Sapporo te

Dökka teið, Oolon te(Oolong-cha á japönsku) er komið frá Kína en hefur breiðst til annarra landa og er mjög vinsælt í Japan. Það er sykur og litaefnalaust og er flokkað á milli græns og svarts tes. Munurinn er sá að laufin sem svart te er búið til úr er leift að oxast og verða brún áður en þau eruð þurrkuð en laufin sem grænt te er búið til úr fá ekki að dökkna. Oolong te er búið til úr laufum sem eru þurrkuð og svo marin og látin standa sem gefur þeim eiginleika bæði græns og svarts tes. Oolong te er vatnslosandi og á að hafa góð áhrif á ónæmiskerfið og almennt stuðla að góðri heilsu. Mikið er talað um að það eigi líka að auka brennslu g minnka upptöku á fitu úr mat svo það er kallað megrunarte í Japan.

Ocha, græna teið í dósinni er upprunið í asíu, Japan, Taiwan, Kína, Kóreu og Marrokkó en hefur verið að breiðast meira og meira til Vesturlanda á síðustu árum. Í Japan er það drukkið daglega á langflestum heimilum og er án efa vinsælasti drykkurinn þar í landi, frekar er boðið upp á Ocha heldur en kaffi, safa eða gos. Það er drukkið heitt á veturna og kalt á sumrin og fæst í öllum sjálfsölum(það er einn sjálfsali fyrir 15 manns í Japan). Grænt te á að hafa góð áhrif á heilsu, koma i veg fyrir krabba, alsheimer og auka brennslu en á móti kemur að það er meira kaffein í því heldur en brúnu eða svörtu tei.