Ég man nú ekki eftir að hafa kallað íþróttir tímaeyðslu og núna ert þú að koma með skot sem mætti líkja við það sem þú segir að ég sé að gera… Þú veist, svona alhæfingar á borð við að “þér er alveg sama hvernig þú lítur út” og “ég nenni ekki að leggjasta á gólfið og vera ”glataðasti“ félagi Íslands því ”þú“ vilt ekki eyða tíma þínum í að borða rétt og halda þér heilbrigðum og líta vel út”

Ég skammast mín ekkert fyrir það að segja að þessi alhæfing þín er að vissu marki rétt og að mér er svosem slétt sama um útlit mitt að vissu marki. Að vísu er ég í þjónustu starfi og þarf þar af leiðandi að halda mér hreinum og fínum í starfinu. En af því undanskildu þá hef ég ekkert á móti því að líta ekki út eins og annar hver gaur á landinu. Þetta er bara að miklu leiti svo sorglegt að mínu mati að það að fara í ljós og að eiga flotta bíla er yfirleitt ekkert annað en tilraunir til að falla inní “hópinn”, hver svosem hann er.

Já ég átta mig á því að iðka heilbrigt líferni tengist enganvegin fávitaskap, en aftur á móti að þá er sú staðreynd að það er fávitalegt að gera svona hluti bara til að geta verið með öllu “cool” fólkinu. Mér finnst ekkert að því að vera bara sú manneskja sem ég er. Ég er latur og hreifi mig lítið, þó að ég stundi líkamsrækt að takmörkuðu leiti, og ég eyði miklum tíma og pening í tölvur og tæknidót. Annars uppá það að ég sé feitur, þar má finna betri hluti til að sakast um en að ég sé latur. Mest alla mína skólagöngu var ég lagður í einelti fyrir það að einfaldlega að vera ekki eins og allir hinir strákarnir, það orsakaði mikið þunglyndi og var ég færður um skóla eftir að hafa eytt tvemur mánuðum á Barna og Unglinga Geðdeild Landspítalans (BUGL). Við þungilyndinu voru mér gefin lyf sem ein af aukaáhrifum þess voru aukin matarlyst, og þar er vægt tekið til orða.

Þannig að jú það má segja að ég er ekki góður dómari á fólk eins og mér sýnist þú vera þar sem ég var í sjálfsmorðs íhugunum uppúr 11 ára aldri vegna þess að fólki sem má líklega vera líkt við þig orsakaði það að líf mitt fram til 15 ára var ömurlegt til að segja hið minnsta.

Annars þá hef ég betri hluti að gera en að rífast við þig. Vertu sæll.

P.S. Ekki koma með mótsvar sem segir að ég sé bara vælukjói og er að reyna að safna mér vorkun því ég get lofað þér því að ég vill hana ekki.