Ankh fyrir 21 árum, 6 mánuðum Fjöldi lestra: 274

Fleira fólk!

Sælt veri fólkið!

Ég var að lesa hér greinar um Kárahnjúkavirkjun og álver fyrir austan, og þar var nefnt atriði sem ég var einmitt að ræða við sveitarstjórnarmann af Austurlandi í gær. Margir hafa nefnt að álverið verði að miklu leyti mannað af útlendingum, svipað og er nú þegar er byrjað að gerast í sjávarútveginum. Íslendingar fást ekki til að vinna í óþrifnaðar- og láglaunastörfum, og ef stendur til að fjölga störfum um einhver þúsund fyrir austan er trúlegt að þeirri eftirspurn verði að einhverju leyti mætt með erlendu vinnuafli.

Viðmælandi minn sagði hins vegar, hvað með það? Er þetta ekki líka fólk? Við viljum fjölga fólki fyrir austan svo betra sé að búa þar, skiptir einhverju máli hvort það séu allt Íslendingar eða ekki?

Tíu ára drengur kvartaði við mig um daginn og sagði að það væri allt of lítið af fólki á Íslandi. Hann spurði, “af hverju byggja menn ekki bara fullt af húsum alls staðar og bjóða fólki að koma frá öðrum löndum?” Þetta er mjög rökrétt spurning - er ekki einn helsti ókostur við þetta land okkar hversu fá við erum?

Ef við værum tíu sinnum fleiri væri hér öflugur innanlandsmarkaður, meiri samkeppni, fjölbreyttara mannlíf og menningarstarfsemi, betri samgöngur, ríkara fólk, betri skólar, voldugri stjórnmálamenn og meiri áhrif á alþóðavettvangi.

Er ekki kominn tími til að opna þetta land? Við þessar fáu hræður í allt of stóru landi getum ekki þóst bara eiga það? Og horfa upp á menningu okkar og þjóðfélag úrkynjast af tilbreytingarleysi?

Ég veit að allir sannir frjálshyggjumenn taka undir þessi sjónarmið (allir hannesarnir og hayekarnir - “free movement of natural persons”), kommúnistar taka þessu að sjálfsögðu líka fagnandi (alþjóðakommúnisminn viðurkennir engin landamæri), nú kratarnir vilja ólmir ganga í Evrópubandalagið sem opnar fyrir frjálsa flutninga m.a. pólverja hingað, svo þeir eru varla á móti þessu, það væri kannski helst Framsóknarmenn sem væru á móti? En spáið í því hvað væri hægt að framleiða mikið lambakjöt fyrir allt þetta fólk!

“Íslandi allt!” - ég meina - “allir til Íslands!”

Kær kveðja
Brynjólfu

crossbreed fyrir 21 árum, 6 mánuðum

Ég er ekki svo viss um að þetta sé svona auðvelt, sjálfur er ég þó mjög hlynntur Álveri í Reyðarfirði. Reyndin er sú að ekki er bara hægt að opna landið með öllu fyrir útlendinugm og ég get ekki séð að okkur vanti ríkara fólk í landinu frekar væri það dreifing auðsins sé það sem að hér þarf.

Fyrra álit

[Notanda eytt] fyrir 21 árum, 6 mánuðum

já, ísland ætti að verða svona banka og skattaparadís og opna landið fyrir fólki….. fín hugmynd

Fyrra álit

lhg fyrir 21 árum, 6 mánuðum

Ég held að það séu ekkert slæm laun í álverum þannig að ég held að Íslendingar vilji frekar vinna þar en í fiski. Veit einhver hér hver er prósenta starfsmanna sem eru nýbúar í hinum álverunum okkar?

Fyrra álit

Apache fyrir 21 árum, 6 mánuðum

Ef svo er lhg þá bara færist til vinnuafl þannig að skorturinn myndast í öðrum greinum. Við þurfum á fleira fólki að halda.. alltof fá hér og það eru alltof fáir sem borga skattana hér og greiða undir rasskatið á þeim sem ekki nenna að vinna.

Fyrra álit

lhg fyrir 21 árum, 6 mánuðum

Ég hef ekkert á móti fleira fólki. Útlendingar sem koma til Íslands þurfa að fá atvinnuleyfi þannig að þeir geta ekki sest upp á kerfið eins og maður hefur heyrt að gerist stundum í öðrum löndum. Þeir sem koma hingað þurfa því að vera tilbúnir að vinna og er það gott mál. Alveg nógu mikið til af lötum Íslendingum þó við séum ekki að flytja auka letingja inn.

Fyrra álit

Apache fyrir 21 árum, 6 mánuðum

Hárrétt - enda atvinnuþátttaka innflytjenda hérlendis miklu hærri en atvinnuþáttaka heimamanna.

Fyrra álit

Qualitor fyrir 21 árum, 6 mánuðum

Skrýtið, þar sem það er flutt fólk inn til landsinds til að manna störf ,,sem við nennum ekki að vinna" og fá síðan greidd laun sem er óskiljanlegt að það geti lifað á.
Atvinnuleysi Íslendinga eykst en samt höldum við áfram að flytja þetta inn, því fleiri sem koma, því fleiri Íslendingar verða atvinnulausir.
Það eru ekki störf fyrir þau núna sést best í því að straumur þeirra hefur minnkað gríðarlega mikið á þessu ári miðað við árið í fyrra.
Þurfum við þau virkilega? Auðvitað væri það frábært ef allir trúðu virkilega á textana hans Johns Lennons og allir myndu lifa sáttir en svoleiðis er það bara ekki. Við erum bara 280 þúsund, við getum ekki staðið undir endalausum straumi láglaunastéttar og ætlast svo til að allt verði í lagi, hvað með íslenskuna til dæmis? eða menningu OKKAR?
Þetta virðist hljóma svo vel; að taka við fólki af mannúðarástæðum, en allar tilraunir til þess hafa mistekist, hvert sem við lítum.

Fyrra álit

geirag fyrir 21 árum, 6 mánuðum

lhg:

Godur punktur. Til dæmis greidir Nordual hæstu medallaun allra vinnustada a Vesturlandi.

Fyrra álit

Bronco fyrir 21 árum, 6 mánuðum

Ég tel það afar ólíklegt að það verði erfitt að fá Íslendinga til að vinna í álveri. Það hefur ekki verið erfitt að mann þau álver sem hér eru. Laun eru góð í álverum og þar fá menn fríann mat og keyrðir til og frá vinnu. Það vinnur ekki bara verkafólk í álverum, þar eru allskyns sérmenntað fólk við störf.

Það borgar sig að fara varlega í að íhuga innfluttning á fólki. Það sem er að gerast í Evrópu í dag ætti að vera víti til varnaðar. Hérna einu sinni datt mönnum þetta í hug í Evrópu en með árunum sjá þeir eftir þessari hugmynd. Fleiri ókostir hafa fylgt þessari hugmynd en mönnum óraði fyrir. Menn hafa áttað sig á því að allt stefnir í að þeir verði gestir í sínu eigin landi. Gerum frekar eins og Lúxemborgarar og hvetjum til barneigna.

Fyrra álit

heidabjork fyrir 21 árum, 6 mánuðum

Það er nokkuð til í þessu.. mér finnst ekkert að því að útlendingar komi að vinna á Íslandi svo lengi sem að þeir fái sömu laun og Íslendingar fá fyrir sömu vinnu. Ég er lgjörlega á móti því að flytja inn erlent vinnuafl til þess að lækka launakostnað fyrirtækja það er bara eitthvað svo ótrúlega lúalegt. Það á bara að vera einhver ákveðin upphæð fyrir ákveðið starf og engu máli á að skipta hvort starfsmaðurinn sé útlendingur eða innfæddur.

Fyrra álit

Apache fyrir 21 árum, 6 mánuðum

Heiðabjörk - það eru lög í landinu sem passa að erlendur starfkraftur fær sömu laun og aðrir. Ef fyrirtæki brjóta á réttindum þessa fólks er náttúrulega um lögbrot að ræða.

Fyrra álit

Bronco fyrir 21 árum, 6 mánuðum

Apache, það eru líka til leiðir framhjá þessum lögum. Einnig er til nokkuð sem heitir “verktaki”.

Fyrra álit

heidabjork fyrir 21 árum, 6 mánuðum

Ég held að það sé ótrúlega algengt að það sé brotið á réttindum útlendinga sem koma hingað að vinna. Þeim er illa kynntur réttur sinn og ýmsar krókaleiðir farnar til þess að komast hjá því að borga þeim það sem þeim ber og Íslendingar myndu fara fram á…

Fyrra álit

Apache fyrir 21 árum, 6 mánuðum

heidabjork - já, það er nokkuð um að brotið sé á réttindum útlendinga á atvinnumarkaði hér en það er ekki þeim að kenna heldur atvinnurekendunum, verkalýðsfélögunum og yfirvöldum sem eiga að sinna eftirliti með þessu. Þetta hentar hins vegar atvinnurekendunum og þess vegna er lítið í því gert. Brotin tengjast venjulega ekki aðalvinnunni sem heimild er fyrir, heldur því að fólk er látið vinna lengur og ekki greitt fyrir og þesss háttar. Glæpamennska bara.

Fyrra álit

heidabjork fyrir 21 árum, 6 mánuðum

Einmitt.. ekkert er gert í málinu. Það er aldrei gert neitt í málinu þegar einhver er að græða. Mér finnst fáránlegt að eftirlitið og fræðslan sé ekki eins virkt þegar um útlendinga er að ræða og eins og ef um Íslendinga er að ræða. Það er bara óþolandi þegar litið er á útlendinga sem annars flokks fólk.

Fyrra álit

Apache fyrir 21 árum, 6 mánuðum

Bronco. Útlendingar get ekki ráðið sig sem verktaka hérlendis (ég á alltaf við fólk utan EES auðvitað). Verða að vinna hjá atvinnurekanda sem fær útgefið atvinnuleyfi til að viðk. erl. einstaklingur megi starfa hjá fyrirtækinu - leyfið er bundið við sérstakt starf ákveðið starfshlutfall (venjulega 100%) - ekki er t.d. heimilt að vinna meira eða í öðrum störfum hvorki hjá þessum atv.veitanda eða öðrum.

Fyrra álit

Anarcy fyrir 21 árum, 6 mánuðum

Ef einhver er að dissa það að útlendingar flytji hingað ætti hann aðeins að hugsa málið betur.

Íslendingum finnst sjálfsagt mál að planta sér hvar sem er í heiminum eftir nám eða bara til að leika sér og vinna, allir íslendingar yrðu hissa ef illa yrði tekið á móti þessum fallega hvíta kynstofni og það yrðu viðtöl við það fólk sem lent hefði í böggi úti í öllum blöðum.
En samt um leið er erfitt að taka á móti útlendingum í dreifbýlið!

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Fleira fólk!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi