Robbie Fowler, fyrirliði enska úrvalsdeildarliðsins Liverpool, hefur tilkynnt að hann muni verða frá í mánuð vegna ökklameiðsla sem hann hlaut í vináttuleik gegn skoska liðinu Glentoran fyrir skömmu. Hann mun því missa af fyrstu umferðum ensku deildarkeppninnar. Þrátt fyrir meiðslin er Fowler bjartsýnn á góðan bata og hann segist koma inn á fullu eftir mánuð.

Ef Leicester-leikmaðurinn Neil Lennon ætlar að fylgja sínum gamla stjóra, Martin O'Neill, til Glasgow Celtic verður sá síðarnefndi að reiða fram 8 milljónir punda ef marka má orð nýja stjórans á Filbert Street í Leicester, Peter Taylor. O'Neill hefur gert tilboð í Lennon upp á 6,5 milljónir punda, en Taylor neitaði því boði og vonast til að geta haldið í Norður-Írann, sem O'Neill keypti á sínum tíma fyrir aðeins 500.000 pund frá Crewe.

Argentínska knattspyrnugoðið Diego Maradona lýsti yfir áhuga sínum á að spila með maltneska liðinu Birkirkara gegn Manchester United í leik sem fram fer í kvöld(9/8). Maradona var þó ekki til í að spila ókeypis því hann vildi fá tæpar tuttugu milljónir fyrir að spila leikinn. Þetta fannst forráðamönnum Birkirkara, sem KR sló út í 1. umferð forkeppni Meistaradeildar Evrópu á dögunum, of mikið og afþökkuðu gott boð. Maradona hefur fengið leyfi frá læknum til að spila knattspyrnu á ný og vildi...

Heil umferð var í landsímadeildinni í kvöld og fóru leikirnir svona: Fylkir 1 -fram 0, ÍBV 1 - ÍA 0, Grindavík 2 - Leiftur 2, Stjarnan 1 - Keflavík 1, KR 3 - Breiðablik 2.

Fylkismenn juku forystu sína í Landssímadeildinni í fimm stig með sigri á Frömurum í kvöld, 1:0. Fylkir hefur nú 29 stig en KR-ingar, sem unnu nauman sigur á Breiðabliki 3:2 eftir að hafa skorað fyrstu þrjú mörkin, eru komnir upp fyrir Eyjamenn í annað sætið með 24 stig. Þeir eiga þó leik til góða á Fylki og geta minnkað muninn í tvö stig.

Knattspyrnuyfirvöld á Skotlandi, Wales, Norður-Írlandi og Írlandi íhuga að leggja fram umsókn um að halda Evrópumótið í knattspyrnu árið 2008. Belgía og Holland héldu sameiginlega Evrópumótið í sumar og S-Kórea og Japan mun einnig standa sameiginlega að mótshaldi heimsmeistarakeppninnar 2002. Næsta Evrópumót verður haldið í Portúgal 2004. Englendingar voru mótshaldarar á EM 1996.

Schumacher sagði að dóttir sín, Gina-Maria, hefði hjálpað sér að yfirstíga áfallið við það að falla úr keppninni í Hockenheim. „Þegar ég kom heim leit Gina áhyggjufull á mig og sagði: Pabbi þú endaðir aftur í mölinni“ sagði Schumacher og bætti við: „Það var ekki hægt annað en að hlæja og alltí einu voru áhyggjurnar orðnar miklu minni”.

Svo kann að fara að Lotus merkið muni sjást á ný í Formúlunni. En samkvæmt frétt breska blaðsins Sunday Telegraph, er David Hunt, sem er bróðir James Hunt, fyrverandi Formúlu-1 ökuþórs, að leita eftir kaupum á Prostliðinu.

Á fundi aganefndar KSÍ í gær voru Sturlaugur Haraldsson leikmaður ÍA og Páll Guðmundsson í liði ÍBV úrskurðaðir í eins leiks bann vegna fjögurra gulra spjalda.

Ísland færist upp um fimm sæti á heimslista Alþjóða knattspyrnusambandsins (FIFA) og er komið upp í 51. sæti. Íslendingar hafa leikið einn landsleik síðasta mánuðinn, gegn Möltu, og vann öruggan sigur, 5:0.

Sögusagnir eru uppi um að Tyson hafi verið boðnar mútur ef hann hefði tapað síðasta bardaga sínum en auðvitað þáði hann það ekki.. múturnar eru taldar nema fleiri milljónum. Ekki er vitað hverjir stóðu fyrir tilboðinu. (heimild af sænskri box síðu)

ég vill bara mæla með þessum frábæra golfvelli :)