Hæ:)

Júlíus heiti ég og mig langaði bara að tilkynna ykkur að ég mun sniðganga vörur sem þið hagnist á.

PS Gangi ykkur vel á móti PirateBay.

Kv.
Istorrent notandinn Júlli.

Ég er sjálfur ekki torrent notandi og hef aldrei verið það en mér finnst þetta fáranlegt.
Það eina sem ykkur tókst að framkvæma með þessu var að pirra þúsundir Íslendinga og fá þá til að fara á aðrar síður og nota önnu forrit.
Á torrent var hægt að hafa stjórn á hverju var sett inn og þannig en núna fara allir torrent notendur á aðrar síður þar sem er ekki hafið hemil á þessu.
Eruð þið með einhver rök á móti því eða? Svo að setja það á vefsíðu sína að þeir sem downloada “ólöglega” af netinu eru “bólugrafnir tölvundördar með bremsuför í buxunum”? Hvað í andskotanum er að ykkur?! Þið eruð að pirra íslendinga með þessu og svo komið þið með móðganir? Seinast þegar ég vissi var hægt að kæra fyrir að koma með meiðyrði á vefsíðum. Gæti líka verið rangt hjá mér.
En hvað áttuð þið von á þegar þið lokuðu torrent, að allir myndu bara hætta að downloada og hugsa sér “æi torrent er lokað núna get ég ekki lengur downloadað” það er ekki að fara að gerast!

Ég ætla aldrei aftur að kaupa neitt frá ykkur og hvet alla mína vini og ætingja til að gera hið sama.
Ef ég ætla mér að kaupa íslenskar myndir og diska eins og ég er vanur að gera ætla ég að kaupa það beint frá höfundi.
Það á líklegast ekki eftir að breyta neinu fyrir ykkur en fleirri eiga eftir að gera það sama og þá skiptir það einhverju máli.
En þar sem að ég er “bólugrafin tölvunördi með bresmufar í brækunum” er ég aftur farinn að stunda mínar “ólöglega athafnir”.


Kær kveðja Gerald Häsler, bólugrafinn unglingur

Gott og margblessað kvöldið.

Ég sem “ungur maður sem hefur setið árum saman fyrir framan tölvuna mína heima hjá foreldrum mínum, bólugrafinn með bremsufar í nærbuxunum”. Ákvað að taka mér smá tíma aflögu til að óska ykkur til hamingju.

Þið hafið fengið a.m.k. 10% af þjóðinni til að hata ykkur! held að það sé met á svona stuttum tíma.

Fyrst þið hafið verið svo sniðug að láta loka "http://www.torrent.is“ og haldið að þið mynduð græða meira á því eru þið hjá Smáís eitthvað alvarlega vitskerrt. Þetta gerði ekkert nema reita fólk til reiði og allir reyna að sniðganga vörur sem SmáÍs dreifir núna. Sjálfur mun ég gera það sama. Jafnvel þótt ég fái jólagjöf frá mömmu minni eða kærustunni minni sem lætur ykkur græða skila ég henni frekar heldur en að gefa djöflinum pening. Einnig mun ég hvetja alla í kringum mig til að gera það sama.

lokun IsTorrent stöðva niðurhal?
Engan veginn, núna mun fólk bara leita til erlendra torrent síðna s.s. www.ThePirateBay.org og www.Torrentspy.com þar sem það er orðið í flestum tilvikum mjög ódýrt að kaupa nettengingar með endalausu erlendu niðurhali. Farið þið kannski að reyna að banna þær núna?.

Ef ég hefði ekki stjórn á skapi mínu væri ég búinn að fara og brenna þetta fyrirtæki ykkar til grunna og kasta eggjum í hús fjandmenna minna(Forstjórum SmáÍs).

En þar sem ég hef meira sjálfsálit en svo og sleppi því að móðga andstæðinga mína með bjánalegum alhæfingum líkt og þið komuð með á heimasíðu ykkar þá ætla ég að hlæja að ykkur og reyna mitt besta til að gera ykkur lífið sem erfiðast og styðja Svavar Kjarrval í máli sínu.

Ég er íslenskur ”glæpamaður" þar sem ég næ í ólöglegt efni á netinu og ég er ekki að fara að hætta því í bráð.

Yðar Einlægur,
Valur.

Sælt veri fólkið

Ég er bara annar bólugrafinn unglingur með bremsufar í nærbuxunum að senda ykkur póst um lokun torrent.is. Til hamingju, nú hafiði fengið alla mína líka upp á móti ykkur.
Ég ætla héðan í frá að sniðganga vörur frá ykkur og ég ætla að hvetja vini mína og ættingja til að gera slíkt hið sama.
Ekki halda að ég muni hætta að stunda mín ólöglegu athæfi þótt að torrent.is hafi farið. Ég er nú einu sinni glæpamaður sem býr í kjallaran um hjá foreldrum mínum.
Það var nú ekki meira. Gangi ykkur vel með framtíðina.

Kossar og knús
Bara einn annar bólugrafinn glæpamaður <3

Góðan daginn.

Ég vildi bara láta ykkur kurteislega vita að héðan í frá mun ég sniðganga vörur frá ykkur vegna framgöngu ykkar gegn IsTorrent síðustu daga. Ég tek það fram að ég sjálfur hef ekki svo mikið sem heimsótt það vefsetur, hins vegar nota ég sambærilegar erlendar síður, t.d. piratebay.org. Svo lengi sem internetþjónustur á Íslandi bjóða tengingar með ótakmörkuðu erlendu niðurhali eru erlendar torrent-síður hreint út sagt betri fyrir íslenska notendur að öllu leiti (t.d. úrvali) fyrir utan aðgengi að íslensku efni. En hvað haldið þið að muni gerast á næstu vikum, nú þegar búið er að loka torrent.is (tímabundið)? Jú, íslenskir notendur munu færa sig á erlendar síður og nota þær til að deila íslensku efni. Og þá er hreinlega ekkert sem þið hjá SMÁÍS getið gert til að hindra dreifingu þess þá. Þið höfðuð takmarkað vald á því á IsTorrent (mér skilst að bannað hafi verið að dreifa Næturvaktinni og plötum Páls Óskars þar), en eins og þið getið komist að með því að lesa t.d. http://thepiratebay.org/legal þá hafa risar eins og Microsoft, Apple, Warner Bros. og MPAA reynt og mistekist að fella þá síðu, einfaldlega vegna þess að hún er fullkomlega lögleg þar sem hún er hýst. Þar að auki mun einfaldlega koma upp ný síða ef, fyrir eitthvert óréttlátt kraftaverk, ykkur tekst að fá þá sem standa að IsTorrent sakfellda. Það gerðist þegar Napster hætti, þegar AudioGalaxy hætti, þegar Deilir hætti, það mun gerast ef IsTorrent hættir.

Þið eruð í stríði sem þið eigið ekki nokkra einustu möguleika á að sigra. Svo lengi sem internetið er til munu notendur halda áfram að skiptast á stafrænu efni í gegnum það. Svo til hvers að eyða milljónum í lögfræðikostnað þegar þið vitið vel, ef þið hafið eitthvað í kollinum (sem ég er reyndar farinn að efast um), að þið getið í mesta lagi haldið skráardeilingunni ögn niðri í stuttan tíma? Þið getið aldrei stöðvað hana alveg.

Fyrir utan allt þetta: Mjög margir sem sækja tónlist og annað á netið kaupa meira en þeir gerðu ef þeir hefðu ekki aðgang að því á netinu, ég sjálfur þar með talinn. Hinir, sem kaupa ekkert heldur hlaða bara niður, hefðu ekki keypt neitt hvort eð er. Nú spyr ég án þess að búast við svari: Myndir þú sem lest þetta kaupa þér bíl án þess að prufukeyra hann? Mig grunar ekki. Á sama hátt myndi ég ekki borga um 2000 krónur fyrir nýjan geisladisk án þess að vita hvað ég er að borga fyrir, og því kemst ég að með því að sækja viðkomandi disk á netið áður en ég eyði pening í hann. Á þennan hátt kynnast neytendur mun meira efni en þeir annars hefðu kynnst, einhvern hluta af því mun þeim líka við nógu vel til að kaupa. Áhrifin eru að t.d. minna þekktar hljómsveitir fá meiri viðskipti en annars, en á móti fá stóru nöfnin ekki jafn mikið viðskipti (vegna þess að stór nöfn þýða ekki endilega góð tónlist). Heildarplötusalan eykst hins vegar. Spyrjið ykkur nú: “Til hvers í ósköpunum erum við að standa í þessari vitleysu?”

Kveðja,
–
****** ********

PS. Þetta bréf mun vera birt opinberlega á slóðinni http://www.hugi.is/tilveran/threads.php?page=view&contentId=5405425 ásamt fleirum slíkum bréfum.