Mér áskotnaðist einu sinni pakki af þessu og mér fannst þetta virka smá. Þetta gerði ekkert kraftaverk en mér fannst einbeitingin verða aðeins betri. Efasemdamanneskjan í mér getur samt ekki útilokað að þarna hafi verið um að ræða Placebo-áhrif eða eitthvað annað.

En mig minnir að það taki gingsenið einhvern tíma að byrja að virka þannig að þetta er ekki einhver brilljant skyndilausn til að fá 10 í öllum prófunum.

Það hafa verið einöngruð nokkur efni úr gingseni sem heita ginsenosíðar, en ég held að það sé ekki búið að rannsaka þá nógu mikið til að vita alveg virknina. Þetta er eitthvað voða flókið :)

http://en.wikipedia.org/wiki/Ginsenoside

Þar sem þetta hefur verið notað mjög lengi sem svona “hressingarlyf” þá hlýtur þetta að hafa einhverja virkni, þótt hún sé kannski ekki mjög mikil eða áreiðanleg ;)

Ég og vinur minn tókum þetta fyrir mörgum árum þegar við vorum að læra fyrir samræmdu. Ég fann engan mun á mér og hætti fljótlega. Hann hins vegar hætti eftir fyrstu nóttina, því hann svaf ekkert!

Ég hef prufað þetta aftur tvisvar og finn satt best að segja engan mun!

Keypti mér ginseng og þetta virkar alveg. Það eru tvær gerðir. Mitt heitir rautt kóreskt ginseng eða rautt ginseng og hitt heitir rautt “eðal” ginseng og er það helmingi dýrara því það er víst sólþurrkað. Þetta er þurrkaðar muldar rætur og eru í pilluhylkjum og á maður að taka 1-2 á dag eftir því hvað maður er undir miklu álagi. Ég keypti ódýra rauða ginsengið á 2500kr eða sirkabát og finn alveg mun. Til gamans má geta að ég hef prófað allskonar sona stöff og það sem ég hef fundið mun á mér við er m.a. þetta og Spirulina þörungatöflur. Er líka að prófa Ginko Biloba en veit ekki hvað mér á að finnast um það enn.