Hæ. Ég hef verið að lenda í þessu svolítið undanfarið, en

þó oftast í vinnunni, s.s , ég er 16 ára unglingur. Fyrst

þegar ég lenti í þessu var ég í vinnunni á afgreiða á

kassa, og fékk ég þessa ógeðslegu tilfinningu eins og mér

væri að svima og varð mér mjög heitt í andlitinu og

öndunarerfiðleikar. Ég fékk eitthvern til þess að leysa mig

af og dreif mig upp á klósett til þess að jafna mig, en mig

leið ekkert svakalega vel vegna þess að ég var kominn með

svo hrikalega hraðann hjartslátt. Hringt var á sjúkrabíl og

í endann áður en sjúkraliðarnir komu var ég nánast byrjaður

á kúgast, útaf hröðum hjartslætti býst ég við. Þeir komu og

báðu mig um að koma með sér í bílinn, ég einfaldlega gerði
það.

Þegar ég var kominn uppá spítala gáfu þeir mér eitthvað

róandi við hjartslættinum býst ég við og ég varð mjög
slappur.

Eftir þetta hef ég verið að lenda í þessu inn á milli en ég

hef ekki nennt að standa í að fara uppá spítala þannig að

ég fer alltaf út og róa mig niður með ferskt súrefni,

heppnast alltaf, því hjartslátturinn róast og allt verður

gott. En í dag var ég í vinnunni á kassa og þá fór ég að

finna fyrir þessari ógeðslegu tilfinningu eins og hræðsla

eða kvíði væri að koma yfir mig og síðan magnaðist þessi

tilfinning alltaf meira og meira. Ég fékk eitthvern til

þess að leysa mig af síðan fór ég út og slakaði á eins og

alltaf. Það heppnaðist auðvitað. En þetta er farið að

gerast oftar núna og þá sérstaklega þegar ég er t.d. heima

í tölvunni, þá kemur allt í einu svona öndunarerfiðleikar

og þá þarf ég alltaf að drífa mig út annars finnst mér eins

og ég sé að fara að kafna. Þetta finnst mér mjög pirrandi.

Það er oftast þetta tvennt sem kemur upp þegar þetta er að

koma yfir mig sem er öndunarerfiðleikar og hraður

hjartsláttur. Hjartað hamast og hamast og auðvitað getur

maður ekkert annað gert heldur en farið út og andað rólega.

Eftir fyrsta skiptið var mér gefið lyf sem heitir

Metoprolol (ef Metoprolol er ekki til tek ég Seloken) Ég

tek eina töflu á dag og finnst mér furðulegt að ég sé að fá

svona hraðan hjartslátt þegar ég er á þessum lyfjum. Mér

var skaffað þessi lyf af því að þeir héldu að þetta væri

bara eitthvað í ósjálfráða taugarkerfnu sem ég tek

einfaldlega eftir að það sé ekki. Ég er búinn að fara í

ótal hjartalínurit og blóðþrýstingsmælingar en það er allt

frekar eðlilegt. Kvíðinn kemur ekki alltaf með

öndunarerfiðleikunum, oftast koma öndunarvandamálin bara.

Inn á milli kemur eitthver tilfinning eins og kvíði með

öndunarerfiðleikunum. Ég hef meðal annars líka verið með

svolítið mikið af hjartatruflunum á síðastliðnu ári eða

svo, og oft þegar ég dreg djúpt inn andan kemur

hjartatruflun. Koma kannski svona u.þ.b. 0-3

hjartatruflanir á dag stundum fæ ég fleiri heldur en það.

Mér finnst þetta mjög óþægilegt.


Byrjaði ofsakvíði svona hjá einhverjum hérna? Veit

nefnilega ekki hvort þetta sé ofsakvíði. Foreldrar mínir

eru alltaf að reyna að sannfæra mig um að ég þurfi ekki að

fara til læknis og segja alltaf að þetta sé bara tölvann og

vöðvabólga o.s.frv. Get auðvitað látið þau panta tíma ef ég

tek þetta mjög alvarlega fyrir við þau. Er hjá hjartalækni

sem ég mun fara til aftur þegar ég verð 18 en ég stórefast

um að þetta sé eitthvað í hjartanu vegna þess að þeir sjá

aldrei neitt að mér þar.



-Iseedeadpeople