Ef þú ert ekki í neinu formi þá myndi ég nú byrja á því að koma mér í form, no. 1 2 og 3. Þú færð sennilega ekki mikið út úr því að byrja að lyfta á fullu ef þú ert ekki í almennilegu formi fyrir, og þá meina ég aðallega hvað úthald varðar.

Ég stórefast um að þú sjáir mikinn mun eftir einn eða tvo mánuði, ef þú verður orðinn nokkuð stærri en þú ert fyrir þá er líklegt að stækkunin sé að hluta til vegna mjólkursýru í vöðvunum.

Þar sem þú spyrð mikið, þá reikna ég með að þú sért lítið inni í þessum málum. Þess vegna gæti borgað sig fyrir þig að fá þér einkaþjálfara í einhvern tíma til þess að fá rétta tilsögn frá upphafi, sparar þér heilmikinn tíma, fé og fyrirhöfn. Einkaþjálfari á að geta leiðbeynt þér hvað matarræði varðar og setja saman prógram fyrir þig.

Nú ef þú svo eftir nokkra mánuði eða ár finnst ekkert hafa breyst þá myndi ég kannski tala við heimilislækninn og láta athuga blóðið í þér. Nú er ég síður en svo að dásama stera, en … það eru margir sem hreinlega fá ekki stóra vöðva (eða réttara sagt stærri vöðva) án hjálpar. Ég stórefast þó um að læknar “aðstoði” við svoleiðis nema fólk sé greinilega búið að prufa allt, og þá í hófi og undir eftirliti.

Og já, það eru sterar í sumum fæðubótaefnum, og mörg fæðubótarefni eru lítið frábrugðin innihaldinu í Cornflakespakkanum þínum:) Og hið sama gildir um margar ef ekki flestar tegundir af “orkudrykkjum”, það er mun ódýrara að kaupa sér fanta, inniheldur nánast það sama. Drykkir eins og til dæmis Red Bull sem innihalda mikið magn af koffeini eru annað mál.

Vona að þér gangi vel að stækka:)

Sæll ég VAR eins og þú:)

Ég var langhlaupari 185 á hæð og 59-61 kíló, núna er ég 92-95. (á tvemur árum)

Þegar ég hætti að hlaupa langaði mér aðeins að styrkja mig, það er að segja hendurnar, þær voru eins og beinagrindur á meðan fæturnir voru massakögglar.
Ég byrjaði á að kaupa handlóð í Erninum í skeifunni, svona sem maður gat alltaf bætt á eftir því sem maður varð sterkari (mig minnir að afgreiðslukallinn hafi sagt að kílóið væri sirka 300kr). Ég byrjaði á 10 kílóum í hvorri hönd tók, jók yfirleitt tíðnina þangað til ég gat gert 5x25 og þá þýngdi ég og byrjaði kannski með 3x15 eða eitthvað.
Þetta gerði ég annan hvern dag (30 til 40 mín)og jók þyngdina frá 10 kílóum upp í 30 kíló á einu ári (það er 200% aukning).

Flestir gefast fljótt upp á svona heimaæfingum svo á endanum gerði ég það líka og keypti 3 mánaða kort í mætti (16 þúsund), keypti mér kreatín í apóteki (vöðvabyggjandi duft, fullkomlega löglegt, engir sterar, kostar svona 5000kr dós sem endist í 2-3 mánuði).

Er reyndar að byrja á efedrýni núna, það er ekki löglegt (ekki sterar þó) svo að ég get ekki mælt með því.

Mitt ráð er þetta: keyptu kort í mætti (eða einhvernstaðar) og ÆFÐU.
Hversu góðum árangri veltur á ákefð og líkamsbyggingu, ekki búast við að verða einhver Jón Páll, maður þarf sérstök gen í það, ég hef langhlaupara byggingu og yrði aldrei svona bolti sama hversu miklu ég lyfti.. svo hef eg engann áhuga á því, ég vil getað hreyft mig.

Gangi þér vel.