Fyrir mitt leyti mundi ég ekki nenna að æfa svona oft. En ég er líka letingi.

Að mínu áliti er óþarft að skipta líkamanum svona mikið niður, en ég veit að þetta gera toppkreppukóngar (útúrsteruð vaxtarræktartröll).

Fyrir mitt leyti þá lyfti ég þrisvar í viku (mán, mið, fös) í tæpan klukkutíma og tek allan líkamann í hvert skipti. Þetta gerði ég allt í fyrsta árið og virkaði afar vel. Í dag eru ekki allar æfingar eins en ég æfi samt allan líkamann í hvert skipti.

Efri líkamann má alveg æfa 3svar í viku, fæturna 2svar. Efri/neðri til skiptis, 4 æfingar í viku er td gott prógramm.

Það er allt í lagi að gera brennslu 5 sinnum í viku ef aðalatriðið er að grennast, en athugaðu að það dregur mjög úr árangri styrktarþjálfunar að æfa svona oft. Gerðu allavega brennslu á eftir styrktaræfingum og hvíldu helst vel á milli.

Það hentar ekki öllum að grennast með því að æfa svona mikið. Fyrir marga er auðveldara bara að borða eðeins minna. Þú verður að finna það sjálfur.

Best er að miða við að vera ca 500 hitaeiningum undir viðhaldi til að grennast um ubþ 1/2 kíló á viku. 1000 he. undir og 1 kíló á viku er í lagi ef maður er vel feitur en yfirleitt tapa þeir sem reyna að grennast mjög hratt mest vökva og vöðvamassa og gefast fljótlega upp á þessu stanslausa puði.

Ég er á móti stanslausu puði, skyndimegrun og töfralausnum. Mundu að 1/2kg megrun á viku er 25kg á ári sem er allnokkuð.

Að mínu áliti æfa flestir sem eru að reyna að megra sig alltof mikið í upphafi en ekki nóg yfir árið.

Allt í lagi ;)