Ég held að það sé frekar hitinn sem á að laga þetta heldur en soðið vatn. Ofnæmi er líka annars eðlis heldur en vogrís. Þegar ég hef fengið ofnæmi í augun hefur mér fundist hjálpa að skola augun úr köldu vatni undir krananum og þerra þau, ekki nudda og láta vera að snerta þau eftir það. Kalda vatnið minnkar kláðann í augunum en að nudda þau eykur hann. Kannski lét læknirinn frænku þína setja bómull á augun á honum til að hann væri ekki að nudda þau. Ég get ekki ímyndað mér að soðið vatn sé sótthreinsandi en það er náttúrulega sótthreinsað vegna þess að sýklarnir drepast við suðu en þú drepur enga sýkla með því nema kannski smá ef það er ennþá heitt.