sigzi fyrir 21 árum, 1 mánuði Fjöldi lestra: 931

Óskarinn 2003

Þá er 75. Óskarsverðlaunahátíðinni lokið og verð ég að segja að álit mitt á Akademíunni hækkaði örlítið við nokkrar afhendingar, sérstaklega þegar þeir ákvaðu að verðlauna Roman Polanski sem besta leikstjóra en fara ekki auðveldu leiðina og velja Rob Marshall sem besta leikstjóra. Þó fannst mér þeir ekki standa sig með að velja Chicago sem bestu myndina. Að venju fór snillingurinn Steve Martin á kostum og dró fram hvern snilldarbrandarann á eftir öðrum og fékk salinn til að öskra úr hlátri. Óskarinn var með frekar litlausum skreytingum núna vegna stríðsins í Írak en sumir voru þó ekki að draga athyglina af stríðinu. Michael Moore sem vann fyrir heimildarmynd sína, Bowling for Columbine, skammaði George Bush forseta stríðsins og mótmælti harðlega í hressilegri þakkarræðu.

Nokkrir óvæntir Óskarar urðu en enginn þeirra var örugglega jafn óvæntur og þegar enginn annar en Eminem sjálfur fékk styttuna fyrir besta lagið! En maðurinn neitaði að mæta á hátíðina af stríðsástæðum. Margir voru búnir að veðja á Jack Nicholson eða Daniel Day-Lewis sem besta leikara en Adrian Brody fékk styttuna fyrir hlutverk sitt í The Pianist. Skemmtilegt þegar átti að fara þagga niður í honum með hljómsveitinni en þá skipaði Adrian hljómsveitinni að þegja og hélt áfram að tala og hélt þónokkuð langa ræðu. Önnur óvænt verðlaun var þegar Pedró Almodóvar fékk Óskarinn fyrir besta handritið. Svo í lokin þá var Peter O’Toole heiðraður með Heiðursóskarnum. Svo sýndist mér hann hafa fengið sér í glas fyrir hátíðina?

Svona til að fara fljótt yfir þetta þá eru helstu tölur hérna..

Chicago – 6 styttur
Lord of the Rings – 2 styttur
The Pianist – 2 styttur
Frida – 2 styttur
Adaptation – 1 stytta
The Hours – 1 stytta
Gangs of New York – engin stytta

En hérna eru niðurstöður kvöldsins…

Besta myndin
- Chicago

Besti leikstjóri
- Roman Polanski, The Pianist

Besti leikari í aðalhlutverki
- Adrian Brody, The Pianist

Besta leikkona í aðalhlutverki
- Nicole Kidman, The Hours

Besti leikari í aukahlutverki
- Chris Cooper, Adapatation

Besta leikkona í aukahlutverki
- Catherine Zeta-Jones, Chicago

Besta frumsamda handritið
- Talk to Her, Pedró Almodóvar

Besta handritið, áður útgefið
- Ronald Harwood, The Pianist

Besta kvikmyndatakan
- Road to Perdition, Conrad L. Hall

Besta listræna stjórnunin
- Chicago; John Myhre og Gord Sim

Bestu búningarnar
- Chicago, Colleen Atwood

Besta förðunin
- Frida; John Jackson og Beatrice De Alba

Bestu tæknibrellurnar
- The Lord of the Rings: The Two Towers; Jim Rygiel, Joe Letteri, Randall William Cook og Alex Funke

Besta heimildarmyndin
- Bowling For Columbine, Michael Moore

Besta stuttmyndin
- This Charming Man; Martin Strange-Hansen og Mie Andreasen

Besta stutta heimildarmyndin
- Twin Towers; Bill Guttentag og Robert David Port

Besta klippingin
- Chicago, Martin Walsh

Besta erlenda myndin
- Nowhere In Africa frá Þýskalandi

Besta tónlistin
- Frida, Elliot Goldenthal

Besta lagið
- “Lose Yourself”, Eminem í 8 Mile

Besta teiknimyndin
- Spirited Away, Hayao Miyazaki

Besta stutta teiknimyndin
- The ChubChubs!, Eric Armstrong

Besta hljóðið
- Chicago, Michael Minkler, Dominick Tavella og David Lee

Besta hljóðklippingin
- The Lord of the Rings: The Two Towers; Ethan Van der Ryn og Michael Hopkins

stebbifr fyrir 21 árum, 1 mánuði

Sæll sigzi

Fín úttekt hjá þér á Óskarnum, sammála þér að flestu leyti. Spennandi hátíð og mörg óvænt úrslit, gaman að þessu.

kv. stebbif

Fyrra álit

johnMclane fyrir 21 árum, 1 mánuði

Mjög ánægður með að Polasnki hafi unnið fyrir leikstjórn.

Kom mér á óvart að Adrian Brody hafi unnið fyrir besta leik, þó hann hafi átt þá verðlaun skilið og sýndi hann magnaðan leik. Ég átti vona á að Daniel-Day Lewis myndi vinna.

En ég lélegur að hafa sofnað milli 4 og 5, svekkjandi.

Fyrra álit

noribesti fyrir 21 árum, 1 mánuði

Þú skrifar að “The Pianist” hafi fengið 2. styttur fékk hún ekki þrjár? fyrir Besti leikstjóri, Besti leikari í aðalhlutverki og Besta handritið, áður útgefið?

kv. Arnór

Fyrra álit

Finisboy fyrir 21 árum, 1 mánuði

Þessi Óskarsverðlaun eru mesta helvítis bull og vitleysa. Lord of the Rings: The Two Towers átti miklu meira skilið en þessa 2 titla sem hún fékk. Bara vegna þess að hún er ekki framleidd í Hollywood þá fær hún ekki það sem hún á skilið.

Fyrra álit

DoktorPer fyrir 21 árum, 1 mánuði

Sammála þér að sumu leiti, en Two Towers var ekki besta mynd ársins, myndin var mögnuð og allt, en skyldi alveg voðalega lítið eftir. Ánægður með Pianistann, ein besta mynd sem ég hef séð í langan tíma.

Fyrra álit

johnMclane fyrir 21 árum, 1 mánuði

Two Tower fannst mér ekki jafn góð og sú fyrri.

Varð bara nokkuð ánægður með hátiðina.

Fyrra álit

temsi fyrir 21 árum, 1 mánuði

LOTR TTT átti skilið fleiri tilnefningar, en það hefur ekkert með “ekki Hollywood” að gera.
The Pianist hlaut verðlaun fyrir leikstjórn, handrit og aðalleikara, en var framleidd í frakklandi og póllandi.

Undirskriftir með öðru en nafninu manns eru hallærislegar.

Fyrra álit

nedrud fyrir 21 árum, 1 mánuði

Two Towers er einfaldlega ekki nógu góð mynd til að slá The Pianist út. En Chicago er verri Two Towers.

Fyrra álit

Kreoli fyrir 21 árum, 1 mánuði

TTT á ekki skilið meira en The Pianist þannig að 2 verðlaun fyrir hana er fínt.

Fyrra álit

temsi fyrir 21 árum, 1 mánuði

Þetta var mjög flottur Óskar. Michael Moore sagði margt mun betra baksviðs en á sviðinu (og ég er líka 100% sammála honum).

Smá leiðrétting, Pianist hlaut þrjár styttur, ekki tvær.

Adrien Brody flutti bestu ræðu kvöldsins að mínu mati. Og smá trivia með hann… hann er núna yngsti maðurinn til að vinna Best Actor og slær þar með út Richard Dreyfuss sem var nýlega orðinn þrítugur þegar hann vann fyrir The Goodbye Girl fyrir 25 árum. Það hefur heldur aldrei gerst fyrr í þessum flokki að nýliði, sem er tilnefndur á móti 4 óskarsverðlaunahöfum, vinnur.

En það var virkilega gaman að sjá Roman Polanski vinna. Ég talaði um það hérna á huga í annarri umræðu, að konan sem hann nauðgaði hefur verið einn hans harðasti stuðningsmaður síðustu vikur og finnst mér hreinlega að hann eigi að senda henni eitthvað í þakklætisskyni. Hún skrifaði grein í Los Angeles Times og kom líka fram hjá Larry King. Hún sagði að hún hefði fyrirgefið honum og bað almenning um að gera það líka.

Eins var gaman að sjá Nicole Kidman vinna.. Vel að því komin.

Þetta var annars fínasti Óskar, er ánægður með flest og sáttur við rest. Ekki ein verðlaun sem ég er ósáttur við, sem er afrek útaf fyrir sig.

Og svona í lokin… móment kvöldsins: Adrien Brody kyssti Halle Berry vel og lengi þegar hann tók við styttunni og sagði svo baksviðs “you don't get that opportunity often, and I just went for it”. Nýr A-lista maður á ferðinni hér.

Undirskriftir með öðru en nafninu manns eru hallærislegar.

Fyrra álit

stebbifr fyrir 21 árum, 1 mánuði

Sæll temsi

Já, Adrien Brody tók Halle Berry í vænan sleik. Minnti á þegar Al Gore sleikti kellu sína á flokksþingi demókratanna 2000. Flott hjá Brody, ekta gæi þarna á ferð!

kv. stebbif

Fyrra álit

Limer fyrir 21 árum, 1 mánuði

fúll yfir því að chicago vann.

Fyrra álit

glodari fyrir 21 árum, 1 mánuði

frábært að Polanski hafi unnið !

annars finnst mér fúlt að Chicago hafi unnið óskarinn fyrir bestu mynd, mér finnst að The Pianist átti að fá verðlaun fyrir það…

Fyrra álit

larandaria fyrir 21 árum, 1 mánuði

Ég ætla ekki að tjá mig um aðalleikara verðlaunin og það þar sem ég hef ekki séð þær myndir ennþá…

en mér finnst æðislegt að Spirited Away eftir Hayao Miyazaki hafi unnið bestu teiknimyndina!! Ég er örugglega ein af þeim fáu sem er actually búin að sjá þessa mynd… hún er ótrúlega góð. Ég á hana og þetta er bara ein flottasta teiknimynd sem ég hef nokkurn tíma séð!!

Hún er ótrúlega vel teiknuð, sagan er virkilega spennandi og alls ekki barnamynd út í gegn.

Klapp klapp fyrir Hayao Miyazaki! =)

Daddy, don't ever die on a friday! It can seriously damage your health!

Fyrra álit

Vilhelm fyrir 21 árum, 1 mánuði

Jamm, Spirited Away er hreint út sagt æðisleg mynd, örugglega ein af fáum sem ég get horft á aftur og aftur og aftur og aftur. Án efa mín uppáhalds Miyazaki mynd, þótt myndir á borð við Princess Mononoke, Castle in the Sky og Castle of Cagliostro séu litlu síðri.

Annars vil ég hrósa mogganum fyrir að skrifa Japanska nafn myndarinnar (Sen to Chihiro no Kamikakushi) í listann yfir tilnefningar, sem mér þykir mun flottara heldur en þýddi titillinn.

Fyrra álit

Daredevil fyrir 21 árum, 1 mánuði

Góð grein, vildi samt að Harrison Ford hefði verið í einhverri mynd á þessari ári og þá kannski unnið verðlaun sem besti leikarinn.

http://s65.yousendit.com/d.aspx?id=38Q2J0ZL7C0U301GU2JMHMX2EN

Fyrra álit

Kexi fyrir 21 árum, 1 mánuði

Kannski verður Indiana Jones 4 tilnefnd til einhverra verðlauna =) Maður veit aldrei…

_________________________________________________

Fyrra álit

Reefah fyrir 21 árum, 1 mánuði

Harrison Ford er prump

Fyrra álit

nonninn fyrir 21 árum

Ég get voða lítið dæmt um þetta allt þar sem ég hef ekki séð allar þessar myndir. Ég var samt ánægður með Michael Moore og ef þið viljið heyra hvað hann sagði baksviðs á fréttamannafundinum þá getið þið skoðað það á www.oscar.com. Steve Martin var frábær, ég vona að þeir banni Whoopi Goldberg að kynna þessa hátíð aftur.

Fyrra álit

xark fyrir 21 árum

jájá, þurfti ekki bara að cutta ræðu Michael Moore í endursýningunni ! Helt fyrst að eg hefði bara misst af því en nei, kemur svo ekki fram í dv eða frettablaðinu einmitt það að það var buið að klippa ræðuna í burtu og það var bara sagt að myndin vann sem heimildamynd.

Fyrra álit

Kvikmyndir

Kvikmyndir

Ofurhugar

Stjórnendur

Hverjir eru inni

Greinar

Óskarinn 2003

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi