Ég verð nú bara að taka undir það sem Z (fyrir Zorglúbb) er að halda fram. Ein helsta ástæða þess að hér ílengjast ekki hugarar er sú að á síðunni gerist lítið sem ekkert og þar af leiðandi er lítið um að sögur fái almennilega gagnrýni, jafnvel þrátt fyrir að þær hangi uppi jafnvel í viku. Aðalástæða þess að ég fer inn á td. ljóðasíðuna daglega er sú að þar er alltaf eitthvað nýtt að sjá, fyrir vikið verður síðan spennandi. Einnig má benda á það að þar fer fram yfirleitt nokkuð mikil og góð umræða um flest allt sem snýr að ljóðum og ljóðagerð. Þeir póstar á korkana hér fjalla eru flestir einhvers konar kvartanir eða spurningar til admin.

Það þarf að gera síðuna áhugaverðari, hvernig sem er. Með fjölbreyttari greinum eða korkum, búta niður sögur(svo að lesandinn fái nú ekki ógeð á að fletta niður skjáinn) eða jafnvel með að opna meira fyrir hin söguformin, örsöguna, ritgerðina eða ljóðsöguna(söguljóðið). Þetta er allt háð stjórnendunum og hversu opnir þeir/hann er(u) fyrir nýjungum.