18 ára, hrein mey með efasemdir um lífið. Sumar, vinna og vinna meira, en hvar? Sækja um og aftur. Ekkert svar nema 1 nei. Helvítis!
Koma heim með skottið á milli lappanna. Bæjarvinnan, 96 þúsund á mánuði
Næ betri tengslum við æskuvinkonu. Kynnist krökkunum, tek sumarið með ró. Komin með gælunafn hjá hópstjórunum.
Sætur strákur, tveimur árum yngri, fótboltastrákur. Hann man ekki nafnið mitt. Fíflast bara og vinnur ekkert. Öllum er sama, hann er svo skemmtilegur! Okkur er strítt, „kæró kæró!“ mér yljar um hjartarætur. Missi óvart útúr mér kjánalega setningu. „hvað er eiginlega að mér“? Við tölumst lítið við. Hann prófar bílinn minn á planinu. Hann getur ekki verið kyrr. Hann er hættur að vinna.
Ég þori ekki að adda honum á facebook.