Klukkan 8:40 þann 19. október síðastliðinn var gerð húsaleit hjá Guðrúni Skarphéðinsdóttur í útjaðri Keflavíkur vegna fnyks sem angrað hafði nágrannana í nokkra daga. Kom í ljós að Guðrún hafði dáið fyrir allnokkru á heimili sínu og var lykt af rotnandi líkinu byrjuð að sækja um húsið. Þessi 78 ára kona átti sér hinsvegar óvenjulegt áhugamál sem kom í ljós við nánari skoðun lögreglunar á íbúðinni.
Lögreglan kom að gríðarmiklu líffæra safni. Eftir nánari athugun kom í ljós að líklega hefði Guðrún byrjað á því að brytja eiginmann sinn niður og setja hann í formalín krukkur til geymslu fyrir um tíu árum. Þannig hafði þróast sjúkleg sívaxandi árátta á líffærasöfnun.
Í viðtali blaðsins við son Guðrúnar, Eirík Ormsson, kom fram að hún hefði ekki viljað láta mann sinn frá sér og voru formalín krukkurnar það eina sem veitti henni ró og sálarfrið í ellinni. Eiríkur ætlar að berjast fyrir í rétti að hið ólöglega líffærasafn móðursinnar verði jarðað ásamt hennar eigin innyflum í vígðri gröf merkt henni og eiginmanni hennar.