Yfirleitt ekki ef þú borðar nokkuð næringarríka fæðu almennt. Að jafnaði er næringarskortur á Íslandi afar óalgengur, man ekki nákvæmlega hvaða efni það eru sem skortir, en það er fyrst og fremst meðal kvenna sem skortir járn (vegna blæðinga) og svo D-vítamín, vegna skorts á sólarljósi. Auk þess er afar ólíklegt að sá skortur sem þú mögulega gætir fundið fyrir sé þér ljós, yfirleitt sést það á húr og hári. Til dæmis sést sink skortur á nöglunum (hvítir blettir) og þú gætir tekið eftir minni flösu eða sterkara hári. Ef þú hefur ekki tekið lýsi að jafnaði gætir þú tekið eftir smávægilegum breytingum á greindarvísitölu, en þú ferð samt ekki að rústa öllum prófum í skólanum. Þú myndir líka eiga auðveldara með að léttast ef þú hefur ekki haft nóg af hollum fitum í fæðunni áður.

Ég tek fjölvítamín og lýsi, fyrst og fremst til að bæta upp það sem ég gæti hugsanlega ekki að fá úr matarræði, en það er ólíklegt að ég taki of mikið af vítamínum, megnið fer bara út með þvagi.

Ég flutti að heiman fyrir meira en ári, er námsmaður og hef ekki alltaf endalausan tíma í að elda eitthvað hollt og næringarríkt (semsagt matarræðið breyttist þannig að ég held að mig vanti fullt af vítamínum). Á sama tíma fór ég að sofa verr, á erfitt með að sofna.

Svo fyrir 1-2 vikum var ég alveg búin að fá nóg af þessu svefnveseni og einhver benti mér á að taka kalk og magnesíum sem á víst að vera allra meina bót. Ég var ekkert alveg viss á þessu en það sakar ekki að prófa, töflurnar eru ekki nema nokkur prósent af ráðlögðum dagsskammti. Svo var ég líka að byrja að taka einhver multivítamín.

Síðan þá hef ég fundið mikinn mun. Ég veit ekki hvort þetta voru töflurnar eða bara tilviljun, eða að ég trúði á þetta og breytti sjálf. En allavega er ég farin að eiga mun auðveldara með að sofna. Ég veit ekki hvort eitthvað annað breyttist við þetta, en þetta var allavega það sem lagaðist hjá mér :)