Já, það ættu margir að vita að Jóvin er einmitt sú persóna sem er hvað líkust gelgju í Hringadróttinssögu, hún vill berjast eins og hver annar karlmaður á staðnum og er eitthvað voðalega uppreisnargjörn. Hún kann heldur ekki að elda og er eitthvað voðalega skotin í Aragorn í myndunum.
En það sem færri vita er að hún heldur dagbók sem ég hef komið mínum höndum yfir. Ég hef því tekið mér það bessaleyfi að smella upp fyrstu færslunni á vefinn, en þær eru þónokkrar. Því miður þá tapaðist eitthvað af þessu því stelpan var eitthvað svo vitlaus að taka bókina með í stríðið með þeim afleiðingum að einhverjar færslur töpuðust, en það mikilvægasta er þó eftir. Þetta er ekki mikið en segir heilmikið um hversu mikil gelgja hún er þrátt fyrir að vera heldur ellileg á svip, í það minnsta fyrir minn smekk.

En jæja, ég ætla ekki að tefja þetta meir

<b>Tilvitnun:</b><br><hr><i>
Kjæra dagbók

Veistu hvað! Ómægod! Ég sá þennan geeeeggjaða karlmann í dag!!! Hann er með sítt hár og skegg og hökuskarð og hvaðeina og hann gengur um með fleiri hnífa en ég kann að telja! Algjör töffari!!! En ó mæ god, hann var samt soldið harkalegur, hann hjélt geðveikt fast í mig þegar einhver gamall gaur var að áreita Þjóðan frænda!! En Þjóðan frændi hann varð bara glaður og eitthvað, ég skil hann stundum ekki!! Hann er búinn að vera í einhverju þvíííjlíku þunglyndskasti undanfarið og svo kemur einhver og lemur hann og eitthvað og rekur Grím í burt, en ég verð samt að segja að hann er búinn að vera ógeðslegur við mig, alltaf að reyna við mig, svo það er allt í lagi. en þessi skeggjaði gaur, hann er bara geeeeeðveikt sætur og allt. Ég dýrka hann!!! :* bara verst að ég veit ekkert hvað hann heitir. Ég ætla að spyrja Þjóðan frænda þegar ég hef tíma, það er bara svo mikið að gera hjá mér, stelpurnar voru að reyna að draga mig niður í bæ, ekki það að Edóras sé eitthvað stór bær, sko, en við ætluðum að kaupa kjóla og eitthvað svo það er enginn tími. En það er allt í læ, ég ætla bara að slappa af því ég veit að þessi skeggjaði verður hérna gegt lengi, eða það sagði Jómar allaveganna!!! En já, best að fara að æfa mig með sverðið mitt, ó mæ god, ef vinkonurnar frétta af þessu litla hobbíi mínu, þær hljóta að verða brjálaðar ef þær komast að þessu!!! Þær eru alltaf að segja að karlmenn eigi bara að nota sverð en ég vyl líka nota þau…

Bæbæ,
Jóvin

Ps. Hann er ennþá gegt sætur!!!</i><br><hr>

Það fer auðvitað allt eftir undirtektum hvort ég sendi inn meira, svo verið óhrædd við að kommenta á þetta, þar sem blessað barnið á vætnanlega ekkert eftir að lesa þetta.<br><br>Með kveðju,
'Villeh'
<a href="http://www.omg1337.com“>omg1337.com</a>

<i>”Og Villi sagði ‘verði stuð,’ og það varð stuð. Og hann sá að stuðið var kúlt."</i>
- Genesis, 1. kafli