Mikilvægt!!! Merkja allar sögur sem fara í keppnina með *Keppni*.

Sæl öll,
Vegna fjölda eftirspurna hefur verið ákveðið að setja í gang aðra smásagnasamkeppni. Afsakið hvað ég var lengi að henda þessu inn en það hefur verið einstaklega mikið að gera, eins og hjá mörgum væntanlega.

Keppnin á að tengjast hátíðunum, bara af því að þær eru að koma. Og með hátíðirnar er átt við allt það sem gerist í desember, hvort sem það eru jólin, hanuka, áramótin o.s.fr. Hér eru skilyrðin:

- Sagan verður að byggjast á atburði sem þú upplifðir einhverntímann yfir hátíðirnar, og hann verður að tengjast hátíðunum á einhvern hátt, semsagt þær þurfa að koma fram, eða allaveganna ein af þeim.

- Þú mátt breyta um persónur og umhverfi eins og þú vilt, jafnvel skálda í eyðurnar, en þetta verður samt að byggja á þinni eigin reynslu.

- Sagan verður að vera á íslensku.

- Hámark 2000 orð, lágmark 200 orð.

- Ekki verður tekið á móti illa stafsettum og óyfirförnum sögum, en ef þið eigið í vandræðum með slíkt má senda mér sögur til yfirlestrar.

- Sögum þarf að skila í seinasta lagi kl. 23:59 þann 31. desember (fyrir árslok).

- Einnig vil ég benda á að ritstuldur er brot á hegningarlögum.

Endilega spyrjið ef eitthvað er óljóst.