atviksorð stigbreytast ekki..leiðréttið mig ef ég hef rangt fyrir mé

ef þú getur sett vel, illa eða mjög í staðinn fyrir orðið, er það atviksorð

 Þegar vafi leikur á hvort um lýsingarorð eða atviksorð er að ræða má oft skera úr um það með því að setja orð sem endar á -lega í stað vafaorðsins. Ef það er hægt er orðið atviksorð.

Dæmi:
 Hann kemur fljótt.
 Við breytum því og segjum: Hann kemur fljótlega.
 Hér er fljótt því atviksorð.

Atviksorð Lýsingarorð
Stúlkan syngur hátt. Fjallið er hátt.
Stúlkurnar syngja hátt. Fjöllin eru há.

Til þess að sjá hvort að orðið er lo. eða ao. notaðu orðin “gott”(lo.) og “vel”(ao) og settu þau í staðin fyrir orðið. Þá sérðu hvort passar betur!

Gott er líka að sjá það, því Atviksorð lýsa oft einhverjum atburði eða lýsingarorði, eða lýsir lýsingarorðinu ítarlega.

T.d. "Hann hleypur mjög hratt.“
eða,
Gott að muna líka að ”ekki" er alltaf atviksorð.

Ashy…

Lýsingarorð lýsa yfirleitt nafnorðum en atviksorði lýsa sögnum. Semsagt atviksorðin lýsa gjörðunum, “hann hljóp hratt” þarna er verið að lýsa sögninni að hlaupa. Lýsingarorð lýsa síðan afturámóti nafnorði, “bíllin er blár” þarna er verið að lýsa bílnum en ekki sögninni að vera.

Aðferðin sem að ég nota er eftirfarandi:

Að breyta um tölu setningarinnar.

Ef að um vafaorð lo. eða ao. er að ræða, og vafaorðið breytist eftir töluskipti (úr et. í ft. eða öfugt), þá er orðið lo.(d. fallegi - fallegu)

Annars er það ao. (d. oft - oft).
Þessi aðferð svínvirkar og er létt að leggja á minnið.

Dæmi:
Góðhjartaði maðurinn ekur mjög vel.

Góðhjörtuðu (lo.) mennirnir aka mjög (ao.)vel (ao.)

P.S. ekki öll atviksorð stigbreytast þannig gott er að nota bara útilokunaraðferðina þegar flokka á orð, ef þú skilur mig.

kv.siddi5

Það má eiginlega segja að Atviksorð lýsa sögnum. Lýsingarorð lýsa nafnorði.

Atviksorð fallbeygjast ekki.

*Atviksorð útskýra sagnir nánar – Hann les vel.
*Atviksorð útskýra lýsingarorð nánar –
Hún er mjög falleg.
*Atviksorð útskýra önnur atviksorð nánar - Þeir lesa alltaf vel.
*Sum atviksorð stigbreytast
vel – betur – best / illa – verr – verst
*Þegar atviksorð minna á lýsingarorð er gott að setja vel eða illa í stað vafaorðsins - Stúlkan les fallega (les vel (ao)). Stúlkan er falleg (er vel (ekki ao heldur lo)).
*Einnig er hægt að skipta um tölu – Stúlkurnar eru fallegar ( ath. vafaorðið breytist þá er um að ræða lo, ekki ao)

Settu bara vel í staðinn og ef það passar þá er það ao. Gangi þér svo vel í prófinu :)

Atviksorð lýsa sögnum en lýsingarorð lýsa nafnorðum eða fornöfnum.

Dæmi:

Hún er falleg. (falleg er hér lýsingarorð)
Hún syngur fallega. (fallega er hér atviksorð)

Svo eru auðvitað fleiri atviksorð en þetta er það sem flestir eru að ruglast á.

ao. kynbeygast ekki :)