gmaria fyrir 22 árum, 9 mánuðum Fjöldi lestra: 215

Áunnir atvinnusjúkdómar.

Ungar konur í aðgerðum vegna brjóskloss í baki, konur sem hafa ef til vill stundað ræstingar lengi. Er það eðlilegt að fólk slíti sér svo út fyrir aldur fram. Er ekki hægt að fyrirbyggja eitthvað með upplýsingu. Mér finnst vanta meiri umræðu um atvinnutengda sjúkdóma og rétta líkamsbeitingu og hve mjög slíkt skiptir máli.
Hvað finnst ykkur ?

lhg fyrir 22 árum, 9 mánuðum

Auðvitað ætti fólk að fá upplýsingar um réttar vinnustellingar. Í það minnsta bækling sem sýnir það þegar það byrjar í vinnu. Ég var eitt sumar í Nordjobb á pósthúsi í Svíþjóð og við fengum tveggja daga námskeið um öryggi í meðferð póstgáma og rafmagnslyftara auk þess að vera úthlutað stálskóm áður en við byrjuðum að vinna. Eitt sumar var ég síðan í sláttuhópi hjá Reykjavíkurborg og þar var maður látinn beint á orf og vélar án nokkurrar kennslu, okkur var ekki sagt að nota öryggisgleraugu eða heyrnarhlífar þó slíkt væri reyndar til staðar ef maður kom nógu snemma og við fengum ekki stálskó fyrr en það voru 3 vikur eftir af sumrinu.

Fyrra álit

GlingGlo fyrir 22 árum, 9 mánuðum

Ég var einu sinni að vinna við ræstingar hjá securitas og þá var maður sendur á námskeið til að kenna manni rétta líkamsbeitingu og hvernig á að nota græjurnar á réttan hátt. Í hjúkrunarnáminu var einnig farið vel í rétta líkamsbeitingu þar sem í þessu starfi reynir oft á líkamann, þegar maður er að aðstoða hreyfihamlaða einstaklinga við að hreyfa sig.

Er ekki bara málið að það eru engar reglur um þetta þannig að fyrirtækin ráða því alveg sjálf hvort þau bjóði upp á svona námskeið eða ekki?

Svo er annað mál sem mér finnst líka alvarlegt og það er að skólabörn eru í auknum mæli að greinast með allskonar stoðverki og vandamál. Þetta gæti tengst of þungum töskum sem þau eru að burðast um með og einnig að sætin eru ekki nógu góð fyrir langar setur og það er ekki mikið hugsað um þennan þátt í tímum. Ég las einhverntíman fína grein þar sem verið var að kynna sérstaka skólabekki (eiginlega borð með stól) sem voru sérhannaðir til að minnka álag á bak, en það verður nú örugglega ár og dagur þar til þetta sést í skólum hér á landi.

Kveðja,

Fyrra álit

gmaria fyrir 22 árum, 9 mánuðum

Ég held að það vanti reglur er skylda fyrirtæki formlega til þess að sinna þeim fyrirbyggjandi þáttum er skyldu viðhafðir.
Hvað börnin varðar, þá er þarf frá a.m.k þriggja ára aldri að kenna þeim að sitja rétt, í leikskólum, heima hjá sér, og grunnskólum og segja þeim frá því hvers vegna þau þurfi að sitja rétt og byggja þannig upp vitund þeirra sjálfra.

Fyrra álit

GlingGlo fyrir 22 árum, 9 mánuðum

Ung börn misbjóða sér ekki, þau beita líkamanum alveg rétt. Jú að sjálfsögðu mætti ýta undir þessa vitund hjá börnunum óg eflaust passar tíminn vel svona upp úr 3ja ára, en mér finnst hæpið að fara að leggja meginábyrgðina á þau sjálf þar sem þau hafa engan vegin þroska til að hugsa um þetta og þau gleyma sér fljótt. Það erum við fullorðna fólkið sem verðum að passa upp á þau. Á svo til öllum vinnustöðum þar sem setur eru langar þykir sjálfsagt að fólk fái góða stóla… afhverju þykir það ekki sjálfsagt fyrir börn í skóla?

Síðan eru það töskurnar sem þau burðast um með, fullar af skólabókum. Ég bjó í Svíþjóð sem barn og í skólanum þar voru borðin með hólfi þannig að maður gat geymt bækurnar sínar í hólfinu og þurfti einungis að taka heim það sem maður þurfti til að sinna heimaverkefni hverju sinni. Allt annað gat maður geymt í borðinu.

Kveðja,

Fyrra álit

lhg fyrir 22 árum, 9 mánuðum

Þegar ég var í barnaskóla átti ég bara skólatösku en svokallaðir skólabakpokar voru þá að koma á markaðinn. Þegar maður var með tösku gat maður bara tekið með sér þær bækur sem maður þurfti að nota þann daginn því maður hafði hreinlega ekki pláss fyrir meira. Þeir sem voru með skólabakpoka höfðu hins vegar pláss fyrir allar bækurnar og höfðu þær bara alltaf með sér.

Kannski er þetta eitthvað sem krökkum finnst þægilegra, að þurfa ekki að fara í gegnum það á hverjum morgni hvað þeir þurfa að taka með og eiga á hættu að gleyma einhverri bók. Kannski er þetta eitthvað sem þarf að brýna fyrir börnum að gera ekki.

Fyrra álit

GlingGlo fyrir 22 árum, 9 mánuðum

lhg, þetta er einmitt atriði sem ætti að vera á ábyrgð foreldra. Ég held að sumir foreldrar geri sér ekki grein fyrir hvað börnin þeirra eru stundum með þungar töskur. Gömlu skólatöskurar voru greinilega mikið sniðugari. Svo er nú líka það að krakkarnir eru að láta töskurnar hanga á annarri öxlinni því það þykir flottara, frekar en að láta þungann hvíla jafnt á báðum öxlum.

Kveðja,

Fyrra álit

gmaria fyrir 22 árum, 9 mánuðum

Í grunnskóla barnsins míns eru sérhannaðir stólar og borð fyrir börnin, hvað varðar hinn heilsufarslega þátt, sem var nýlega tekið í notkun, þannig ég held að skólarnir séu að bæta sig.
Mótunarskeið frumbernsku er mikilvægt til þess að kenna börnum lærða hegðun, þar með er ekki verið að leggja neina ábyrgð á þau heldur að viðhalda vitund þeirra um þetta atriði, þá lærist það og verður sjálfsagður hlutur.

Fyrra álit

GlingGlo fyrir 22 árum, 9 mánuðum

Frábært að heyra það gmaria, kannski þetta sé þá ekki alveg jafn fjarlægt og maður hélt.

Kveðja,

Fyrra álit

gmaria fyrir 22 árum, 9 mánuðum

Já það er nefnilega það. Ég held að fyrirbyggjandi þættir i þessu efni séu ekki nægilegir eins og þú lýsir.

Fyrra álit

Heilsa

Heilsa

Ofurhugar

Stjórnendur

Hverjir eru inni

Korkar - Umræður um heilsu og hollustu

Áunnir atvinnusjúkdómar.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi