deTrix25 fyrir 21 árum, 2 mánuðum Fjöldi lestra: 270

EAS á Íslandi

Nú hef ég verið á Líkami Fyrir Lífið prógramminu í næstum þrjá mánuði og líkar vel. Árangurinn er greinilegur og mér finnst ég vera að uppskera árangur erviðisins. Þegar ég var að byrja ákvað ég að fara í verlun EAS á Íslandi og fá ráðleggingar um næringa og próteindrykki. Þetta er þjónusta sem þeir bjóða fólki og fannst mér alveg nauðsynlegt að fara þar sem ég vissi svo lítið um það sem ég var að fara útí. Jæja, í stuttu máli get ég sagt það að þetta var alveg glatað! Reyndar finnst mér allt við þessa verslun og þetta fyrirtæki hálf glatað! Heimasíðan er ömurleg og þar er ekkert frekar hægt að fá upplýsingar en í versluninni. Mér fannst vera nauðsynlegt að fara í næringarefni og fæðubótadrykki til þess að aðstoða mig í LFL, en eftir þau viðskipti sem ég átti við EAS að þá var ég næstum hættur við að prógrammið og var alvarlega að hugsa um að finna mér eitthvað annað prógramm.

Mig langar að vita hvaða reynslu fólk hérna hefur af EAS á Íslandi.

Kveðja,
deTrix

thisman fyrir 21 árum, 2 mánuðum

Sæll,

Sjálfur hef ég ekki verslað við EAS á Íslandi þó svo að ég hafi reyndar notað vörur frá þeim í gegnum tíðina. Þær eru reyndar í dýrari kantinum en þær skiluðu þeim árangri sem til var ætlast.

Ég veit að erlendis er lögð gríðarleg áhersla á góða/persónulega þjónustu og ráðgjöf við viðskiptavini og er það miður ef svo er ekki hérlendis. Hvet þig eindregið til að senda kvörtun til EAS/Bandaríkjunum og lýsa þeim samskiptum sem þú áttir við EAS/Íslandi.

Kveðja - thisman

Fyrra álit

[Notanda eytt] fyrir 21 árum, 2 mánuðum

Þetta þykir mér leitt að heyra þar sem ég hef alltaf fengið mjög góða þjónustu hjá þeim, versla allt af þeim í heildsölunni í Garðabæ. Mér finnst líka gott að fara á síðuna þeirra og fá upplýsingar um efnin.
Kannski gæti ég eitthvað hjálpað þér?

Fyrra álit

deTrix25 fyrir 21 árum, 2 mánuðum

Já takk Pocogirl, þú getur e.t.v. hjálpað mér.

Vandin minn er í raun og veru sá að ég er á lokasprettinum en ég er enn með nokkur kg. sem mér hefur ekki tekist að losna við. Mig vantar smá hjálp þar, en ég held að málið sé að fara í eitthvað sem þyngir mig þar sem ég þarf ekkert að léttast (má eiginlega ekki við því). Í dag borða ég mjög heilbrigt, reyni að hafa prótein til jafns við kolvetni og allt það samkvæmt LFL (drekk prótíndrykki og nota Beta Lean), æfi 6 daga í viku, er auka þol og styrk, en á samt alltaf þessi örfáu kg. eftir. Ertu með hugmynd fyrir mig?

Kveðja,
deTrix

Fyrra álit

[Notanda eytt] fyrir 21 árum, 2 mánuðum

hæhæ, er einhver stöðnun í gangi eða eru grömmin að hverfa? spurning um að fjölga brennsluæfingum?
kv.poco

Fyrra álit

deTrix25 fyrir 21 árum, 2 mánuðum

Ég veit ekki hvort þetta sé stöðnun eða óþolinmæði. Ég tvöfaldaði tíman í brennslu fyrir tveimur vikum og mér finnst ekkert ganga á þetta sem eftir situr, en ég er náttúrulega að auka úthaldið þrátt fyrir það. Hvort einhver grömm séu að hverfa að þá held ég ekki, en ég er reyndar ekki heldur að þyngjast eins og ég í raun ætlaði mér að gera. Það má vera að ég sé að auka massan og um leið sé ég að minka fituna, en ég er bara ekki að sjá neinn árangur eins og er…

deTrix

Fyrra álit

thisman fyrir 21 árum, 2 mánuðum

Sæll deTrix25

Mundu að þolinmæði þrautir vinnur allar! Ég veit að þetta er ekki eitthvað sem þú vilt heyra núna, ert væntanlega búinn að vera að sjá jafnan árangur erfiðisins alveg þangað til núna. Þessi síðustu kíló eru alla jafnan þau erfiðustu og það mun taka dálítinn tíma að losna við þau.

Ef þú ert að borða hollt fæði og er á sama tíma í brennsluæfingum munu þessi kíló hverfa! Eða öllu heldur aukafitan sem er að angra þig, hvet þig til að sleppa vigtinni meðan þú ert að losna við þessa fitu.

Mundu einnig að þetta sem þú ert að gera ætti að miðast við að þú sért að breyta um lífsstíl! Þú vilt að sjálfsögðu að þessi árangur haldi sér og þú fallir ekki aftur í sama horf - ef þú heldur þessum breytta lífsstíl til frambúðar muntu aðeins sjá aukinn árangur með auknum tíma.

Góður maður sagði við mig: “Það tekur 8 vikur að sjá árangur”. Get nú ekki sagt að ég hafi verið sérlega ánægður með þessa setningu en síðan þegar á tók að líða sá ég að hann hafði rétt fyrir sér. Ég get lofað þér því að ef þú heldur þig við það sem þú ert að gera næstu átta vikur, þá muntu eftir átta vikur vera farinn að sjá þann árangur sem þú ert ánægður með. Átta vikur eru ekki langur tími af ævinni - en þær geta skilað þér óendanlega mikilli ánægju - EF þú stendur við það sem þú ætlar þér.

Hvet þig að lokum eindregið til frekari dáða, sýnist þú vera farinn að sjá toppinn á fjallinu og þegar þangað er náð verður ekki aftur snúið ;)

Með baráttukveðju - thisman!

Fyrra álit

deTrix25 fyrir 21 árum, 2 mánuðum

Sæll thisman og þakka þér fyrir svarið!

Það er mikið til í því sem þú segir, þolinmæðin þrautir vinnur allar! Ég er búinn að parkera viktinni, enda á hún ekki að skipta máli!

Þetta er breyttur lífstíll - nú er það bara að standa sig!

Takk fyrir!

Kveðja,
deTrix

Fyrra álit

Heilsa

Heilsa

Ofurhugar

Stjórnendur

Hverjir eru inni

Korkar - Umræður um heilsu og hollustu

EAS á Íslandi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi