ég get ómögulega drukkið mjólk. Það eru uppi kenningar um að það sé fitusprengingunni að kenna, en ég bíð sjálfsagt frekar eftir erfðbreyttum léttmjólkurmjólkandi-kúm frekar en að reyna venja mig við sojakrappið.

Þú segir “að segja að ég sé fordómafullur og fljótfær segir meira um þig en um mig.” Ég held að hvorugt af þessu geti talist uppnefni og hvorugt kemur hugsunarlaust frá mér. Ég get rakið ástæður þess fyrst þú skilur ekki hvað ég á við. Ef ég hefði hins vegar notað uppnefni eða harðgerar ávítanir hefði ég skrifað undir fullyrðingu þína. Segjum að ég hefði t.d. sagt við þig að þú værir með “lokaðan huga” eða að þú værir “órökvís í eðli” þínu. Segjum að ég myndi nú ganga enn lengra og segja að þú byggir yfir “ægilegri náttúru” og værir “hrokafullur”, með þeim afleiðingum að þú “gætir ekki haft samskipti við fólk án þess að það hati” þig. Göngum nú enn lengra og segjum að ég hefði bara einfaldlega skrifað “skoðun þín er ekki marktæk”. Sú fullyrðing og fyrrnefndar hefðu aldeilis sagt meira um mig en þig, því er ég sammála. Athyglisvert að allt það sem ég var að skrifa innan gæsalappa er eitthvað sem þú hefur skrifað til mín, en berð jafnframt fyrir þig að það segi meira um mína ægilegu náttúru en þig þegar ég kalla þig fljótfæran og bendi á augljósa fordóma þína. Hvernig? Lítum á:

Þegar þú skrifar “Ég hef ekkert á móti spilinu sjálfu, heldur spilurum þess”, get ég varla annað en glott út í annað og hrist hausinn. Ég hef heldur ekkert á móti kynþáttahatri, ég er bara á móti þeim sem eru kynþáttahatarar.

Þú viðurkennir fordóma þína með því að skrifa “Brennt barn forðast eldinn. Í þessu tilfelli er eldurinn spilarar kerfisins. Og í raun forðast ég þá ekki, ég er bara tortrygginn gagnvart þeim.”
Þú heimfærir reynslu þína af spilurum kerfisins upp á alla spilara kerfisins - skólabókardæmi um fordóma! Hvernig segir það meira um mig en þig þegar ég umorða það sem öllum sem þetta lesa er fulljóst?

Að lokum viðurkennirðu fljótfærni þína þegar þú segir “Þessi viðbrögð hafa greinilega líka vanist þegar kemur að Kurdori. Ég bjóst ekki við öðru af honum en leiðindum og svaraði á sama máta.” Þarna er fljótfærni í bland við fordóma (þú heimfærir skrif mín upp á öll skrif mín) augljós. Þú skrifar að þú búist ekki við öðru en leiðindum frá mér og svarir þess vegna með leiðindum. Umorðun: ég hefði getað skrifað hvað sem er og þú hefðir samt svarað með leiðindum. Sem sagt hefðirðu hugsunarlaust (lesist: í fljótfærni) svarað með leiðindum samkvæmt því sem þú sjálfur segir. Hvað segir þetta um þig? Örlítið meira en um mig, ef til vill?

Þú, AtliM, ert greinilega ekki mjög kunnugur íslenskum málsháttum og því hvet ég þig eindregið til að leita þér að málshætti sem snýst um flís í auga náungans og bjálka í auga sjálfs síns. Þú gætir lært eitthvað af honum.

Já, við vorum meira að hugsa um hvernig persónu við vildum spila og undir hvaða guði. Við vissum vel að það yrðu vandamál (trapfinding, disable device, open lock, arcane spells, etc., etc.) en það skiptir bara engu máli. Við ætluðum okkur alls ekki að yfirstíga öll möguleg vandamál með einhverjum ofur-character builds, bara búa til flottar persónur sem okkur langaði að spila.