midgardur fyrir 21 árum, 3 mánuðum Fjöldi lestra: 586

Pólitískt hugleysi Davíðs

Í grein á korkinu fjallar ritter um nýlega skoðannakönnun um afstöðu Íslendinga til Evrópumála. Þar kemur m.a. fram að aðeins fjórðungur vill sækja um aðild. 26% vilja sækja um, 46% eru andvíg umsókn og 28% eru óákveðin í afstöðu sinni. Það er Fréttablaðið sem stóð að þessari könnun.

Í grein sinni ályktar Ritter síðan “ef einhver flokkanna er að íhuga að auka vinsældir sínar með því að gæla við Evrópusambandið virðist það ekki til mikils. Þeir sem voru óákveðnir í afstöðu sinni til flokkanna eru síður fylgjandi umsókn en allur hópurinn. Af þeim sögðust 18% vilja umsókn, 38% voru óákveðin en 44% á móti”.

Það er mín skoðun að það lýsir pólitísktuhugleysi Davíðs Oddsonar að hann tekur ekki afstöðu til Evrópumála í komandi kosningum, en víkur sér alltaf undan með því að segja að Evrópumálin séu ekki á dagskrá. Evrópumálin verða á dagskrá á næsta kjörtímabili hvort sem okkur líkar betur eða verr. Því veldur einfaldlega umsnúningur Norðmanna til Evrópubandalagsins.

Í könnun Gallup fyrir norsku sjónvarpsstöðina TV2 mælast 58,3% þjóðarinnar fylgjandi aðild að ESB. Andvígir reyndust einungis 28,3%, en 11% vildu ekki svara og 2,6% sögðu spurninguna óviðeigandi.

Í Norður-Noregi, þar sem andstæðingar hafa ætíð verið í meirihluta, eru og stuðningsmenn aðildar Noregs að ESB orðnir í meirihluta, eða 49,1%. Andstæðingar mældust 27,2%.

Sérfræðingar um skoðanakannanir segja einna athyglisverðast hversu lítið hlutfall þeirra er sem eru óvissir og svara ekki.
(http://www.mbl.is/mm/frettir/show_framed_news?n id=1012634&cid=2)

Hugleysi Davíðs í þessu ljósi er mjög alvarleg, þegar það er næsta ljóst að næsta ríkisstjórn mun sitja fram til 2007, en Norðmenn verða þá væntanlega komnir á fullt skrið í viðræðum sínum um aðild að esb. Sé Davíð ábyrgur stjórnmálamaður þá þarf hann að taka afstöðu, en ekki að býða með það eftir kosningar og koma þannig aftan að kjósendum sínum. Því það er deginunum ljósar að leiði hann næstu ríkisstjórn mun hann líka leiða viðræður okkar við esb vegna breyttrar stöðu okkar í esb vegna aðildarumsóknar Norðmanna.

M.

september fyrir 21 árum, 3 mánuðum

Hafði ekki áhyggjur af Davíð, hann mun ekki verða við völd eftir næstu kosningar. Heilsa hans mun ekki leyfa það, það á eftir að koma í ljós að hann er með sjúkdóm og verður að hætta.

Fyrra álit

arnig fyrir 21 árum, 3 mánuðum

Er ekki allt í lagi með menn hér. Ef Davíð segir að Evrópumálin séu ekki á dagskrá hlýtur það að þýða að hann sé á móti inngöngu Íslands þangað. Það vill svo til að ég er honum hjartanlega sammála, Ísland á ekkert erindi í þetta bákn.

Fyrra álit

gelgja fyrir 21 árum, 3 mánuðum

Nákvæmlega!
ef Ísland gegnur í ESB þá þurfum við að spurja aðra hvað við viljum gera við fiskinn okkar…o.s.frv……
Þeir sögðu við Spánverja og fleiri, “við leyfum ykkur að stjórna ykkar fiskveiðum” og nú hefur annað komið á daginn.
Einnig erum við með góðan samning núna og þurfum ekkert á því að halda að ganga í ESB.
Þá þyrftum við líka að borga margar milljónir á ári með öðrum þjóðum og þá sé ég ekki hvað við erum að græða á því… ef við þurfum að vera í einhverju svona sambandi…afhverju þá ekki frekar að snúa okkur að Ameríku en Evrópu….?? :)

Fyrra álit

midgardur fyrir 21 árum, 3 mánuðum

gelgja:

Það á eftir að koma í ljós hvernig fer með fiskveiðar innan landhelgi. Hér erum við á sama báti og Norðmenn og því eðilegt að ríkin beiti sér sameiginlega í viðræðum við ESB en ekki í sitthvoru lagi.

Mestu viðskipti okkar eru við Evrópu og þar eigum við stærstu hagsmuna að gæta, ekki aðeins í viðskiptum heldur einnig í menningu, vísindum og listum. Með því að rjúfa tengslin við Evrópu værum við í mjög erfiðri og einangraðri stöðu sem ég held að fáir hefðu áhuga á að lenda í.

M.

Fyrra álit

Beerbelly fyrir 21 árum, 3 mánuðum

Ja það var einhver að segja það í fréttunum að sá samningur væri bara hálf ónýtur ef ekki tekst að semja um nýjann!!!!

Og plús ég mundi heldur ganga í ESB heldur í eitthvað bandalal með USA, það eru mestu asnar í heimi!!!!!

Fyrra álit

Anarcy fyrir 21 árum, 3 mánuðum

september

Akkúrat, Davíð á eftir að hætta í pólitík vegna sjúkdóms af andlega taginu. Nefnilega mikilmennskubrjálæðis og það verður óvíst hvort hann sleppi nokkurntíman út.
Hver er svo góður með sig´að segja að við eigum ekki að fara í ESB, veit einhver nákvæmalega hvað er í boði, hefur Davíð ekki lokað á alla “common sense” umræðu um það. Þeir sem eru svona harðlega á móti því að skoða málin ættu að fara í geðgreiningu og ath. hvort þeir séu nokkuð með “allt sem að Dabbi segir er rétt” syndromið. Sem virðist sitja mjög fast í fólki sem á erfitt með að hugsa sjálfstætt og vantar kannski föðurímyndin. Og þá er Davíð bara gerður að pabbanum sem allt veit!

Fyrra álit

geirag fyrir 21 árum, 3 mánuðum

midgardur:

A medan Nordmenn eru half-fylgjandi hugsanlegum vidrædum um adild tha eru Danir ad fara kjosa um framtid sina innan ESB a næstu 1-2 misserum. Já sem sagt um hvort their eigi ekki hreinlega ad segja sig ur ESB!

Nordmenn eru lika i vandrædum:
“Norðmenn töldu fjárkröfur Evrópusambandsins með öllu ótengdar raunveruleikanum og brugðu því á það ráð að leita eftir skilningi á sínum sjónarmiðum hjá þeim Evrópusambandsþjóðum sem þeir töldu næst sér standa. Og erindið hafði varla borist frá Osló til Stokkhólms þegar Göran Persson var búinn að tilkynna að Norðmenn ættu bara að halda sér saman og borga það sem upp er sett.”
http://www.andriki.is/vt/2003/18012003.htm

Thad er hverjum manni, sem hefur litinn ahuga a utursnuningum og storyrdaflaumi, ljost ad David Oddsson og Sjalfstædisflokkurinn eru ekki fylgjandi adild ad ESB. Vid vitum nokkurn veginn hvad vid komum til med ad fa ut ur vidrædum og getum thvi sparad okkur milljardana sem kostar ad “ræda vid” ESB ef okkur lyst ekkert a hvad okkur bydst.

David Oddsson rædur thvi ekki frekar en einhver annar hvad er a dagskra og hvad ekki. Thad vita allir sem eitthvad vita ad med thvi ad kjosa David og Sjalfstædisflokkinn er verid ad taka afstødu gegn ESB og hugsanlegri adild thar ad. Ad halda ødru fram er hreint thekkingarleysi.

Fyrra álit

deus fyrir 21 árum, 3 mánuðum

Vonandi verðurðu ekki móðgaður Geirag ef ég ásaka þig um þekkingarleysi, því málið er ekki svona einfalt. Fyrir okkur sem EES land, þá er þetta ekki spurning um aðild eða ekki aðild, heldur aðild eða núverandi aukaaðild (EES).

Margir áhrifamiklir sjálfstæðismenn eru mjög hlynntir Evrópusambandsaðild, og þegar Davíð Oddsson var ennþá með hugsjónir í pólitík þá var hann það líka (ásamt því að vera á móti sértækum ríkisaðgerðum í efnahagslífinu einsog 100miljaraða króna virkjunum og álverum).
Fyrir land einsog Ísland sem er svo nátengt stóru sambandi einsog ESB, og getur þakkað efnahagsuppgangi sínum síðastliðin áratug að miklu leiti lagarömmum um frjálsan markað og aðgengi að innri markaði ESB þá væri það fáranlegt að vera ekki sífellt að spyrja sjálfan sig hvort kominn sé tími á aðild !

Davíð veit þetta vel, og veit að Ísland ætti ekki mikla framtíð án þessa tengsla við ESB. Nú er landslagið að breytast mjög mikið og EES samningurinn stendur á brauðfótum. Þegar Davíð boðar að skipa skuli þverpólitíska nefnd um hvort ísland ætti að ganga inní ESB einsog nú, þá er það útaf því að hann veit að aðild er óumflýjanleg og þarf að láta aðra taka þá ákvörðun fyrir sig einsog með veiðileyfagjaldið.

Þeir sem horfa til Bandaríkjanna sem lausn eru kjánar, því að trúa því að litla ísland geti gert einhverja sérsamninga við USA er bara kjánaskapur. Það væri líka fáranlegt því þangað fer aðeins 20% af útflutningi okkar, á meðan Evrópulöndin eru 2/3! ESB er skyldugt að taka við okkur því við erum Evrópuþjóð og þar eigum við heima, bæði efnahagslega og menningarlega.

kv, Jónas Tryggvi.

Fyrra álit

geirag fyrir 21 árum, 3 mánuðum

deus:

Jæja gott og vel aukaadild eda friverslunarsamningur af einhverju tagi. En eg myndi kjosa Sjalfstædisflokkinn ad miklu leyti i trausti thess ad eg vissi ad hann væri ekki ESB-flokkur (burtsed fra EES-hugleidingum). Eg held ad svo eigi einnig vid um mjøg marga kjosendur hans.

Okkur vantar ekki Brussel yfir Island. Okkur vantar markadina i kringum Brussel. Vid ættum kannski ad hringja til Chile og fa ad vera med i friverslunarsamningaumrædunum sem their hefja bratt vid ESB? Chile hefur ju gert slika samninga vid 55% af hagkerfi heimsins an thess ad missa ørdu af fullveldi sinu.

Fyrra álit

midgardur fyrir 21 árum, 3 mánuðum

geiraq:

Hugleysi Davíðs felst í því að stórar blokkir sem hafa stutt Sjálfstæðisflokkinn eins og samtök iðnaðarins og verslunarinnar vilja stefna á aðild. Hins vegar er hin stuðningsarmurinn LÍÚ því mótfallinn. Með því að neita raunverulega að ræða málin kemst Davíð með flokkinn hjá að taka afstöðu.

Ég veit ekki hver er raunverulega afstaða Davíðs, hann hefur útvarpað einhverjum nöldurslegum skoðunum, sem eru fullar af fordómum, sem fá ekki haldið í alvöru umræðu. Þetta veit Davíð og hann veit líka að það er mikil hætta á að missa stórar blokkir innan Sjálfstæðisflokksins yfir til Samfylkingunnar ef hann fer að taka alvöru afstöðu.

Aðalatriðið er þó að það lýsir fullkomnu ábyrgðarleysi að svona stór flokkur með svona mikil áhrif á almenningsálitið neitar að fara ræða málin fyrir alvöru.

M.

Fyrra álit

geirag fyrir 21 árum, 3 mánuðum

midgardur:

Burtsed fra blokkum, “nøldri”, samsæriskenningum um hvad eigi ser stad bak vid tjøldin osfrv osfrv tha myndi eg, hinn almenni kjosandi, neytandi, namsmadur og skattborgari, aldrei kjosa Sjalfstædisflokkinn ef hann færi ad gæla vid gryluna i Brussel. Nylega tjadi mer felagi minn ad hann væri hættur vid Samfylkinguna einmitt vegna ESB-stefnu Sjalfstædisflokksins. Hann veit liklega ekki heldur af øllum samsæriskenningunum um hvad se “raunverulega” i gangi..

en eg held thvi engu ad sidur fullum fetum fram ad hinn almenni kjosandi viti ad Sjalfstædisflokkurinn med David i broddi fylkingar muni ekki stinga upp a adildarvidrædum vid ESB.

Sidan dettur ekki nokkrum manni i hug sem thekkir stjornmalaferil Davids ad kalla hann huglausan stjornmalamann. Til thess eigum vid betri dæmi, og dettur mer Solrun fyrst i hug.

Fyrra álit

midgardur fyrir 21 árum, 3 mánuðum

geiraq:

Auðvitað er það hugleysi (nú eða pólitísk slægð) að stærsti stjórnmálaflokkur landsins er afstöðulaus til helsta hagsmunamáls okkar. Með því að þetta stjórnmálaafl tekur ekki afstöðu heldur frestar umræðunni um ótiltekinn tíma þá er það auðvitað að koma sér undan því að taka afstöðu. Enda getur afstaðan valdið alvarlegum klofningi innan flokksins. Þetta veit foringinn og það er hugleysi af honum að þora ekki að láta flokkinn fara út í alvöru innri umræðu um málefnið.

Ég held að flestir geri sér ekki almenna grein fyrir því hversu mikið af efnahagslegum framförum á Íslandi á síðasta áratug er einmitt að þakka samningnum um evrópska efnahagssvæðið. En með honum gekkst ríkisvaldið undir ákveðnar kvaðir um opnun og nútímavæðingar efnahagslífsins.

Varðandi meint hugleysi Ingibjargar Sólrúnar þá held ég að nægi að benda á gjörninga hennar síðasta mánuð til að sýna fram á að þar fer alvöru stjórnmálamaður sem hikar ekki við að standa við eigin sannfæringu, fyrri samþykktir og rétt sinn, jafnvel þótt það geti kostað hana pólitískan frama. Hvenær myndum við sjá Davíð gera slíkt, maður sem ekki einu sinni leggur út í að láta flokkinn sem hann leiðir taka stefnumótandi afstöðu til Evrópumálanna?

Eins og ég hef sagt áður þá er þetta hugleysi Davíðs alvarlegt fyrir kjósendur Sjálfstæðisflokksins, því lendi flokkurinn í ríkisstjórn á næsta kjörtímabili mun hann þurfa að taka afdrifaríka ákvörðun í Evrópumálunum. Við einfaldlega komumst ekki hjá því. Flokksforysta Sjálfstæðisflokksins er því að sýna vítavert ábyrgðaleysi með því að fara út í kosningar án þess að gefa upp afstöðu flokksins til málaflokksins. Ég kalla þetta hugleysi en aðrir myndu kalla þetta skrum að geta borið skikkjuna svona á báðum öxlum.

M.

Fyrra álit

geirag fyrir 21 árum, 3 mánuðum

midgardur:

Eg se ekki betur en thetta se kristaltært hja Sjalfstædisflokknum:

“EES-samningurinn tryggir Íslandi aðgang að innri markaði Evrópusambandsins. Samskiptin við Evrópusambandið eru afar mikilvæg fyrir Íslendinga en vegna EES-samningsins lýtur spurningin um aðild Íslands að ESB ekki að neinum stórum viðskiptalegum hagsmunum. Hafa ber þó í huga að aðild að Evrópusambandinu jafngildir aðild að tollabandalagi sem og sameiginlegri viðskiptastefnu. Um leið er ljóst að alþjóðavæðing viðskiptalífsins veitir Íslendingum tækifæri til að taka með enn öflugri hætti en áður þátt í heimsviðskiptunum og opnar möguleika, sem ekki voru til staðar áður. Þetta á bæði við um viðskipti og fjárfestingar. Það er því hvorki nauðsynlegt né ráðlegt fyrir Ísland að binda sig Evrópusambandinu frekar en orðið er. Tækifærin liggja víða og má t.d. nefna að aukin samskipti Íslands við Asíuríki og opnun sendiráða þar skapar möguleika sem Íslendingar eiga að nýta sér. Opin viðskipti við aðrar þjóðir hafa verið grundvöllur efnahagslegrar velgengni Íslendinga. Því meiri og fjölbreyttari sem samskiptin við aðrar þjóðir verða, þeim mun meiri möguleikar skapast til að bæta lífskjör þjóðarinnar.”

http://www.xd.is/xd/adalsida?pid=2085

Gæti thetta legid ljosara fyrir? Er kannski spurning um ad prenta thennan texta i allar auglysingar svo ekki se hægt ad segja lengur, an røkstudnings, ad stefnan se ekki til stadar?

Ingibjørgu ætla eg ekki ad ræda thvi thad sem eg segi i dag gæti breyst a morgun. Lofordum hennar er hins vegar ekki hægt ad treysta, sama hvort hun er ad tala vid kjosendur eda samstarfsmenn.

Fyrra álit

deus fyrir 21 árum, 3 mánuðum

Þessi stefna Sjálfstæðisflokksins nær ekki til þess hvað ætti að taka til bragðs ef EES samningurinn hrynur einsog margar vísbendingar benda til nú. Það eina sem þarf að innganga Noregs í ESB, eða að við náum ekki að semja um breytingar á EES áður en stækkunin gengur í gegn.

EES er að úreldast hratt og það er enginn vilji til að uppfæra hann, enda nær hann yfir meirihluta ESB samstarfsins og engin ástæða til að leggja mikla vinnu í að higgla þeim ríkjum sem vilja ekki einusinni borga í uppbyggingu innri markaðarins.

Nær allir viðskiptasamningar Íslands eru gerðir í gegnum EFTA samstarfið, og væru okkur allir hagstæðari við við inngögu í ESB. Samningsstaðan liggur í stærðinni, en ekki smærðinni. ESB er með bestu mögulegu viðskiptasamninga sem völ er á, á meðan Ísland kemst ekki að samningaborði því við hörfum ekkert að bjóða! við erum með dverghagkerfi!

Davíð er að vakna upp við þetta nú, þessvegna er verið að skipa þverpólitíska nefnd um hvort besta lausnin til framtíðar sé ekki aðild. Þetta sýnir pólitíkst dugleysi Davíðs, alveg einsog þegar Auðlindanefndin sópaði yfir aumingjaskap hans í kringum kvótakerfið (en þó ekki nógu vel).

kv, Jónas Tryggvi

Fyrra álit

geirag fyrir 21 árum, 3 mánuðum

midgardur:

Latum okkur nu sja:
- Margmilljardareikninginn fyrir “uppbyggingu” innri markadar ESB eigum vid ad borga? Hugtakid “frjals markadur” er tha greinilega andstætt hugtak vid “innri markadur”.
- Ad gera friverslunarsamning er ordid urelt fyrirbrigdi og ekkert gengur nema ganga i bandalag med midstyrdu thingi, einni mynt og verdandi sameiginlegri stjornarskra? Eg bara spyr! Ekkert ad bjoda nema trodfullan sjo af fiski sem ESB er fyrir løngu buid ad spila fra ser.

Ad SJALFSØGDU er EES i endurskodun enda er ESB ad thenjast ut og vaxa i kostnadi og midstyringu. Vid eigum samt ekki bara ad missa nidrum okkur buxurnar og ganga Brussel a hønd. Vid eigum ad gera samning um verslun og vidskipti, en ekki reglur og haftir. Er thad kannski “urelt”? Nu eda “omøgulegt”?

Fyrra álit

deus fyrir 21 árum, 3 mánuðum

Margmiðljaraða ? 2.8 miljarðar er það vinur, sem er lítið gjald fyrir fullan aðgang að stærsta markaði okkar.

Þú talar með ótrúlegum fordómum um ESB. Miðstýring þar er mun minni en t.d. á Íslandi, Sveitarfélög hér fengu mun meiri völd þegar við gengum inní EES, því í ESB er lagt áherslu á að ákvarðanir séu teknar á lægsta mögulega stjórnsýslustígi. Hefur þú heyrt einhvern ráðherra kvarta yfir of mikilli miðstýringu ESB síðastliðin 10 ár ? og það þrátt fyrir að flestir þeirra vinni alveg einsog við værum fullir aðilar að sambandinu!

Þessi hugmynd um miðstýringu frá Brussel varð til þegar við tókum upp 85% af lagarömmum ESB með EES aukaaðildinni okkar! Síðan þá hefur enginn talað svona.

Það er ekki til einhver frjáls markaður í heiminum sem við getum orðið aðilar að, heimurinn er skiptur í viðskipta og efnahagssvæði. Á milli þessara svæða eru það sem þú kallar tollamúrar, þrátt fyrir að þeir séu ekki jafn háir og þegar það hugtak varð til. Tollamúrar Bandaríkjanna eru t.d. ekki lærri en þeir hjá ESB og ríkisstyrkir, reglur og haftir þekkjast innan allra þessara efnahagssvæða.

Reglur og haftir var það eina sem Ísland þekkti áður en það tók yfir lagaramma ESB um frjáls viðstkipti með EES samningnum. Stærstu höftin í efnahagslífi íslenga er landbúnaðarkerfið sem er mun markaðsvæddara innan ESB og svo sér íslenski gjaldmiðillinn sem er böl á íslensku efnhagslífi.

Já það er ómögulegt að skapa jafn góðan kost og ESB með samningum við önnur ríki. Ef þú finnur einhverstaðar viðskiptasamband sem býður okkur uppá að taka upp samseignilegan gjaldmiðil, vera hluti af innri markaði, eiga menningarlega samleið og fá að taka virkan þátt í stjórn þess bandalags, þá fyrst gætum við rætt eitthvað annað.

Þú og fleiri eruð bara með óendanlega mikla fordóma á ESB samstarfið og reynið að boða einhvern annan heilagan sannleik í nafni frjálshyggju, þegar sannleikurinn er sú frjálhyggja eru draumórar í litlum heimi stuttbuxnadrengja því heimurinn í dag býður ekki uppá þessar lausnir. ESB er ekki endanlegt svar, en það er langtum besta svarið nú.

Fyrra álit

geirag fyrir 21 árum, 3 mánuðum

deus:

Eg vona ad thu ætlir ekki ad asaka Vinstri-græna um frjalshyggjusjonarmid thegar their segjast ekki vilja ad Island gangi i ESB. Thetta frjalshyggju-comment var dapurlegur endir a annars sæmilegum skrifum, sem eg ætla leyfa mer ad skrifa ørlitid gegn:

Satt er thad ad vid sjugum upp reglugerdir fra EES sem sumar eru til bota og adrar ekki. En midstyringunni neitaru engan veginn. Hvernig lyst thjer a sameiginlega stjornarskra ESB sem nu er i skrifum? Hvad med sameiginlegan her ESB sem a ad hafa mjøg skamman vidbragdstima til ad senda hvert a land sem er? Nu eda breytingar a Evroputhinginu sem eru sist smáum thjodum til hagsbota thegar kemur ad atkvædavægi og stjorn a eigin hag. Hvad finnst thjer um ad Italir, ein stærsta thjod ESB, hafi fengid skammir fra Brussel thegar their ætludu ad lækka skatta sina “of mikid” til ad hressa upp a efnahaginn? Hvad med hugtakid “sjavarutvegsstefna Evropusambandsins” thar sem Spanverjar eru frekastir allra? Ja um leid og their eru gripnir med of litla møskvastærd.

Fordomarnir eru ekki gagnvart ESB hja andstædingum thess. Fordomarnir eru hja ESB-hlynntu folki sem getur ekki sed ljosid fyrir Brussel og skrifrædisbakninu og finnst adild vera eitthvad natturuløgmal af thvi vid skrifudum undir EES a sinum tima og skiptum a reglugerdum fyrir vidskiptafrelsi.

Og ef thu sakar Vinstri-græna um frjalshyggju aftur tha veistu hvad thad gerir fyrir marktækni thina.

Fyrra álit

deus fyrir 21 árum, 3 mánuðum

hehe, vinstir grænir er ekkert annað en gamaldags sósíalismi. Þeir eru ekki sekir um annað en fordómanna á ESB en almennt úrræðaleysi í alla staði utan þess.

Sjávarútvegsstefna ESB er alveg einsog og aðrir lagarammar, Sjávarútvegsstefna íslands rúmast innan þess lagaramma án breytina. Það sem er hlægilegt er að þeir sem gagnrýna Sjávarútvegsstefnu ESB eru með því að segja að hún sé ekki nógu ítarleg, því aðildarlöndin komast upp með að vera með undarlegar útfærslur á henni.

Sameiginleg stjórnarskrá er hugsuð til að tryggja sama rétt allra Evrópubúa, sem eru meðal annars með sameiginlegan Evrópudómsstól. Hún er ekki hugsuð þannig að hún eigi að ná til allra þátta, heldur bara til að það sé ekki hægt að níðast á þegnum eins lands innan ESB án þess að það sé hægt að gera neitt í því.

Ég kannast ekkert við þetta Ítalíu dæmi sem þú nefnir. Skattar innan sambandsins eru misjafnir, og t.d. er Írland með mjög lága skatta á fyrirtæki þannig að ég efast um að skrif þín séu rétt.

Ég sé alveg ljósið fyrir Brussel.. ég er í hátæknimenntun og sé bara ekki fyrir mér atvinnu hérna með áframhaldandi stjórnarháttum. Ég hef engan áhuga á að vinna í Álveri og vill byggja upp eitthvað meira en frumvinnslu hérna á íslandi. Það er bara ekki hægt að bjóða fyrirtækjum uppá það rekstrarumhverfi sem ísland hefur, enda er samið sér um skattlagningu á hverja stóriðju hér á landi. Það þarf að vinna markvisst að því að breyta landinu, og ég sé ESB sem eina jákvæðustu breytinguna sem er í boði.

Það er heldur ekki boðlegt að búa hér, með háskólamenntun og fá laun einsog skúringarfólk í hinum Norðurlöndunum. Þurfa að koma sé í gegnum háskóla í skítafátækt vegna slæms lánakerfi og hás matarverð. Það er ekki hægt að breyta þessu öllu með ESB einusaman, en það þarf mjög breyttar forsendur til, sem ég tel að aðeins ESB getur fært okkur.

Óbreytt ástand er bara ekki boðlegt stórum hluta þjóðarinnar.

Fyrra álit

geirag fyrir 21 árum, 3 mánuðum

deus:

Frettin um Italina var einhvern timann i fyrra og er rett. Ad their, thessi stora fjølmenna thjod, ætli ser ad lækka skatta of mikid, var ekki ad skapi storkallanna i Brussel.

Thøkk se EES getur thu audveldlega flust til Evropu og fundid vinnu ad thinu skapi. Reyndar er 10% atvinnuleysi i stærri rikjunum og ungt folk treystir a styrki og bætur til ad lifa og læra, en thitt er valid.

Thad ad fullyrda ad med storum vinnustad eins og fyrirhugudu alveri komi ekki thjonusta, samfelg, forsendur stækkandi byggdar og annad eins er audvitad hreinn arodur.

Enn og aftur talaru eins og ESB se natturuløgmal, og “aðeins ESB” dugi til ad gera eitt og annad. Thetta takmarkar audvitad synina a tha storkostlegu galla sem felast i thvi ad afhenta stjorn efnahagsmala i litlu hagkerfi med serhæft atvinnuumhverfi til Brussel. Eg myndi nu til dæmis halda ad lagir skattar a folk og fyrirtæki asamt thægilegu reglugerdarumhverfi sem allt legdist a eitt med ad lada fyrirtæki til landsins væru heilbrigdara medal fyrir hatæknimenntad folk heldur en skrifstofuadgangur i høfudstødvum ESB i Brussel og 3-4 atkvædi a Evroputhinginu, med tilheyrandi kostnadi.

Fyrra álit

deus fyrir 21 árum, 3 mánuðum

Sama hver skattprósentan er, þá hafa fyrirtæki ekki áhuga á að flytja sig í smáhagkerfi með mynt sem fylgir ál og fiskverði.

Það er 7% meðalatvinnuleysi í ESB, 4% hér og fer hækkandi, mest meðal tæknimenntaðs fólks. Það að nefna meðalatvinnuleysi sem ástæðu fyrir að ganga ekki í ESB er jafn fáranlegt og nefna meðalþyngt, þetta er jafn mismunandi og löndin eru mörg.

Ungt fólk treystir alltaf á styrki og bætur við nám, á íslandi er það bara oft ekki nóg. T.d. fæ ég mun hærri námslán bara við að vera búsettur í Austurríki heldur en ef ég væri á Íslandi. Aðeins 50% íslendinga hafa einhverja framhaldsmenntun, þar á meðan verkmenntun eða stúdentspróf. Það er ekki verið að stuðla að hagsæld heldur vesæld.

Ég hef aldrei talað um ESB sem nátturulögmál sem muni sjálfkrafa laga neitt, heldur umhverfi þar sem við höfum mun betri möguleika á að breyta þessu fábrotna atvinnulífi okkar í eitthvað fjölbreyttara þannig að ég og fleiri getum fundið okkur vinnu við hæfi á Íslandi framtíðarinnar. Sjáðu bara hvað Írland og sérstaklega Finnland hafa gert!

Það er svo sorglegt að horfa uppá núverandi stjórn drepa niður þá grósku sem átti sér stað í uppganginum síðastliðin áratug, og nú kæfa nýjar vonir með núverandi gengisstefnu.. nú mun ríkisstóriðja og erlent fjármagn fyrir ríkisbankanna sem mun hækka gengið enn meir.

Þetta eru gjörsamlega óábyrgir stjórnarhættir, og slæm viðbrögð við dífu sem hefði aldrei þurft að koma. Ef krónan væri í alvörunni stjórntæki sem við ættum að halda í, þá ætti að beita því stjórntæki núna. Hvernig á fyrirtæki sem fjármagnar sig á innlendum lánum á okurvöxtum að keppa við erlenda samkeppni ?

Fyrra álit

geirag fyrir 21 árum, 3 mánuðum

deus:

Eg sagdi: “Reyndar er 10% atvinnuleysi i stærri rikjunum ..”. Hver taladi um medalatvinnuleysi annar en thu?

Fyrirtæki a Islandi geta taldi fram i theirri mynt sem thau sjalf kjosa. Flest hafa kosid dollarinn, fjøldi sem nemur fingrum annarrar handar vøldu evruna, eitt for i breska pundid og eitt for i norsku kronuna, ad mig minnir.

Fleiri voru rangfærslurnar ekki i bili. Fullyrdingum og storyrdum svara eg kannski sidar.

Fyrra álit

deus fyrir 21 árum, 3 mánuðum

Það að geta talið framm í erlendri mynt kemur daglegum reksti fyrirtækja nær ekkert við. Það eru rétt 40 fyrirtæki hér á landi sem kjósa að gera þetta, því þetta þykir mjög flókið.

Flest þeirra telja já framm í Dollurum, því Evran er ung. Þetta hefur ekkert að segja með það hvort eigi að kasta krónunni fyrir Evru eða ekki.

Fyrra álit

gummi3849 fyrir 21 árum, 3 mánuðum

“Just as the Soviet Union was forced to recognize reality by dispersing power to its separate states and by limiting the powers of its central government, some people in Europe were…taking powers away from national states and concentrating them at the centre.”

Margaret Thatcher

Þarf að segja eitthvað meir?

Fyrra álit

gummi3849 fyrir 21 árum, 3 mánuðum

…og eitt að lokum, hver hlustar á svona kjánalegar yfirlýsingar eins og hugleysi Davíðs varðandi ESB!

Hann var fystur manna, og hans flokkur reyndar, til að koma með skoðun á ESB málinu, á móti!

Fyrra álit

midgardur fyrir 21 árum, 3 mánuðum

gummi3849:
stefna sjálfstæðisflokksins var að frysta umræður um málið þar sem það var ekkert í spilunum sem kallaði á aðildarumræður.

Stórar valdablokkir innan sjálfstæðisflokksins eru meðmæltar aðild að ESB en aðrar á móti. Kosturinn að fresta málinu er að þá þarf ekki að leiða fylkingarnar saman. Festunin er hins vegar að koma aftan að flokknum núna, þar sem við þurfum að bregðast skjótt við og verða samstíga Norðmönnunum í undirbúningi að aðildarviðræðum. Sjálfstæðisflokkurinn hefur hreinlega sofið yfir sig í þessu máli.

M.

Fyrra álit

geirag fyrir 21 árum, 3 mánuðum

deus eg avarpadi thig vist sem midgard en thu fyrirgefur thad vonandi og svarar eins og ekkert hafi i skorist!

Fyrra álit

midgardur fyrir 21 árum, 3 mánuðum

geiraq minn vandamálið hér er að EES verður sjálfsagt ekki til öllu lengur. Þetta er það sem næsta ríkistjórn mun standa frami fyrir á næsta kjörtímabili. Á miðju kjörtímabilinu eða 2005 verða Norðmenn komnir langt með að semja sig inn í ESB en út úr EES.

Ábyrgðaleysi Sjálfstæðisflokksins er því með eindæmum. Fálkaflokkurinn ætlar að standa undir því að vera samsafn af fálkum. Hinir flokkarnir ganga til kosninga með skýra stefnu, en sjálfstæðisflokkurinn er með enga stefnu, nema úrelta. Get ekki sagt annað en að það er dapurlegt að stærsti stjórnmálaflokkur landsins er ekki með betur uppfærða stefnu en þessa á sinni heimasíðu.

M.

Fyrra álit

geirag fyrir 21 árum, 3 mánuðum

midgardur (rett i thetta sinn):

Gott ad sja ad thu hefur “fundid” stefnuna. Hun er sem sagt til. En er hun tha ordin urelt nuna? Hver er stefna Samfylkingarinnar vardandi ESB? Vard ur ad hun yrdi ad stefnt yrdi ad adilarvidrædum? Nu eda hreinlega ad adild? Ekki veit eg hvad VG vill heldur ef thad ad vilja ekki ganga i ESB er “engin” stefna, eda “urelt”. Hvad tha Framsoknarflokkurinn! Hver er stefna hans?

Mer synist sem svo ad Sjalfstædisflokkurinn se hreinlega eini flokkurinn thar sem kjosendur vita nakvæmlega hvad er i gangi hja i Evropumalunum. Ekki ESB, vidhalda EES (nu eda einhvers konar friverslunarsamning ef EES “gufar upp” allt i einu eins og sumir virdast vilja meina).

Fyrra álit

midgardur fyrir 21 árum, 3 mánuðum

geiraq, fyrirgefðu auðvitað er þetta bull varla hægt að kalla stefnu. Sjálfstæðisflokkurinn hefur einfaldlega látið taka sig í bólinu. Enda flokkurinn orðinn værukær, feitur kall umkringdur jarmandi sauðum, sem hafa ekki sjálfstæða hugsun lengur.

Flokkurinn hefur ekkert að gera í landstjórnina nema hann taka þarna alvöru afstöðu.

M.

Fyrra álit

arnig fyrir 21 árum, 3 mánuðum

midgardur:
Það er ljóst öllum sem vilja vita að Sjálfstæðisflokkurinn hefur sagt það skýrt að hann sé á móti aðild Íslands í ESB.

Hvers vegna áttu svona erfitt með að skilja svona einfaldan hlut ??

Fyrra álit

midgardur fyrir 21 árum, 3 mánuðum

arniq:

Sjálfstæðisflokkurinn hefur aldrei lýst því yfir að hann sé á móti aðild Íslands að ESB, aðeins að þetta sé ekki í umræðu innan flokksins. Enda hvernig gæti flokkurinn haft þá stefnu þegar aðilar vinnumarkaðarins hafa ályktað gagnstætt þessu. Sjálfstæðisflokkurinn hefur jú alltaf sett stefnu atvinnulífsins í öndvegi (nema kannski núna og því ágætt fyrir samtök atvinnulífsins að vita af því).

M.

Fyrra álit

arnig fyrir 21 árum, 3 mánuðum

midgardur:
Hvaðan hefurðu þessa þvælu, hefurðu ekkert fylgst með umræðunni um ESB hjá Sjálfstæðisflokknum. Eins og ég segi, það er augljóst þeim sem vilja vita að Sjálfstæðisflokkurinn er á móti inngöngu í ESB, alveg sama hvað þú reynir að misskilja hlutina.

Fyrra álit

midgardur fyrir 21 árum, 3 mánuðum

arniq:

Ég hef hlustað á fordómafulla umræðu innan Sjálfstæðisflokksins og er þar helst formaður sem hefur verið að tjá sig. Í máli og rómi virðist málflutingur hans og talandi þó helst vera þannig að það er eins og hann hafi farið öfugmegin framúr eða orðið fyrir öðru rúmruski. Önuglyndið og dellan sem vellur þar fram er varla hægt að flokka undir umræður.

Síðustu fréttir um samstarf Íslendinga og Norðmanna um sameiginlega stefnu um stjórnun sjávarútvegsmála, sýnir hversu sofandi ráðherrar Sjálfstæðisflokksins eru í þessu máli, enda er málið víst ekki rætt þar á bæ, nema ef vera skildi þetta önuglyndi formannsins.

M.

Fyrra álit

gmaria fyrir 21 árum, 3 mánuðum

midgardur.

Mér best vitanlega hefur núverandi forsætisráðherra ekki farið í neinar grafgötur með, skýra afstöðu þ.e. hann er á móti aðild að ESB.

Sama er að segja um formann VG.

Framsóknarflokkurinn vill ræða málin.

Samfylking vill sækja um aðild.

Man ekki hvað FF vill gera í þessum málaflokki.

kv.
gmaria.

Fyrra álit

midgardur fyrir 21 árum, 3 mánuðum

gmaria:

Við höfum ekki hugmynd um hver er afstaða Sjálfstæðisflokksins til Evrópumála, fyrir utan einhverjar úrillar skoðanir Davíðs. Þetta er auðvitað mjög alvarlegt mál þegar foringi Sjálfstæðismanna stendur í vegi fyrir því að flokkurinn getur sett fram alvöru skoðun á málinu aðra en þá að það er ekki á dagskrá.

Málið verður á dagskrá á næsta kjörtímabili hvort sem okkur líkar betur eða verr, því eiga kjósendur heimtingu á að vita afstöðu Sjálfstæðisflokksins. Það verður jafnvel sett inn í málefnasamninga næstu ríkistjórnar um stjórnarsamstarf. Aðilar atvinnulífsins sem hafa stutt Sjálfstæðisflokkinn eiga auðvitað heimtingu á að vita hver sé afstaða flokksins til Evrópu mála þar sem þetta er eitt af helstu hagsmunamálum þeirra. Davíð veit að umræður um Evrópumálin gætu valdið miklum titringi innan flokksins sem hann þorir ekki að fara út í, enda gætu stórar blokkir hreinlega flotið í burtu, endanlega í faðm Samfylkingarinnar.

M.

Fyrra álit

gmaria fyrir 21 árum, 3 mánuðum

midgardur.

Það sem þú kallar “ úrillar skoðanir Davíðs ” er
vilji meirihluta landsmanna sem er á móti inngöngu
í Evrópusambandið, þótt aðilar atvinnulífsins séu þar kanski ekki samferða í skoðunum upp til hópa.

kv.
gmaria.

Fyrra álit

midgardur fyrir 21 árum, 3 mánuðum

gmaria:

Eins og í öðrum málum, þá getur vilji meirihlutans sveiflast mjög hratt, enda hefur fylgið við ESB aðild sveiflast á milli meirihluta og minnihluta eftir því hvernig umræðan er í samfélaginu. Norðmenn eru greinilega farnir að skoða aðild af mikilli alvöru og byrjaðir að vinna heimavinnuna sína. Brenndir af reynslu fyrri umsókna virðast þeir vita nákvæmlega hvar skórinn kreppir og hvaða lykilhagsmunir verður að leggja áherslu á. Þar eru þeir á sama báti og við, að forræðið yfir fiskimiðunum verður aldrei selt í hendur ESB.

Sjálfur er ég meðmæltur undirbúningi að aðildarviðræðum en það er alveg klárt af minni hálfu að aðild verður ekki greidd með hverju sem er. Slíkt verður alltaf sett í þjóðaratkvæði, aðeins þá, á grundvelli þeirra samninga get ég ákveðið hvort ég eigi að vera með eða á móti aðild. Að vera á móti aðild núna og ekki vilja fara út í undirbúning að samningsviðræðum og síðan í alvöru viðræður, er auðvitað mikil heimska og varla sæmandi sæmilega hugsandi fólki að taka þann pól í hæðina.

M.

Fyrra álit

deus fyrir 21 árum, 3 mánuðum

Já, þetta er mjög alvarlegt mál því ef Noregur gengur inní ESB, þá er EES samningurinn búinn. Ef það gerist þá þurfum við að ganga inn á sömu forsendum og Normenn, í stað okkar eigin.

Fyrir þá sem skilja þetta ekki, þá er Noregur eina stóra landið sem er eftir í EES samningnum, öll hin gengu í ESB þegar var verið að semja um EES eða stuttu eftir. ESB vill ekki halda í EES þar sem þetta er óþarfa lagskipting á aðild og flækir málin í ákvörðunum einsog t.d. við stækkunina núna. (EES er 85% ESB aðild. Í grófum dráttum er EES bara ESB aðild að undanskilinni Sjávarútvegs og Landbúnaðarstefunni. Þannig eru í raun allir ráðherrar íslands nema sjávarútvegs og landbúnaðar að vinna innan fulls lagaramma ESB)

Það er ekki það mikið ferli fyrir EES löndin að sækja um aðild, þannig að ef Noregur fer í aðildarviðræður þá geta þeir gengið í ESB á örfáum árum.

Með skoðanakönnunina, þá er þetta undarlega mikil sveifla. Það er greinilegt að neikvæðar fréttir um aukin fjárframlög íslands til ESB hafa mikið þarna að segja. Fólki sem finnst þetta vera miklir fjármunir ættu samt aðeins að hugsa um hvað við erum að fá. Við erum að fá fullann aðgang að innri markaði á stærsta útflutningssvæði okkar, einsog við værum með fulla aðild.

Þegar ESB fer frammá að við tökum þátt í fjárframlögum til uppbyggingu fátækari ríkja á innri markaðinum, þá eru þeir ekki að biðja um peninga fyrir ekki neitt. Þeir eru að biðja um sömu fjárframlög frá okkur fyrir aðgegni að þessum markaði og aðildarlöndin eru og hafa verið að borga. Hvað er ósanngjarnt við það ? og hvað er sanngjarnt við að við borgum ekki neitt ?

Fyrra álit

L4m3r fyrir 21 árum, 3 mánuðum

Ég tel að Davíð verði eða mun neyðast að taka afstöðu til Evrópubandalagsins, vegna þess að þetta er mál sem mun koma upp í næstkomandi kosningum.

Fyrra álit

[Notanda eytt] fyrir 21 árum, 3 mánuðum

Davíð er alfarið á móti ESB. Reyndar stendur hann meira að segja á móti því að möguleiki á því verði til staðar… þ.e.a.s., hann vill ekki einu sinni hefja samningaviðræður við ESB, og hefur sjálfur sagt berum orðum að hann muni aldrei styðja inngöngu í ESB, nema hann missi vitið, svo ég noti hans orð.

Þið vitið það þá öll. ;) Davíð og Sjálfstæðisflokkurinn er á móti aðild í ESB. Mér finnst Davíð nú alveg fáránlega hrokafullur og latur/huglaus fyrir það að geta aldrei nokkurn tíma talað við neinn opinberlega nema það sé ekki fræðilegur möguleiki á mótrökum, en í þessu máli er enginn vafi á hans skoðunum.

Svo eru það auðvitað forsendur skoðana hans sem eru allt annað mál. Eftir þau fjölmörgu mál sem er skrifað á með rauðum, þykkum texta “spilling”, “eiginhagsmunasemi” og þvíumlíkt, þá hef ég lært að véfengja allt sem maðurinn segir.

En menn vita það allavega núna, að fíli menn ekki ESB, þá er Davíð sammála ykkur. ;)

Mér sjálfum er andskotans sama. :) Ég treysti ESB alveg nákvæmlega jafn lítið fyrir þessu landi og sitjandi ríkisstjórn, þó þeir myndu veiða allan fiskinn okkar, sem er svo margumtalaður. Ég fæ ekki séð að kvótakerfið sé andskotanum neinu skárra. ;)

Fyrra álit

september fyrir 21 árum, 3 mánuðum

Davíð Oddsson mun ekki hafa stefnumarkandi áhrif í næstu ríkisstjórn, því að heilsu hans fer hrakandi og ég endurtek að hann mun VERÐA að hætta störfum á opinberum vettvangi sökum heilsubrests á þessu ári, það er hins vegar ekki gott að segja hvaða stefnu sjálfstæðisflokkurinn mun taka þegar að nýr maður tekur við. En tími Davíðs er að renna út, sannið til. Þegar heilsan er farin, þá er þetta búið. September.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Pólitískt hugleysi Davíðs

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi