Ég kann íslensku, ensku og dönsku frekar vel.
Er stúdent í þýsku, og er að læra ítölsku. Ég hef tekið einn áfanga í spænsku, en skil hana aðallega af því að ég skil ítölsku. Ég hef tekið 2 áfanga í frönsku en get nú varla bjargað mér á henni.
Ég hef þurft að bjarga mér á norsku og tekist það ágætlega.

íslensku, ensku og sænsku reiprennandi.

Nr. 1 er íslenskan að sjálfsögðu og er þokkalega góður í henni miðað við marga jafnaldra hef ég tekið eftir.

Nr. 2 er enskan og er þokkalega góður í henni, skil oft flókna texta og þess háttar en ég er kannski ekkert frekar góður í tala hana bara allt í einu upp úr þurru.

Nr. 3 er danskan og ég er svona ágætur í henni, get reddað mér á henni ef ég þarf að tjá mig en er betri í að lesa hana.

Nr. 4 er þýskan (elska hana), þetta yndislega tungumál, búinn að vera læra hana síðan í 9. bekk sem valfag (er núna að byrja í 2. bekk í menntaskóla. Get reddað mér kannski með einfalda hluti og búið til einfaldar setningar og skilið þær.

Nr. 5 er rússneska (elska hana) en ég hef verið að “stúdera” hana í dálítinn tíma, kann allt stafrófið en ekki í réttri röð samt, get skilið einstaka orð og mjög einfaldar setningar.

Ég byrja í frönskunni á næstu önn (hlakka reyndar ekki mikið til þess) og svo þökk sé kunnáttu minni í íslensku og dönsku get ég reddað mér á Norðurlöndum, með þýskunni og enskunni get ég rétt krafsað mér í gegnum skrifaða hollensku og þökk sé rússneskunni þá skil ég sumt í úkraínsku, Hvít-rússnesku, búlgörsku og fleiri slavneskum tungumálum.

Bætt við 6. ágúst 2007 - 01:52
Já og þökk sé því að ég kann kýrillíska stafrófið sem rússneska er skrifuð með þá get ég lesið ýmsa stafi í grísku. Svo kann ég að lesa heila tvo eða þrjá stafi í arabísku og kann að skrifa “Bandaríkin” á kínversku :)

Ég er líka frekar fljót að pikka upp tungumál. Skipti nærri því úr dönsku í norsku á viku í sumar.

Ég hef lært 4 tungumál um æfina, íslensku, ensku, dönsku og frönsku, en er hætt í öllu nema íslensku og frönsku (og tek bara frönsku á næstu önn) Ég tala auðvitað íslensku. (Og það yfirleitt alveg ágæta íslensku, held ég. Allavega ef ég vanda mig). Svo er það enskan, sem ég er alveg ágæt í. Ég tala hana ekki beint reiprennandi af því ég hika svo mikið (geri það reyndar aðeins í íslensku líka, það er bara ég) en ég skrifa hana reiprennandi og skil nánast jafn vel og íslensku (svo fremi sem það er ekki Þjóðverji sem talar).

Dönskuna skil ég auðveldlega og tala aðeins, en það er að týnast úr henni það sem ég kann í hinum norðurlandatungumálunum. Ég skil líka norsku og sænsku jafn vel. Það er samt þannig í öllum þrem tungumálunum að ég skil sumar mállýskur vel en aðrar alls ekki. En norsku og sænsku get ég ekki skrifað almennilega því ég kann ekki stafsetninguna. Reyndar blanda ég öllum saman svo ég kann varla neitt af þeim en eitthvað í öllum.

Ég get gert mig skiljanlega skriflega á frönsku og sömuleiðis skilið skriflega. En ég get nánast ekki talað neitt og skil bara ef manneskjan talar hægt (og það hefur bara gert einu sinni eftir margar tilraunir á frönskum túristum).

Önnur tungumál sem ég gæti klórað mig fram úr eru t.d. þýska, hollenska og færeyska. Semsagt, ég gæti lesið túristabækling og skilið hvar hótelið mitt væri, eða sirka það. Ég hef samt aldrei lært neitt af þessu, nota bara grunn úr öðrum tungumálum.

Síðast en ekki síst (eða kannski síst) kann ég að tjá tilfinningar mínar á dramatískan hátt á ítölsku - Ég kann tónfræði-ítölsku. “Appassionato e doloroso ma non troppo”.

Annað sem ég kann eru eitt og eitt orð í ýmsum tungumálum sem ég hef lært hér og þar, aðallega góðan daginn, takk og fleygar setningar.

Vá, þetta er orðin heil ritgerð … Ég ætti kannski bara að fara að sofa :P

Ég er búin með fimm áfanga í ensku, fjóra í þýsku, þrjá í dönsku og tvo í frönsku.

Á eftir 3-4 áfanga í ensku til viðbótar, tvo í þýsku og tvo í frönsku ef allt fer samkvæmt áætlun. Sem betur fer er danskan búin.

Búinn með 9 áfanga í frönsku, einn í þýsku og svo er ég fínn í enskunni. Hef einnig lokið þriðja stigs Japanese Language Proficiency Test.

Ég tala íslensku best og svo er það enskan, en þetta eru einu tungumálin sem ég get notað eitthvað af ráði.

Síðan er það bara danskan og næstu tungumál þar í kring. Þar skil ég eitthvað sem ég les,
en get ekki sagt neitt merkilegra en “Hvað heitir þú?” og þess háttar. Hef lítinn áhuga á þessum málum.

Síðan er ég að læra spænsku í skólanum, og finnst hún nokkuð áhugaverð.
Gengur ágætlega þar, en ég get nú ekki sagt neitt mjög mikið enn.

Og svo verð ég að nefna japönskuna, en á henni hef ég mjööög mikinn áhuga.

Ég hugsa örugglega ekki sjaldnar en 12 sinnum á dag um hana, og á það til að pirra systkini mín þegar ég hugsa upphátt:
“Þetta orð er svipað þessu, svona er hægt í japönsku, táknið fyrir þetta orð þýðir þetta og þetta, er það ekki sniðugt” og eitthvað í þá átt.

En mér finnst mjög gaman að skrifa, og hef búið til ófá “skrif-dulmál”, og því finnst mér extra skemmtilegt að skrifa á japönsku..


Mér finnst kínverska þannig líka vera mjög flott, en er aðeins hrædd við þau tungumál vegna tóna og þannig. En væri til í að prufa samt.

ég tala reiprennandi ensku og íslensku og get skrifað og lesið það mjög auðveldlega.

Svo er ég búin að vera að læra dönsku í skólanum og get talað en ég er ekki viss um hve skiljanlegt það er get lesið og skrifað betur

svo er ég búin að vera að grufla í japönsku ég er ekkert langt komin get talað og skilið einfaldar setningar ég kann að telja uppí milljón, hef samt ekki gert það hehe og kann eitt og eitt orð og kurteisisorð og nokkur nafnorð og eitthvað fleira smotterí ^^

er í enskumælandi skóla þannig að 1sta sætið fær íslenska og enska. ég hef tekið eftir því að ég er betri í ensku þegar ég er þar sem ég bý en þegar ég fer svo til íslands verð ég betri í íslensku :p

annað sætið fær síðan franskan

Ég get náttúrulega talað íslensku. Svo get ég talað dönsku og ensku reiprennandi og get aðeins bjargað mér í spænsku.

Nr.1 islenska

Nr.2 enska

Nr.3 sænska

1 - Íslenska, að fara að byrja í 303
2. Enska ——- 303
3. Danska ——- 303
4. Franska ——-303
5. Þýska ———203

Og svo er ég að fara að byrja í spænsku næstu önn.

Svo er ég búin að vera að læra pólsku, búin að hafa 4 “kennara” í gegnum tíðina.

Íslenska er auðvitað aðalmálið mitt
Enskuna tala ég nánast reiprennandi
Ég skil Dönsku, norsku og sænsku og get örlítið talað þau mál
Kann að redda mér á þýsku og spænsku
Nýbyrjaður að læra slóvensku
Nokkur einföld atriði í japönsku
Hef lesið latínu mér til gamans og reynt að þýða.

Kann svo stök orð og setningar á fullt af tungumálum

Hef lært:
Íslensku (móðurmál)
Ensku (tala hana líklega jafn reiprennandi og hægt er án þess að hafa lært hana í háskóla eða búið í enskumælandi landi, sem ég mun gera næstu 3 ár)
Frönsku (tók væntanlega sömu 9 áfanga og Vilhelm hérna að ofan, alla sem boðið er uppá í MH - get líklega reddað mér á frönsku þó ég sé hægt og rólega að ryðga)
Dönsku (skil hana ágætlega en get varla talað hana)
Rússnesku (tók 103 í MH, sem ‘koveraði’ grunnatriðin nokkuð vel, en ekki nógu vel til að geta talað hana að ráði eða lesið eitthvað meira en einfaldar setningar)
Finnsku (tók kvöldnámskeið í henni í Norræna Félaginu, heh. Man bara einföldustu frasana.)

Íslensku og ensku tala ég reiprennandi.
Útskrifuð í dönsku, en er samt búin að gleyma miklu af henni, enda orðin 3 ár síðan ég kláraði hana :)
Kláraði 8 áfanga í þýsku en kann ekkert í henni nema bara allra helstu grunnatriðin, enda finnst mér þetta leiðinlegasta og ljótasta tungumál í heimi :)
Kláraði 5 áfanga í frönsku, tala hana og skrifa ágætlega en vildi að ég gæti talað hana reiprennandi. Er að spá í að fara í frönskunámskeið í haust, elska þetta tungumál :D

1. Ég kann náttúrulega íslenskuna best þar sem hún er mitt móðurmál :)

2. Ég kann ensku mjög vel og get talað hana næstum reiprennandi en mig langar til að læra hana fullkomlega :)

3. Ég er orðin stúdent í dönsku fékk alltaf 8,0 -8,5 á prófunum en svo þegar ég á að fara að tala dönsku við dani get ég varla neitt :P

4. Núna er ég að læra frönsku og er búin með tvo áfanga. Mig langar líka til að tala hana reiprennandi..en ég verð nú örugglega að fara til Frakkalands til þess :P

1 íslenska
2 danska
3 enska
4 sænska
5 norska
6 þýska

kann síðan smá Jaðönsku og pínku Kóresku