tekið af www.dojangdreki.comPróf í Mexíkó
Þriðja beltapróf Dojang Pequenos lauk í gær þegar Master Sigursteinn Snorrason heimsótti okkur og hélt beltapróf fyrir nemendur SsangYongTaekwon - Dojang Pequenos. 75 nemendur þreyttu próf og stóðust flestir prófið sitt. Nokkrir áttu þó í vandræðum með formin sín og munu þeir taka endurtektarpróf eftir 2 vikur, þ.e.a.s. þann hluta prófsins.
Það var einnig mikið um sérstakar útnefningar. Daniel Sanchez Luna, 10 ára, var valinn nemandinn með tæknilegasta besta toljochagi (bogaspark) prófsins og sýndi hann fram á það með því að brjóta viðartöflu með sparkinu í höfuð hæð og gerði hann það í fyrstu tilraun.
Einnig var valinn nemandinn með besta poomse (formið), Germán Celis Beltrán, og fékk hann þá ábyrgð að aðstoða í tímum yngri krakkana við formin sín.
Krakkarnir voru eflaust einnig mjög spennt yfir því að fara að keppa á sínu fyrsta móti utan heimilisins með nýja beltið sitt. Þetta mót er haldið árlega í borginni Acapulco sem er mikil strandaborg og höfum við verið að safna pening fyrir þessari ferð í langan tíma. Okkur hefur tekist að safna fyrir ferðinni með hjálp ykkar og mun verða skrifað um þá ferð á næstu dögum og munu að sjálfsögðu myndir fylgja með.
Sérstaka þökk fær Jón Hermann í Fjölni. Honum tókst að safna 50.000 kr. sem hann fékk frá endurvinnslunni fyrir flöskur sem hann hafði safnað. Þessi peningur fór í að kaupa búninga fyrir alla þá nemendur sem tóku próf og ramma fyrir viðurkenningarnar þeirra. Krakkarnir sýndu þakklæti sitt og sendu Jóni Hermanni tvær stórar myndir sem þau teiknuðu handa honum ásamt því að gefa honum dobok (Taekwondo galla) sem þau skrifuðu öll nafnið sitt á þar sem peningurinn sem hann safnaði var notaður í dobok handa krökkunum. Jón Hermann safnaði þessum pening á þrem mánuðum eins síns liðs og sannaði það að vera mikilmenni býr ekki í stórum og stæltum vöðvum heldur í sterkum hug og stóru hjarta.
Takk fyrir Jón Hermann frá öllum Pequenos Hermanos hér í Mexico.
Levy.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.