga. Luku þeir veiðum á hádegi á þriðjudaginn og höfðu sex laxa upp úr krafsinu. “Mick var hæstánægður. Ég held að hann hafi varla vitað hvað veiðistöng var áður en hann kom hingað, en samt veiddi hann flesta laxa þeirra...
Eystri Rangá er í þann mund að taka forystusætið sem Norðurá hefur haldið í allt sumar. Nú undir lok vikunnar voru báðar komnar með vel á fjórtánda hundrað laxa, en miðað við gang mála, aðeins tímaspursmál hvenær Rangáin sígur fram úr, ef hún hefur ekki þegar gert það, enda hefur veiðiskapur þar gengið afar vel að undanförnu á sama tíma og Norðurá hefur dalað.
Ottó Sigurðsson úr GKG hefur þriggja högga forystu eftir fyrsta hring í meistaraflokki karla á Landsmótinu í golfi, sem fram fer á Jaðarsvelli á Akureyri. Hann lék á 67 höggum í dag, fjórum höggum undir pari, og jafnaði vallarmetið. Björgvin Sigurbergsson, Íslandsmeistari frá því í fyrra, er í öðru til þriðja sæti ásamt Ingvari Karli Hermannssyni á 70 höggum.
Logi Ólafsson, landsliðsþjálfari A-landsliðs kvenna, hefur valið 20 manna hóp fyrir leikina gegn Þýskalandi og Úkraínu í Evrópukeppninni sem fram fara 17. og 22. ágúst. Fyrri leikurinn er gegn Þjóðverjum á Kópavogsvelli en sá síðari gegn Úkraínu á Laugardalsvelli.
Sautján ára leikmaður unglingaliðs enska úrvalsdeildarfélagsins Charlton Athletic drukknaði í æfingubúðum á Englandi í gær. Liðsmenn unglingaliðsins voru við þrekæfingar í aðstöðu breska hersins í Aldershot þegar slysið varð. Lögregla á staðnum hóf þegar í stað rannsókn á tildrögum slyssins.
Skotinn Colin Montgomerie hóf keppni á breska Masters-mótinu í golfi með glæsibrag í dag. Hann lék fyrsta hringinn á 64 höggum, eða átta höggum undir pari vallarins, en Mark McNulty, sem einnig lék frábærlega í dag, var annar á 65 höggum. Vallarmetið á Woburn vellinum er 63 högg og hjó Montgomerie því afar nálægt því.
Íslenska kvennalandsliðið í körfuknattleik tapaði fyrsta leik sínum 44-80 fyrir Finnum á Norðurlandamótinu í körfubolta sem fram fer í Björgvin í Noregi. Úrslitin gefa reyndar ekki alveg rétta mynd af leiknum og til að mynda var staðan í hálfleik 26-34 Finnum í vil. Það var hins vegar síðasti fjórðungurinn sem helst gerði þennan mun en þar gekk íslensku stúlkunum frekar illa.
Eyjamenn lutu í kvöld lægra haldi fyrir fyrir skoska liðinu Hearts í fyrri leik liðanna í Evrópukeppni félgslið. Gestirnir skoruðu tvö mörk gegn engu marki ÍBV á Laugardalsvellinum. Eyjamenn áttu lítið í leiknum og virtust hálf tregir við að taka á Skotunum sem unnu nánast hvert einasta návígi. Fyrri hálfleikur var markalaus en snemma í síðari hálfleik komust gestirnir yfir með góðu skallamarki Scott Severin. Eftir það var nokkuð ljóst hvort liðið myndi bera sigur úr býtum og Darren Jackson...
Electronic Arts Inc.,stærsta tölvuleikjafyrirtæki í heimi, hefur öðlast réttinn til að þróa, gefa út og dreifa tölvuleikjum byggða á bókunum vinsælu um Harry Potter. Fyrirtækið ætlar sér að gefa út leiki byggða á öllum þeim fjórum Harry Potter bókum sem gefnar hafa verið út, auk þess sem kvikmynd verður gerð og jafnvel framhaldsmyndir af henni.
Í sumar lítur út fyrir að Íslendingar ætli að fylgja tískustraumum erlendis frá og taki upp hlaupahjólreiðar. Að hlaupa á hjóli er vinsæll ferðamáti í stórborgum Evrópu og Bandaríkunum og ekki að furða þar sem hjólið er áberandi einfalt í notkun. Hjólin koma í öllum stærðum og gerðum og hægt er að fá þau með eða án mótors. Eðlilega er meiri hreyfing í að spyrna sér á hjólinu en mótordrifin hlaupahjól eru girndarlega ákjósanleg …
Birgir Leifur Hafþórsson, atvinnumaður í golfi, lék í dag á tveimur höggum undir pari á móti í bresku mótaröðinni sem fram fer í Dublin. Þetta var annar hringurinn en í gær lék hann á tveimur yfir pari í erfiðum aðstæðum en mjög hvasst var meðan leikið var. Birgir Leifur er því á pari og var hann í öðru sæti af þeim sem lokið höfðu keppni í dag en um helmingur átti enn eftir að klára. Hann fékk sex fugla á holunum átján en var óheppinn á nokkrum holum og fékk fjóra skolla.
Birgir Leifur Hafþórsson, atvinnumaður í golfi, lék í dag á tveimur höggum undir pari á móti í bresku mótaröðinni sem fram fer í Dublin. Þetta var annar hringurinn en í gær lék hann á tveimur yfir pari í erfiðum aðstæðum en mjög hvasst var meðan leikið var. Birgir Leifur er því á pari og var hann í öðru sæti af þeim sem lokið höfðu keppni í dag en um helmingur átti enn eftir að klára. Hann fékk sex fugla á holunum átján en var óheppinn á nokkrum holum og fékk fjóra skolla.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
